گندم ذخیرہ کرنے والوں کے خلاف ڈی ایف سی خادم علی شَر کی قیادت میں مختلف مقامات پر چھاپے ،جیکب آباد، ٹھل ، گڑہی خیرو میں راٸیس ملز اور گوداموں پر لگاٸے گٸے چھاپوں کے ذریعے 45 ہزار من سے زیادہ گندم برآمد کرکے گوداموں کو سیل کردیا گیا

جیکب آباد:رپورٹ ایم ڈی عمرانی۔
گندم ذخیرہ کرنے والوں کے خلاف ڈی ایف سی خادم علی شَر کی قیادت میں مختلف مقامات پر چھاپے ،جیکب آباد، ٹھل ، گڑہی خیرو میں راٸیس ملز اور گوداموں پر لگاٸے گٸے چھاپوں کے ذریعے 45 ہزار من سے زیادہ گندم برآمد کرکے گوداموں کو سیل کردیا گیا ، محکمہ فوڈ کارواٸیاں مختلف دباٶ کے باوجود جاری ہیں۔ ڈى ايف سى خادم على شر

ملنے والی اطلاع کے مطابق سندھ حکومت کے سخت احکامات پر ڈسٹرکٹ فوڈ کنٹرولر خادم علی شر نے اپنی ٹیم کے ہمراہ قانون کی خلاف ورزی کرنے والے ذخیرہ اندوزوں کے گوداموں پر کارواٸیاں کرتے ہوٸے 45000 من سے زیادہ گندم برآمد کرلی ، ٹھل کے قریب گاٶں جونگل میں قاٸم کردہ واجد پہوڑ ، بلال خان پہوڑ کے گوداموں سے 4000 من گندم برآمد کرلی ، مبارک پور میں ایک بھٹو کے گودام پر چھاپہ مارا جہاں سے ذخیرہ کی ہوٸی بڑی مقدار میں گندم کی بوریاں سرکاری تحویل میں لیکر گودام کوسیل کیا، مرزا پور کے قریب گاٶں جعفری میں خفیہ گودام سے ذخیرہ کی ہوٸی 2500 من گندم برآمد کرلی ، شاہل مہر میں چھپاٸی گٸی 3000 من گندم اظہر خان مہر کے گودام سے پکڑ کر ضبط کرلیں ، جیکب آباد شھرمیں ڈاٸمنڈ مل اور کوٸٹہ روڈ پر قاٸم گوداموں اور غلہ مندی میں گودام پر چھاپے مار کر 8000 من گندم پکڑ لی اور 3 گودام سیل کردیے ، مزید کارواٸیاں کرتے ہوٸے ٹھل کے علاقے میں قاٸم ذخیرہ اندوزوں امداد خان سرکی ، چاچو شاہ ،اسداللہ شاہ کے گوداموں سمیت سیہوانی راٸس ملز پر بھی چھاپہ مارا جہاں سے بھاری مقدار میں ذخیرہ کی ہوٸی گندم برآمد کرلی ، جبکہ گڑہی خیرو میں محبوب شہلیانی کے گودام سے بھاری مقدار میں ذخیرہ کی ہوٸی گندم برآمد کی ، رابطہ کرنے پر ڈسٹرکٹ فوڈ کنٹرولر خادم علی شر نے بتایا سندھ سرکار کے احکامات کے خلاف گندم ذخیرہ کرنے والوں کو معاف نہیں کریں گے ان کے خلاف کارواٸیاں جاری ہیں ،مذکورہ کارواٸیوں کے ذریعے 45 ہزار من سے زیادہ گندم برآمد کی ہے تاکہ آنے والے دنوں میں بلیک مارکیٹنگ کا سلسلہ بند رہے اور سرکار کے مقرر کردہ سستے داموں پر عوام کو آٹا مل سکے ، فوڈ ڈپارٹمینٹ کی ان کارواٸیوں سے عوام میں خوشی پاٸی جارہی ہے ۔
==========================