سی پی کے چیف مراد سونی کو جسٹس آف پیس مقرر کر دیا گیا۔

کراچی، 27 مارچ: معروف سماجی رہنما اور کمیونٹی پولیس کراچی (CPK) کے سربراہ مراد سونی کو ضلع شرقی میں دو سال کے لیے جسٹس آف پیس مقرر کیا گیا ہے۔
حکومت سندھ کیجانب سے مراد سونی کی تقرری ان کی عوامی خدمت کے جذبے کو مدنظر رکھتے ہوئے کی گئی ہے۔ یہ مراد سونی کی جانب سے شہر میں سکیورٹی کو بہتر بنانے کے لیے CPK کی جاری کوششوں کا اعتراف بھی ہے۔
اس سے قبل سندھ بوائے اسکاؤٹ نے انہیں یادگاری شال سے نوازا، اور کراچی پریس کلب نے انہیں اعزازی رکنیت سے نوازا۔
گورنر سندھ کامران خان ٹیسوری نے گورنر ہاؤس میں ایک تقریب کے دوران مراد سونی کو گولڈ میڈل سے نوازا اور سماجی بہبود میں ان کی خدمات کو سراہا۔
سونی کی قیادت میں، CPK نے سڑکوں پر ہائی ڈیفینیشن کیمرے لگا کر شہر بھر میں سیکورٹی کو موثر بنانے کے لیے ایک قابلِ عمل منصوبہ شروع کیا۔ مقامی کمیونٹیز کے تعاون سے، اس اقدام کا مقصد مجرمانہ سرگرمیوں کی مؤثر طریقے سے نگرانی کرنا ہے، جس میں اسٹریٹ کرائم اور گھروں میں ڈکیتیوں کو کم کرنے پر توجہ دی جا رہی ہے۔ سونی کی سربراہی میں، مخیر حضرات اور سندھ کے گورنر کامران خان ٹیسوری کے تعاون سے چلنے والے اس منصوبے نے اپنے آغاز سے ہی اہم پیش رفت کی ہے۔ کراچی بھر میں پولیس کے 15 سے زیادہ تھانوں کی حدود میں کیمرے لگا دیے گئے ہیں، CPK کی کوششوں کے نتیجے میں جرائم کی شرح میں قابل ذکر کمی آئی ہے، کیمرے کے ذریعے نگرانی کے تحت علاقوں میں اسٹریٹ کرائم اور گھر میں ڈکیتی کی وارداتوں میں 60 سے 70 فیصد تک کمی واقع ہوئی ہے۔ مراد سونی نے CPK کے لیے پولیس اسٹیشنوں کے اندر سی پی کے کو دفاتر کی فراہمی کے لئے حکومت سندھ اور محکمہ پولیس کا شکریہ ادا کیا۔