بابر غوری کو ریاست کے خلاف مجرمانہ سرگرمیوں کے مقدمے میں گرفتار کیا گیا ہے۔

کراچی کی انسداد دہشت گردی عدالت نے ایم کیو ایم رہنما بابر غوری کو 7 روز کے جسمانی ریمانڈ پر پولیس کے حوالےکردیا۔

بابر غوری کو آج انسداد دہشت گردی کی عدالت میں پیش کیا گیا جہاں منتظم جج نے سابق وفاقی وزیر کا ریمانڈ منظور کیا۔

بابر غوری پر اشتعال انگیز تقریر میں سہولت کاری کا الزام ہے، ملزم کے خلاف سائٹ سپر ہائی وے تھانے میں مقدمہ درج ہے۔

اس سے قبل بابر غوری کو انسداد دہشت گردی کے مقدمے میں باقاعدہ طور پر گرفتار کیا گیا اور انہیں ریمانڈ کے لیے سندھ ہائی کورٹ میں پیش کیا گیا۔

بابر غوری کی گرفتاری پر توہینِ عدالت کی درخواست دائر کرینگے: وکیل

پولیس ذرائع نے انکشاف کیا ہے کہ بابر غوری کو ریاست کے خلاف مجرمانہ سرگرمیوں کے مقدمے میں گرفتار کیا گیا ہے۔

بابر غوری کے خلاف ایف آئی آر نمبر 354 سال 2015 میں ان کی جلاوطنی کے دنوں میں درج کی گئی تھی۔

مقدمہ زیر دفعہ 120 اے بی/ 121/122/505/123 ریڈ ودھ ٹیلیگراف ایکٹ اور 6/7 ATA درج ہے۔

بابر غوری 7 روز کے جسمانی ریمانڈ پر پولیس کے حوالے
ایف آئی آر میں قائدِ ایم کیو ایم، فاروق ستار، بابر غوری سمیت ایم کیو ایم کے 29 رہنما نامزد تھے۔

واضح رہے کہ سابق وفاقی وزیر بابر غوری کو گزشتہ روز وطن واپسی پر کراچی ایئر پورٹ سے گرفتار کیا گیا تھا۔

بابر غوری 7 سال سے منی لانڈرنگ، زمینوں پر قبضے اور کے پی ٹی میں غیر قانونی بھرتیوں سمیت کئی مقدمات میں پولیس کو مطلوب تھے۔
https://jang.com.pk/news/1107716
==============================================
متحدہ قومی موومنٹ (ایم کیو ایم) کے رہنما اور سابق وفاقی وزیر بابر غوری کو کراچی کے جناح انٹرنیشنل ایئرپورٹ سے حراست میں لے لیا گیا۔

ڈان اخبار کی رپورٹ کے مطابق بابر غوری امریکا سے ساڑھے 7 سالہ خودساختہ جلاوطنی ختم کر کے پیر کی رات وطن واپس پہنچے تھے۔

گزشتہ ماہ ہی سندھ ہائی کورٹ نے انہیں کرپشن ریفرنس اور منی لانڈرنگ، دہشت گردی کے لیے مالی معاونت کے کیسز میں 2 ہفتوں کی حفاظتی ضمانت دی تھی۔

یہ بھی پڑھیں: کے پی ٹی کرپشن کیس: بابر غوری کے ناقابل ضمانت وارنٹ گرفتاری جاری

تحریر جاری ہے‎

سندھ ہائی کورٹ کے حکم کے بعد سابق وزیر نے اپنی وطن واپسی کا اعلان کیا تھا لیکن ملک میں اپنے مستقبل کے ارادوں کی بابت کوئی تفصیل نہیں بتائی تھی۔

ایک سینئر عہدیدار نے حراست کی تصدیق کی تاہم قانون نافذ کرنے والے ادارے کے اس اقدام کے پسِ پردہ وجہ نہیں بتائی اور کہا کہ صورتحال آج (منگل کو) واضح ہوجائے گی جب انہیں عدالت میں پیش کیا جائے گا۔

تقریباً 7 سال بعد وطن واپس آنے والے سابق وزیر پورٹس اینڈ شپنگ نے اپنے وکیل کے ذریعے گزشتہ ماہ سندھ ہائی کورٹ میں درخواست جمع کرائی تھی کہ وہ اس وقت بیرونِ ملک مقیم ہیں اور ٹرائل کورٹ کے سامنے پیش ہونا چاہتے ہیں۔

خیال رہے کہ وفاقی تحقیقاتی ادارے (ایف آئی اے) نے 2017 میں بابر غوری کو بانی ایم کیو ایم سمیت دیگر پارٹی رہنماؤں کے خلاف می لانڈرنگ اور دہشت گردی کے لیے مالی معاونت کا مقدمہ درج کیا تھا۔

مزید پڑھیں: ایم کیو ایم کے سابق وفاقی وزیر بابر غوری کے خلاف نیب ریفرنس

اس کے علاوہ 2018 میں قومی احتساب بیورو (نیب) نے بھی ان کے اور دیگر کے خلاف احتساب عدالت میں ایک ریفرنس دائر کیا تھا جس میں کراچی پورٹ ٹرسٹ کے 940 ملازمین کو غیر قانونی طور پر ریگولرائز کرنے کا الزام لگایا گیا تھا جس کے نتیجے میں قومی خزانے کو 2 ارب 80 کروڑ روپے کا نقصان پہنچا۔

اکتوبر 2019 میں عدالتی اور استغاثہ کے حکام نے بتایا تھا کہ تفتیشی افسر نے عدالت میں ایک رپورٹ جمع کرائی تھی جس میں کہا گیا تھا کہ مستقبل قریب میں سابق وزیر کی گرفتاری کا کوئی امکان نہیں کیوں کہ ممکنہ طور پر وہ گرفتاری سے بچنے کے لیے روپوش ہوگئے ہیں۔

اس رپورٹ کے بعد عدالت نے بابر غوری کو کیس میں اشتہاری قرار دے دیا تھا۔
https://www.dawnnews.tv/news/1184517/
=================================================

کراچی: ایم کیو ایم کے رہنما بابر غوری کو وطن واپسی پر کراچی ایئرپورٹ سے گرفتار کرلیا گیا۔

اے آر وائی نیوز کے مطابق ایم کیو ایم کے رہنما بابر غوری کو وطن واپس پہنچتے ہی کراچی ایئرپورٹ سے گرفتار کرلیا گیا وہ کرپشن مقدمات میں نیب کو مطلوب ہیں۔

Unmute
ذرائع کے مطابق ایم کیو ایم رہنما کو ایئرپورٹ سے ایف آئی نے حراست میں لیا بعدازاں انہیں پولیس کی تحویل میں دیا گیا جس کے بعد انہیں نامعلوم مقام پر منتقل کردیا گیا ہے۔

ذرائع کا بتانا ہے کہ بابر غوری کا نام ماضی میں کئی اہم کیسز میں شامل ہے جس سے متعلق بھی ان سے تفتیش کی جائے گی۔

بابر غوری نے کئی سالوں سے خود ساختہ جلا وطنی اختیارکی ہوئی تھی اور وہ امریکا میں مقیم تھے، یاد رہے کہ بابر غوری وفاقی وزیر برائے پورٹ اینڈ شپنگ رہ چکے ہیں۔

واضح رہے کہ بابر غوری کے وطن واپسی کے اعلان کے بعد انہیں ایئرپورٹ سے گرفتار کرنے کا فیصلہ کیا گیا تھا۔

بابر غوری کے وکیل نے عدالت کو بتایا تھا کہ ان کے موکل پر جو بھی الزامات اور انکوائریاں ہیں وہ ملک واپس آکر مقدمات سامنا کرنے کے لیے تیار ہیں اس سلسلے میں انہیں حفاظتی ضمانت دی جائے۔

عدالت نے رہنما اہم کیو اہم کی دو ہفتے کے لیے حفاظتی ضمانت منظور کرلی تھی، عدالت نے بابر غوری کو ایک ایک لاکھ روپے کے 2 مچلکے جمع کرانے کا حکم دیتے ہوئے 14 دن میں متعلقہ عدالت سے رجوع کرنے کی ہدایت کی تھی۔

اس سے قبل اے آر وائی نیوز کے پروگرام الیونتھ آور میں گفتگو کرتے ہوئے بابرغوری کا کہنا تھا کہ پاکستان میرا وطن ہے کل آنےکے لیے پروگرام بنایا تھا میرےخلاف 2کیسزتھےجس میں آج ضمانت بھی حاصل کی، صولت مرزا کیس میں نیاسلسلہ شروع ہونے جا رہا ہے صولت مرزا کو جانتا تھا لیکن میرااس سے اور کوئی تعلق نہیں تھا۔
https://urdu.arynews.tv/mqm-babar-gauri-arrest/
=========================================================