غملہ جھیل روڈ اور چھپراں میں 70 ہوٹلوں میں سے متعدد گلیشئیر تلے دب گئے

مانسہرہ میں ناران جھیل روڈ پر گلیشئیر پھٹنے سے غملہ جھیل روڈ اور چھپراں ناران متاثر ہوئے، مقامی افراد نے تفصیلات بتا دیں، جبکہ ڈی اے کا عملہ راستے بند ہونے کے سبب تاحال مطلوبہ مقام تک نہیں پہنچ سکا ہے۔

مقامی افراد کے مطابق گلیشئیرز پھٹنے سے غملہ جھیل روڈ کو نقصان پہنچا ہے۔ 70 کے قریب ہوٹلز میں سے درجنوں ہوٹلوں برف تلے دب گئے ہیں۔

جبکہ چھپراں ناران میں بھی متعدد ہوٹلز اور گھر برف تلے دبے ہیں مقامی افراد کا کہنا ہے کہ خوش قسمتی سے کوئی جانی نقصان نہیں ہوا البتہ شاہراہ کاغان مکمل طور پر بند ہو گئی۔

ڈائریکٹر جنرل کاغان ڈویلپمنٹ اتھارٹی محمد شبیر خان کہتے ہیں کہ ناران کاغان میں سڑکوں کا بند ہونا معمول کی بات ہے، جب سڑکیں کھلیں گی تو ریلیف آپریشن شروع کریں گے۔ تاحال عملہ راستے بند ہونے کے سبب تاحال مطلوبہ مقام تک نہیں پہنچ سکا ہے۔

ڈی جی محمد شبیر خان کا مز ید کہنا تھا ہم قبائلی عمائدین کے ساتھ مل کر ایک مشترکہ پالیسی بنائیں گے کہ ایسی جگہوں پر جہاں برفانی تودے گرتے ہیں وہاں تعمیرات کی حوصلہ شکنی کرنی ہوگی اس حوالےسے مقامی عمائدین بالخصوص بزرگ شہریوں کی مدد اور رہنمائی بھی لی جائے تاکہ جانی و مالی نقصان سے بچا جا سکے۔

دوسری جانب ڈی جی محمد شبیر خان نے واقعہ پر کمیٹی تشکیل دے دی ہے جو نقصانات کا تخمینہ لگانے کے بعد رپورٹ بورڈ کو ارسال کرے گی۔
=========================

ڈپٹی کمشنر (ڈی سی) اسلام آباد نے پاکستان تحریک انصاف (پی ٹی آئی) کو وفاقی دارالحکومت میں 30 مارچ کو جلسے کی اجازت دینے سے انکار کر دیا۔

ضلعی انتظامیہ کی جانب سے پی ٹی آئی رہنما عامر مغل کی درخواست مسترد کردی گئی۔

ضلعی انتظامیہ نے واضح کر دیا کہ امن و امان کی صورتحال کے پیش نظر ڈی چوک سمیت کسی بھی جگہ جلسے کی اجازت نہیں دی جا سکتی، پی ٹی آئی نے پہلے بھی این او سی شکوں کی خلاف ورزی کی ہے۔

اسلام آباد میں جلسے کی درخواست ریجنل صدر عامر مسعود مغل نے دی تھی جن کی درخواست پر ہائیکورٹ نے ڈی سی اسلام آباد کو 2 دن میں فیصلہ کرنے کا حکم دیا تھا۔

چیف جسٹس عامر فاروق نے دو دن میں فیصلہ کر کے رپورٹ اسلام آباد ہائیکورٹ میں جمع کرائیں۔

پی ٹی آئی نے درخواست میں استدعا کی تھی کہ عدالت فریقین کو 30 مارچ کو رات 10 بجے اسلام آباد میں جلسہ کرنے کی اجازت دینے کا حکم دے، پی ٹی آئی کو پریڈ گراؤنڈ ایف 9 پارک یا ڈی چوک پر جلسے کی اجازت دی جائے۔

درخواست میں موقف اپنایا گیا کہ عدالت فریقین کو جلسے کے روز سڑکیں بند کرنے، شرکاء کے خلاف پر تشدد کارروائی نہ کرنے کے احکامات جاری کرے۔

یاد رہے کہ پی ٹی آئی اسلام آباد کے صدر عامر مسعود مغل نے 30 مارچ کو اسلام آباد میں جلسے کی اجازت کی درخواست دائر کر رکھی ہے۔
===========================

سعودی عرب: کھانا ختم نہ کرنے پر میزبان نے مہمان کو کمرے میں بند کر دیا
میزبان نے تالا لگا کر مہمان کو کمرے میں محصور کر دیا
عربوں سے متعلق کہا جاتا ہے کہ ان کے دسترخوان کافی بڑے ہوتے ہیں، عرب دوست جب کبھی مہمانوں کی خطر توازع کرتا ہے تو دسترخوان پر یوں لگتا ہے گویا پورے سال کا کھانا ایک ہی دن کھایا جائے گا۔

ایسا ہی کچھ سعودی عرب میں ایک مہمان کے ساتھ ہوا ہے جسے میزبان نے گھر ہی میں بند کر دیا تھا۔

عرب میڈیا کے مطابق سعودی عرب میں ایک ایسا انوکھا واقعہ پیش آیا ہے جہاں میزبان نے کھانا ختم نہ کرنے پر میزبان کو کمرے میں ہی بند کر دیا۔

عام طور پر عرب گھرانوں میں دنبے، بکرے اور اونٹ کی ران، چرغے کھائے جاتے ہیں، جو کہ بڑی بڑی تھالوں میں چاولوں کے ساتھ پیش کیے جاتے ہیں۔

اس ڈش کو ’مندی‘ کا نام بھی دیا جاتا ہے، جس میں ٹماٹر، پیاز، مرچیں، ادرک سمیت کئی چیزیں موجود ہوتی ہیں۔

لیکن یہ محض ایک مہمان کے لیے ختم کرنا مشکل ہو جاتا ہے۔

ایسا ہی کچھ اس عربی مہمان دوست کے ساتھ بھی ہوا ہے، جس سے کھانا ختم کرنا مشکل ہو گیا، جس پر میزبان دوست نے مہمان کو گھر میں ہی بند کر دیا۔

عرب میڈیا کے مطابق میزبان کا موقف تھا کہ مہمان رات کے وقت یہی بیٹھ کر کھانے کو ختم کریں، تو ہی دروازہ کھلے گا۔

میزبان نے کمرے کے دروازے پر ہی تالا مار دیا تھا، جس کے باعث نہ کوئی اندر جا سکتا تھا اور نہ ہی کوئی باہر آ سکتا تھا۔

SAUDI ARABIA

دسترخوان

GUEST

MANSEHRA

SNOWFALL

HEAVY SNOWFALL