کراچی: سندھ اسمبلی میں بجٹ پر بحث کے دوران حکومتی اور اپوزیشن اراکین آمنے سامنے آگئے۔ متنازعہ بیان پر متنازعہ بیان پر صوبائی وزیر داخلہ نے تحقیقات کا حکم دے دیا۔
سندھ اسمبلی میں بجٹ پر بحث کے دوران اس وقت شدید کشیدگی پیدا ہوگئی جب ایم کیو ایم کے رکن فرحان انصاری کی تقریر کے دوران حکومتی اور اپوزیشن اراکین آمنے سامنے آگئے اور ایوان میں سخت جملوں کا تبادلہ ہوا۔
بحث کے دوران ماحول اس وقت مزید گرم ہوا جب ایم کیو ایم کے رکن کی جانب سے دیے گئے ایک بیان پر اعتراض اٹھایا گیا۔ حکومتی ارکان نے مؤقف اختیار کیا کہ اس بیان میں مبینہ طور پر “بوری بند لاشوں” کی دھمکی شامل تھی، جس پر شدید احتجاج کیا گیا اور ایوان میں شور شرابہ شروع ہوگیا۔
وزیر داخلہ سندھ ضیاء الحسن لنجار نے ایوان میں نکتہ اعتراض پر کہا کہ فرحان انصاری کی تقریر پر تحقیقات کی جائیں گی اور اس معاملے کی مکمل جانچ ضروری ہے۔ انہوں نے اسپیکر سے درخواست کی کہ واقعے کی نگرانی کی جائے اور تمام ریکارڈ اور ویڈیوز کا جائزہ لیا جائے۔
ایم کیو ایم کے رکن فرحان انصاری نے اس سے قبل فاروق اعوان کی تقریر کا جواب دیتے ہوئے ان پر تنقید کی تھی اور انہیں متنازع معاملات سے جوڑ کر بات کی تھی، جس پر پیپلز پارٹی کے اراکین اپنی نشستوں پر کھڑے ہوگئے اور فوری کارروائی کا مطالبہ کیا۔
اسمبلی اسپیکر اویس قادر شاہ نے کہا کہ معاملے کی شفاف تحقیقات کے لیے ایوان کی کارروائی، ریکارڈ اور ویڈیو کا جائزہ لیا جائے گا اور اسی کے مطابق فیصلہ کیا جائے گا۔
دوسری جانب ایم کیو ایم کے رکن طحہ احمد نے مؤقف اختیار کیا ہے کہ تحقیقات یکطرفہ نہیں ہونی چاہئیں بلکہ تمام متعلقہ بیانات اور واقعات کو بھی اس میں شامل کیا جائے۔
لاہور،موٹرسائیکل چرانے والی برقعہ پوش خاتون گرفتار
صوبائی دارالحکومت لاہور میں گلشن راوی سے موٹرسائیکل چرانے والی برقعہ پوش خاتون کو گرفتار کرلیا گیا۔
ایس پی اقبال ٹاؤن سدرہ خان کے مطابق برقعہ پوش ملزمہ دوست کیساتھ مل کر موٹرسائیکل چوری کی وارداتیں کرتی تھی،دونوں ملزمان گھر کے باہر کھڑی موٹرسائیکلوں کو چوری کرتے اور سستے دام فروخت کر دیتے۔
سی سی ٹی وی فوٹیج میں ملزموں کو موٹرسائیکل چراتے دیکھا جا سکتا ہے،دونوں کو فوٹیج میں موٹرسائیکل چوری کی واردات کرتے دیکھا جاسکتا ہے۔
ملزمان کو شرقپور برج اٹاری سے گرفتار کیا گیا،ملزمان سے پستول بمہ گولیاں، نقدی اور چوری شدہ 2 موٹر سائیکلیں برآمد کرکے مقدمہ درج کرلیا گیا۔
===================
برطانوی جہاز سے ریسکیو کیے گئے 8 ایرانی ماہی گیر واپس روانہ کر دیے: اسحاق ڈار
اسلام آباد: نائب وزیراعظم و وزیر خارجہ اسحاق ڈار نے کہا ہے کہ برطانوی جہاز MMA Valour کی جانب سے سمندر میں ریسکیو کیے گئے 8 ایرانی ماہی گیر کامیابی کے ساتھ اپنے وطن واپس روانہ کر دیے گئے ہیں۔
سماجی رابطے کی ویب سائٹ ’ایکس‘ پر اپنے بیان میں اسحاق ڈار نے بتایا کہ ماہی گیروں کی کشتی حادثے کا شکار ہوئی تھی تاہم وہ آج صبح کراچی سے ایران روانہ ہوئے۔
انہوں نے کہا کہ پاکستان کی وزارت خارجہ اور دیگر متعلقہ اداروں نے ایرانی اور برطانوی حکام کے ساتھ قریبی رابطے اور تعاون کے ذریعے ان ایرانی شہریوں کی محفوظ آمدورفت اور جلد وطن واپسی کو یقینی بنایا۔
اسحاق ڈار نے مزید کہا کہ پاکستان اپنے شہریوں کے لیے اعتماد کرنے پر ایران، بالخصوص عباس عراقچی کے شکر گزار ہے، جبکہ تمام متعلقہ فریقوں کے تعاون کو بھی سراہتا ہے جن کی مشترکہ کوششوں سے ماہی گیروں کی محفوظ وطن واپسی ممکن ہوئی۔
