شیخ مشعل الاحمد الصباح کویت کے نئے امیر مقرر

کویت کے ولی عہد شیخ مشعل الاحمد الجابر الصباح کویت کے نئے امیر مقرر ہوگئے۔

کویتی میڈیا کے مطابق کویتی کابینہ نے 83 سالہ شیخ مشعل الاحمد الجابر الصباح کو نیا امیر مقررکیا ہے۔

کویتی کابینہ نے شیخ نواف شیخ نواف الاحمد الجابرالصباح کی وفات پر گہرے دکھ اور رنج کا اظہار کرتے ہوئے 40 دن سوگ کا بھی اعلان کیا ہے، اس کے علاوہ ملک کے تمام سرکاری ادارے تین دن تک بند رہیں گے۔

خیال رہےکہ کویت کے امیر شیخ نواف الاحمد الجابرالصباح آج انتقال کرگئے، ان کی عمر 86 سال تھی ۔

امیرکویت کو گزشتہ ماہ نومبر میں طبیعت کی خرابی کے سبب اسپتال میں داخل کیا گیا تھا۔

کویت کے امیر شیخ نواف الاحمد الجابرالصباح کو لاحق عارضےکی وضاحت نہیں کی گئی تھی۔

شیخ نواف الاحمد الجابرالصباح 2020 میں شیخ صباح الاحمد کے انتقال کے بعدکویت کے امیر بنے تھے۔

نامزد امیر کویت شیخ مشعل الاحمد الجابرالصباح مرحوم شیخ نواف الاحمد کے سوتیلے بھائی ہیں۔

https://www.youtube.com/watch?v=ak0DHASC