بھارتی فوج اس آپریشن کا مردانہ نام رکھ لے، سندور عورتیں لگاتی ہیں: ڈی جی آئی ایس پی آر
ڈی جی آئی ایس پی آر لیفٹیننٹ جنرل احمد شریف چوہدری کا کہنا ہے کہ بھارتی فوج اس آپریشن کا مردانہ نام رکھ لے، سندور عورتیں لگاتی ہیں، معرکۂ حق میں اللّٰہ کے فضل سے اپنے سے کئی گنا بڑے دشمن کو شکست دی۔ معرکہ حق میں پاکستان نے واضح طورپر ڈیٹرینس قائم کیا ، جنگ کا زاویہ بدل دیا۔
معرکۂ حق کو ایک سال مکمل ہونے پر پاک فضائیہ اور بحریہ کے افسران کے ہمراہ پریس کانفرنس کرتے لیفٹیننٹ جنرل احمد شریف چوہدری نے کہا کہ اللّٰہ کے فضل اور رحمت سے مسلح افواج قوم کی امنگوں پر پورا اتری۔
ڈی جی آئی ایس پی آر نے کہا کہ اپنے سے 5 گنا بڑے دشمن کو ملٹی ڈومین وار میں شسکت دی، یہ بات پاکستانی بچوں کے ساتھ ہندوستانی بچے بھی جانتے ہیں لیکن یہ الگ بات ہے کہ وہ اسے تسلیم نہیں کرتے۔
انہوں نے کہا کہ ہندوستان نے بہت مکاری سے بیانیہ بنایا کہ پاکستان دہشت گردی کرتا ہے لیکن یہ لوگ خود دہشت گردی میں ملوث ہیں اور دنیا بھارت کی من گھڑت باتوں پر کان دھرنے کے لیے تیار نہیں ہے۔
پاکستان میں دہشت گردی بھارت کی ایماء پر کی جا رہی ہے
ترجمان پاک فوج کا کہنا ہے کہ پہلگام واقعے کو ایک سال مکمل ہو گیا لیکن پاکستان نے جو سوالات اٹھائے تھے وہ اب بھی جوں کے توں موجود ہیں، جواب دیں کون لوگ تھے جنہوں نے یہ کروایا؟ بھارت بتائے کس دہشت گرد کیمپ کو نشانہ بنایا؟ پاکستان میں جو بھی دہشت گردی ہے وہ بھارت کی ایماء پر کی جا رہی ہے۔
ڈی جی آئی ایس پی آر نے کہا کہ کشمیر بھارت کا حصہ نہیں ہے بلکہ یہ ایک بین الاقوامی تسلیم شدہ تنازع ہے، بھارت کے لیے نصیحت ہے کہ سچ بولنا سیکھے، بھارت خود سب سے بڑا دہشت گرد ہے، اگر یہی زبان استعمال کرنی ہے تو آجاؤ سامنے پھر، بھارتی سیاست دان، سیاست دان کم جنگجو زیادہ لگتے ہیں۔
انہوں نے کہا کہ پہلگام واقعے کے منٹوں کے بعد ایف آئی آر درج ہوئی، پہلگام واقعے کے 15 منٹ بعد تعین ہو گیا کہ سرحد پار سے لوگ آئے، تم اتنے سیانے تھے، سمجھدار تھے 100 کلو میٹر لوگ اندر آ گئے اس کا تمہیں پتہ نہیں چلا، اس وقت تمہاری سمجھدار انٹیلی جنس اور ہونہار ذہن کیا سو رہے تھے؟ انٹرنیشنل کمیونٹی پوچھتی ہے کہ پہلگام واقعے کے پیچھے کون ہے؟ بھارت پہلگام واقعے کے حوالے سے آج تک ثبوت سامنے نہیں لا سکا۔
ان کا کہنا ہے کہ بھارت کی پروفیشنل آرمی تھی جو آج سیاست زدہ ہے، بھارتی میڈیا کی انفارمیشن نے لوگوں کو بہت تفریح فراہم کی، اچھی خاصی انٹرٹینمنٹ بھارتی نیوز میڈیا فراہم کر دیتا ہے۔
ہر قسم کے دہشتگرد کو افغانستان پناہ دینے کیلئے تیار ہے
ڈی جی آئی ایس پی آر نے کہا کہ غضب للحق نیشنل رسپانس آن ٹیررازم کا ایک حصہ ہے، ہمارا مطالبہ ہے کہ پاکستان کے خلاف افغانستان کی سرزمین کو استعمال نہ ہونے دیں، ہر قسم کے دہشتگرد کو افغانستان پناہ دینے کیلئے تیار ہے، ہم پاکستان کے عوام سے ہیں اور پاکستان کی عوام ہم سے ہے۔
انہوں نے کہا کہ کشمیر پاکستان کی شہ رگ تھا، ہے اور رہے گا، کشمیر کا مستقبل ان کے عوام نے طے کرنا ہے، کشمیری عوام نے طے کرنا ہے کہ انہوں نے کیا کرنا ہے، ہمیں یقین کے کشمیر کے عوام جو بھی انتخاب کریں گے، پاکستان اور کشمیری عوام کے دل ایک ساتھ دھڑکتے ہیں ، یہ سفر ہم نے طے کرناہے اور یہ ہم نے حق خود ارادیت کے ذریعے طے کرنا ہے۔
ڈی جی آئی ایس پی آر نے کہا کہ بھارت کے ذہن میں کہاں سے یہ خبط آگیا کہ اکھنڈ بھارت بنے گا! بھارت کے ذہن میں کہاں سےیہ خبط آگیا کہ وہ خطے کے عوام کی تقدیر کا فیصلہ کریں گے۔
ترجمان پاک فوج نے بتایا کہ طارق غازی نے بھی کہا کہ ہم مستقبل کی جنگ کی تیاری کر رہے ہیں، یہ دنیا تو آنی جانی چیز ہے، شہید کی موت اس کا زیور ہوتی ہے، جتنا وہ زندگی سے پیار کرتے ہیں، اتنا پیار ہمیں شہادت سے ہے، ایئرفورس کا پائلٹ جب جہاز میں جا رہا تھا تو اس کے ذہن میں ڈر نہیں تھا۔
ڈی جی آئی ایس پی آر نے مزید کہا کہ بھارت پراکسیز کو بھی لانچ کرکے دیکھ لے، خارجیوں کے خلاف جو افسر لڑ رہے ہیں انہیں کوئی پریشانی نہیں، یہ ہمارا حوصلہ ہے، ہم اسے بھی کہتے تھے کہ ہم سے پنگا نہ کرنا ،جتنی شہادتیں ہم نے دی ہیں دنیا میں کسی کی نہیں، یہ ملک اللّٰہ کا تحفہ ہے، یہ کوئی عام ملک نہیں، ہمیں اپنے اوپر، اپنی قوم پر بھروسہ ہے اور قوم کو افواج پر بھروسہ ہے، پاک فوج ایلیٹ کی نہیں، غریب کی فوج ہے۔
انہوں نے کہا کہ پاکستان اور سعودی عرب کےتعلقات بہت گہرے اور کثیرالجہتی ہیں، سعودی عرب کو تھریٹ ہمارے لیے بھی خطرہ ہے۔
ہم نے ایک سال پہلے بھارت کا غرور خاک میں ملا دیا تھا
لیفٹیننٹ جنرل احمد شریف چوہدری نے کہا کہ ہم نے ایک سال پہلے بھارت کا غرور خاک میں ملا دیا تھا، آپ نے بھارتی ایئر چیف مارشل کو سنا ہو گا، معرکۂ حق کے چند ماہ بعد وہ اٹھے اور کہا کہ آج انہیں پتہ لگا کہ انہوں نے بھی جہاز گرائے تھے، ہم ہمیشہ سے کہتے تھے کہ کسی کا باپ بھی پاکستان پر آنچ نہیں لا سکتا، ہم تب بھی تیار تھے اور اب بھی تیار ہیں، کسی کو شک ہے تو اس کی ایک قسط ہم نے دکھائی ہے۔
ڈی جی آئی ایس پی آر نے کہا کہ اللّٰہ کا شکر ادا کرتے ہیں جب ہم اس سال کا احاطہ کرتے ہیں، ہم احاطہ کریں گے کہ ہمارا مشرقی ہمسایہ سارا سال کیا کرتا رہا ہے، بھارت کشمیریوں اور منی پور میں مظالم ڈھا رہا ہے، بھارت کیوں اپنے ایڈمرل، جنرل اور مارشل کا مذاق بنوا رہا ہے۔
ترجمان پاک فوج کا کہنا ہے کہ ہم نے ایک سال پہلے بھارت کا غرور خاک میں ملا دیا تھا، ہم بھارتی عسکری اہداف کو نشانہ بناتے اور فخر سے بتاتے ہیں، تم نے جس کو اکٹھا کرنا ہے کر لو، لیکن تم بے نقاب ہو چکے ہو، ایک پاکستان اور دوسرا فیلڈ مارشل دن رات بھارت کے خواب میں آتے ہیں، بھارتی فوج اس آپریشن کا کوئی مردانہ نام رکھ لے، سندور تو عورتیں لگاتی ہیں۔
انہوں نے کہا کہ معرکۂ حق میں جو آپ نے دیکھا ہے وہ ہماری مجموعی پاور پوٹینشنل دس پندرہ فیصد ہے، 14 اگست کو عظیم الشان پریڈ ہو گی، پاور پوٹیشنل کی چھوٹی سی جھلک عوام کو دکھائیں گے، مقصد یہ ہے کہ وہ بعد میں یہ نہ کہیں کہ بتایا نہیں تھا، خطے میں استحکام کا سب سے بڑا سفیر کون ہے، پاکستان، کون خطے میں امن کی کوشش کر رہا ہے؟ پاکستان۔
6 دریا ہمارے ہیں کشمیر بنے گا پاکستان
===============================
بھارت آج تک سمجھنے کی کوشش کر رہا ہے کہ آخر ہوا کیا تھا
اس موقع پر گفتگو کرتے ہوئے ڈپٹی چیف آف ایئر اسٹاف پراجیکٹس ایئر وائس مارشل طارق غازی نے کہا ہے کہ پاک فضائیہ دشمن کی ہر سرگرمی نوٹ کر رہی تھی، ہم نے ٹرائی سروس پلانز کی گائیڈنس طے کی۔
انہوں نے کہا کہ بھارت آج تک سمجھنے کی کوشش کر رہا ہے کہ آخر ہوا کیا تھا، دشمن ہمارے بارڈر تک آنے کی جرات نہیں کر سکتا تھا۔
ڈپٹی چیف آف ائیر اسٹاف پراجیکٹس ائیر وائس مارشل طارق غازی کا کہنا ہے کہ اب ہم 0-8 پر ہیں، ہم نے بھارت کے 8 جہاز گرائے، جن میں 4 رافیل، ایس یو 30، مگ 29، میراج 2000 شامل ہے، بھارت کا ایک انتہائی مہنگا کثیر الجہتی خود کار ایئریل سسٹم بھی تباہ کیا۔
معرکۂ حق کو ایک سال مکمل ہونے پر ڈی جی آئی ایس پی آر اور ڈپٹی نیول چیف آپریشنز کے ہمراہ پریس بریفنگ انہوں نے کہا کہ پاک فضائیہ کی سائبر فورس نے دشمن کی کمیونیکشن کو ناکام بنادیا، بھارت آج تک سمجھنے کی کوشش کررہا ہے کہ آخر ہوا کیا تھا، ہمارے کامیاب آپریشن کے باعث بھارتی فضائیہ نے بارڈر کے قریب آنے کی جرات نہیں کی۔
ڈپٹی چیف آف ایئر اسٹاف پروجیکٹس نے کہا کہ معرکہ حق کے دوران پاک فضائیہ دشمن کی ہر سرگرمی نوٹ کر رہی تھی، ہم نے ٹرائی سروس پلانز کی گائیڈنس طے کی، بھارت آج تک سمجھنے کی کوشش کر رہا ہے کہ آخر ہوا کیا تھا، دشمن ہمارے بارڈر تک آنے کی جرات نہیں کر سکتا تھا۔
ڈی جی آئی ایس پی آر نے کہا کہ غضب للحق نیشنل رسپانس آن ٹیررازم کا ایک حصہ ہے، ہمارا مطالبہ ہے کہ پاکستان کے خلاف افغانستان کی سرزمین کو استعمال نہ ہونے دیں، ہر قسم کے دہشتگرد کو افغانستان پناہ دینے کیلئے تیار ہے، ہم پاکستان کے عوام سے ہیں اور پاکستان کی عوام ہم سے ہے۔
بھارتی فوج اس آپریشن کا مردانہ نام رکھ لے، سندور عورتیں لگاتی ہیں: ڈی جی آئی ایس پی آر
انہوں نے کہا کہ کشمیر پاکستان کی شہ رگ تھا، ہے اور رہے گا، کشمیر کا مستقبل اس کے عوام نے طے کرنا ہے، کشمیری عوام نے طے کرنا ہے کہ انہوں نے کیا کرنا ہے، پاکستان اور کشمیری عوام کے دل ایک ساتھ دھڑکتے ہیں ، یہ سفر ہم نے طے کرنا ہے اور یہ ہم نے حق خود ارادیت کے ذریعے طے کرنا ہے۔
ڈی جی آئی ایس پی آر نے کہا کہ بھارت کے ذہن میں کہاں سے یہ خبط آگیا کہ اکھنڈ بھارت بنے گا! بھارت کے ذہن میں کہاں سے یہ خبط آگیا کہ وہ خطے کے عوام کی تقدیر کا فیصلہ کریں گے۔
ترجمان پاک فوج نے بتایا کہ طارق غازی نے بھی کہا کہ ہم مستقبل کی جنگ کی تیاری کر رہے ہیں، یہ دنیا تو آنی جانی چیز ہے، شہید کی موت اس کا زیور ہوتی ہے، جتنا وہ زندگی سے پیار کرتے ہیں، اتنا پیار ہمیں شہادت سے ہے، ایئرفورس کا پائلٹ جب جہاز میں جا رہا تھا تو اس کے ذہن میں ڈر نہیں تھا۔
ڈی جی آئی ایس پی آر نے مزید کہا کہ بھارت پراکسیز کو بھی لانچ کرکے دیکھ لے، خارجیوں کے خلاف جو افسر لڑ رہے ہیں انہیں کوئی پریشانی نہیں، یہ ہمارا حوصلہ ہے، ہم اسے بھی کہتے تھے کہ ہم سے پنگا نہ کرنا، جتنی شہادتیں ہم نے دی ہیں دنیا میں کسی کی نہیں، یہ ملک اللّٰہ کا تحفہ ہے، یہ کوئی عام ملک نہیں، ہمیں اپنے اوپر، اپنی قوم پر بھروسہ ہے اور قوم کو افواج پر بھروسہ ہے، پاک فوج ایلیٹ کی نہیں، غریب کی فوج ہے۔
انہوں نے کہا کہ پاکستان اور سعودی عرب کےتعلقات بہت گہرے اور کثیرالجہتی ہیں، سعودی عرب کو تھریٹ ہمارے لیے بھی خطرہ ہے۔
===========================
کسی نے آزمانا ہے تو آزمالے، کسی کا باپ بھی پاکستان پر آنچ نہیں لا سکتا، ڈی جی آئی ایس پی آر
کسی نے آزمانا ہے تو آزمالے، کسی کا باپ بھی پاکستان پر آنچ نہیں لا سکتا، ڈی جی آئی ایس پی آر
راولپنڈی : پاک فوج کے ترجمان ڈی جی آئی ایس پی آر میجر جنرل احمد شریف چوہدری کا کہنا ہےکہ معرکہ حق میں پاکستان نے دنیا کو جو دکھایا وہ دس فیصد بھی نہیں تھا، ہم تیار ہیں، کسی نے آزمانا ہے تو آزمالے، کسی کا باپ بھی پاکستان پرآنچ نہیں لا سکتا۔
تفصیلات کے مطابق پاک فوج کے ترجمان ڈی جی آئی ایس پی آر میجر جنرل احمد شریف چوہدری نے ڈپٹی چیف آف نیول اسٹاف (آپریشنز) ریئر ایڈمرل شفاعت علی خان اور ڈپٹی چیف آف ایئر اسٹاف (پروجیکٹس) ایئر وائس مارشل طارق محمود غازی کے ہمراہ پریس کانفرنس کی۔
ڈی جی آئی ایس پی آر نے ’معرکہ حق‘ کا ایک سال مکمل ہونے پر قوم کو مبارکباد دیتے ہوئے کہا ہے کہ افواجِ پاکستان نے سیاسی و عسکری قیادت کے وژن کے مطابق اپنے سے کئی گنا بڑے دشمن کو شکستِ فاش دی اور اللہ کے فضل سے افواجِ پاکستان قوم کی امنگوں پر پوری اتری ہیں۔
بھارتی بیانیہ اور فالس فلیگ آپریشنز کی ناکامی
ترجمانِ فوج نے کہا کہ بھارت نے ایک عرصے سے پاکستان کے خلاف دہشت گردی کا جھوٹا بیانیہ بنانے اور اسے عالمی سطح پر فروخت کرنے کی کوشش کی، لیکن اس کے تمام ‘فالس فلیگ آپریشنز’ بری طرح ناکام ہوئے۔
انہوں نے سوال اٹھایا کہ پہلگام واقعے کے محض 15 منٹ بعد ایف آئی آر کیسے درج ہوگئی؟ اگر بھارتی فورسز اتنی ہی الرٹ تھیں تو لوگ اتنے کلومیٹر اندر کیسے آگئے؟
ڈی جی آئی ایس پی آر نے کہا کہ آج بھی عالمی برادری سوال کرتی ہے کہ دہشت گردی کے پیچھے کون ہے؟ بھارت کا بچہ بچہ اورمثبت رویہ رکھنےوالےسوال کرتےہیں کہ ثبوت کہاں ہیں، پہلگام واقعےسےمتعلق آج بھی سوال موجودہیں بھارت نے جواب نہیں دیا کیونکہ بھارت نے جو بیانیہ بنایا تھا وہ اب زمین بوس ہو چکا ہے۔
پاکستانی تحمل اور بھارتی اشتعال انگیزی
ڈی جی آئی ایس پی آر نے واضح کیا کہ معرکہ حق کے دوران پوری دنیا نے دیکھا کہ پاکستان نے بھارت کی بلااشتعال جارحیت کے باوجود خطے کے استحکام کے لیے فوری جواب دینے میں تحمل کا مظاہرہ کیا۔ تاہم، جب جواب دیا گیا تو وہ ایسا منہ توڑ تھا کہ بھارت کا بچہ بچہ آج بھی اس کامیابی کو جانتا ہے اور “پاکستان پر الزام لگانے والے خود سب سے بڑے دہشت گرد ہیں۔”
بھارتی ملٹری لیڈرشپ اور سیاست
ترجمان نے بھارتی فوج کے پیشہ ورانہ معیار پر سوال اٹھاتے ہوئے کہا کہ ایک سال کے دوران بھارت کی پروفیشنل ملٹری کو سیاست زدہ کر دیا گیا ہے۔
انہوں نے بھارتی ایئر چیف کے بیان پر حیرت کا اظہار کرتے ہوئے کہا کہ ایک پروفیشنل آدمی کئی ماہ بعد کہتا ہے کہ ‘آج پتہ چلا ہم نے بھی جہاز گرائے’، بھارتی حکومت اپنی عسکری قیادت کو ‘جوکر’ بنا کر پیش کر رہی ہے، بھارتی سیاستدان خود کو جنگجو ظاہر کرتے ہیں، اگر اتنی ہمت ہے تو سامنے آئیں۔
ترجمانِ فوج نے بھارتی عسکری قیادت کی پیشہ ورانہ تنزلی پر سخت تنقید کرتے ہوئے کہا ہندوستان کی پروفیشنل ملٹری لیڈرشپ اب مکمل طور پر سیاست کی نذر ہو چکی ہے۔ بھارتی حکومت اپنی عسکری ناکامیوں کا ملبہ ایک عام سپاہی پر ڈال کر اعلیٰ قیادت کو بچانے کی کوشش کر رہی ہے۔
ان کا مزید کہنا تھا کہ بھارت کے سیاستدان اب مدبر کم اور ‘جنگجو’ زیادہ لگتے ہیں، جو ہندوتوا اور اکھنڈ بھارت جیسے کھوکھلے نعروں کے پیچھے چھپ رہے ہیں۔
دہشت گردی کا ڈرامہ ختم
ڈی جی آئی ایس پی آر کا کہنا تھا کہ بھارت کا ‘نیٹ سیکیورٹی پرووائیڈر’ بننے کا خواب چکنا چور ہو گیا ہے، بھارت کی مکاری اب دنیا کے سامنے عیاں ہو چکی ہے اور دہشت گردی کا ڈرامہ ہمیشہ ہمیشہ کے لیے ختم ہو گیا ہے، بھارت بیانیہ بنارہاتھاکہ پاکستان دہشتگردی کرواتاہے، بھارت نےبیانیہ بنانےکی کوشش کی کہ ہم نیٹ سیکیورٹی پرووائیڈ ہیں۔
انہوں نے اعادہ کیا کہ خطے میں استحکام کے لیے مخلصانہ کوششیں کرنے والا واحد ملک پاکستان ہے۔
کشمیر بھارت کا اندرونی مسئلہ نہیں
پاک فوج کے ترجمان نے دوٹوک الفاظ میں واضح کیا ہے کہ مقبوضہ جموں و کشمیر بھارت کا اندرونی مسئلہ نہیں بلکہ ایک عالمی سطح پر تسلیم شدہ تنازع ہے، جس پر اقوامِ متحدہ کی قراردادیں موجود ہیں۔ انہوں نے کہا کہ بھارت اپنی شکست کا غصہ مٹانے کے لیے ‘فتنہ الخوارج’ اور ‘فتنہ الہندوستان’ جیسے مہرے استعمال کر رہا ہے۔
بھارتی میڈیا اور ‘لاہور پورٹ’
ڈی جی آئی ایس پی آر نے بھارتی میڈیا کے جھوٹے پروپیگنڈے کو آڑے ہاتھوں لیتے ہوئے اسے ‘انٹرٹینمنٹ’ قرار دیا اور کہا بھارتی میڈیا نے اپنی رپورٹنگ میں لاہور میں پورٹ (بندرگاہ) تک بنا دی، جس پر ہماری نیوی والے بھی حیرت سے پوچھتے ہیں کہ لاہور میں یہ پورٹ کہاں واقع ہے؟
انہوں نے بھارتی میڈیا اور حکام کو مشورہ دیا کہ وہ اپنی عوام سے جھوٹ بولنا بند کریں اور سچائی کا سامنا کرنا سیکھیں۔
کثیر الجہتی جنگ
میجر جنرل احمد شریف چوہدری نے ‘معرکہ حق’ اور ‘بنیان مرصوص’ کے تناظر میں جنگ کی نئی نوعیت پر روشنی ڈالتے ہوئے کہا صرف ایل او سی تک محدود نہیں: یہ اب صرف لائن آف کنٹرول کی روایتی جنگ نہیں رہی بلکہ ایک کثیر الجہتی جنگ ہے، یہ جنگ اب گلی محلوں، سرحدوں، سائبر اسپیس اور انفارمیشن ڈومین تک پھیل چکی ہے۔ پاکستان اس کثیر الجہتی جارحیت کا جواب دینے کے لیے ہر سطح پر مکمل تیار ہے۔
.دہشت گردی کا بھارتی چہرہ
ڈی جی آئی ایس پی آر نے کہا کہ اصل دہشت گردی وہ ہے جو بھارت مقبوضہ کشمیر میں معصوم شہریوں پر ڈھاہ رہا ہے، بھارت اپنے اندرونی مسائل سے توجہ ہٹانے کے لیے خود اپنے لوگوں کو مار کر الزامات پاکستان پر لگاتا ہے، لیکن اب دنیا اس کے اس مکر و فریب کو پہچان چکی ہے۔
بھارتی پراکسیز اور منہ توڑ جواب
میجر جنرل احمد شریف چوہدری نے بھارتی اشتعال انگیزیوں اور پراکسیز کے حوالے سے سخت ردِعمل دیتے ہوئے کہا ہے کہ پاکستان اپنی حفاظت کرنا جانتا ہے اور کسی کو بھی ملک کی سلامتی سے کھیلنے کی اجازت نہیں دی جائے گی۔ انہوں نے واضح کیا کہ روایتی ہو یا غیر روایتی، پاکستان ہر طرح کی جارحیت کا جواب دینے کے لیے ہمہ وقت تیار ہے۔
ترجمانِ فوج کا کہنا تھا کہ بھارت نے پہلے بھی پاکستان کے خلاف پراکسیز لانچ کیں اور اب بھی کر رہا ہے، لیکن ہم نے ہمیشہ ان کا منہ توڑ جواب دیا ہے اور آئندہ بھی انہیں کہیں کا نہیں چھوڑیں گے، “ہمیں اپنی صلاحیتوں پر پورا یقین ہے، دشمن جو بھی طریقہ اپنائے، اسے جواب ملے گا۔”
ایٹمی طاقت اور جنگ کا پاگل پن
میجر جنرل احمد شریف چوہدری نے ایٹمی تناظر میں بات کرتے ہوئے کہا جو لوگ یہ سمجھتے ہیں کہ دو ایٹمی طاقتوں کے درمیان کوئی ‘معمولی’ جنگ ہو سکتی ہے، وہ پاگل پن کا شکار ہیں، دشمن کو یاد رکھنا چاہیے کہ ‘معرکہ حق’ اور ‘بنیان مرصوص’ کے ذریعے ہم نے اپنی طاقت کی صرف ایک قسط دکھائی ہے،کسی کو ہمارے عزم پر شک نہیں ہونا چاہیے۔
ڈی جی آئی ایس پی آر نے کہا کہ آج پوری دنیا پاکستان کی ‘پولیٹیکو ملٹری ڈپلومیسی’ اور بڑھتے ہوئے وقار کو دیکھ رہی ہے، جن لوگوں کو اندر یا باہر سے شک تھا، انہوں نے دیکھ لیا کہ پشاور سے گوادر تک بچہ بچہ، غریب اور امیر اپنی فوج اور لیڈرشپ کے ساتھ ایک دیوار کی طرح کھڑے ہیں۔ یہ ملک، اس کی فوج اور عوام ایک ہیں۔
بھارتی فوج پر طنز
ترجمان نے بھارتی فوج کے پروفیشنلزم اور انتہاپسند سوچ پر شدید طنز کرتے ہوئے کہا بھارتی فوج کا حال یہ ہے کہ وہ ‘سندور’ سے باہر ہی نہیں نکل رہے۔
انہوں نے طنزیہ انداز میں کہا، “سندور سے باہر نکل کر کوئی مردانہ نام ہی رکھ لو، اپنے مرد فوجیوں کو کون سے سندور لگوا رہے ہو؟”
ترجمان کا کہنا تھا کہ بھارت کی ہندوتوا سوچ کی وجہ سے وہاں مسلمان، ہندو، مسیحی اور قبائل سمیت کوئی بھی محفوظ نہیں ہے۔ بھارتی فوج کے پاس اب دنیا کو بتانے یا کہنے کے لیے کچھ نہیں بچا، جبکہ خطے میں امن اور استحکام کے لیے مخلصانہ کوششیں صرف پاکستان کر رہا ہے۔
بھارتی اسپانسرڈ دہشت گردی اور افغان سرزمین
انھوں نے انکشاف کیا ہے کہ ’معرکہ حق‘ میں بھارت کی تاریخی شکست کے بعد ’فتنہ الخوارج‘ اور ’فتنہ الہندوستان‘ کے حملوں میں تیزی آئی، جس کا جواب دینے کے لیے شروع کیے گئے ’آپریشن غضب للحق‘ کے دوران اب تک 1800 سے زائد دہشت گردوں کو جہنم واصل کیا جا چکا ہے۔
ڈی جی آئی ایس پی آر نے کہا کہ پاکستان شروع سے ہی دنیا کو بتاتا رہا ہے کہ بھارت پاکستان میں دہشت گردی کے لیے افغان سرزمین استعمال کر رہا ہے، پاکستان نے کئی مرتبہ افغان حکام کو آگاہ کیا کہ بھارت ان کی سرزمین کو ہمارے خلاف استعمال کر رہا ہے، لیکن مناسب کارروائی نہ ہونے پر پاکستان نے خود ٹھکانوں کو نشانہ بنانا شروع کیا۔
ترجمان نے واضح کیا کہ ہم فتنہ الخوارج اور فتنہ الہندوستان کے ٹھکانوں کو ٹارگٹ کر رہے ہیں اور یہ کارروائیاں فخر سے دنیا کو دکھاتے بھی ہیں۔
بھارت اور افغان رجیم کا خفیہ گٹھ جوڑ
میجر جنرل احمد شریف چوہدری نے ایک اہم سفارتی نکتے کی طرف اشارہ کرتے ہوئے کہا جب معرکہ حق میں بھارت کو شکست ہوئی تو نام نہاد اسلام کا دعویدار افغان رجیم کا خود ساختہ وزیر خارجہ بھاگا بھاگا بھارت پہنچا، بھارتی حکومت نے اس نام نہاد افغان رجیم کو بلا کر مدد کی یقین دہانی کرائی تاکہ پاکستان کے خلاف دہشت گردی کے نیٹ ورک کو برقرار رکھا جا سکے۔
’آپریشن غضب للحق‘ کے مثبت نتائج
ترجمان نے بتایا کہ اکتوبر 2025 تک دہشت گردی کے واقعات میں اضافہ دیکھا گیا، جس کے فوراً بعد ’آپریشن غضب للحق‘ شروع کیا گیا،اس آپریشن کے نتیجے میں 1800 سے زائد دہشت گرد مارے گئے اور بارڈر کے ذریعے دہشت گردوں کی آمد و رفت میں نمایاں کمی آئی ہے۔
انہوں نے افسوس کا اظہار کیا کہ یہ دہشت گرد گروہ معصوم شہریوں اور بچوں کو نشانہ بنا رہے ہیں، لیکن افواجِ پاکستان ان کے ناپاک عزائم کو خاک میں ملانے کے لیے پرعزم ہیں۔
