بھارت میں چور فرار ہونے کے دوران دروازے میں پھنس گیا جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق غازی آباد میں بند گھر میں چوری کے لیے داخل ہونے شخص فرار کی کوشش کے دوران دروازے میں پھنس گیا۔
شالیمار گارڈن کے علاقے میں چور نے گھر کو دیکھا جو بند تھا جس کے بعد وہ گیٹ اور لوہے کی گرل سے اندر چلا گیا لیکن باہر نکلنے کے دوران وہ دروازے میں پھنس کر رہ گیا۔
وائرل ویڈیو میں چور کو دروازے میں پھنسا دیکھا جاسکتا ہے جبکہ اس کی باہر نکلنے کی کوشش بھی ناکام ثابت ہورہی ہے۔
ہجوم نے چور کو دیکھ کر پولیس کو اطلاع دی جس کے بعد اہلکار اسے لے کر تھانے پہنچ گئے۔
پولیس کا کہنا ہے کہ گھر والوں نے کوئی شکایت درج نہیں کروائی نہ ہی کوئی چیز چوری ہوئی ہے، چور نشے میں تھا جسے طبی معائنے کے بعد وارننگ دے کر رہا کردیا گیا ہے۔
