طلعت حسین کو وفاقی حکومت کی جانب 25 لاکھ روپے کا چیک مل گیا

طلعت حسین کو وفاقی حکومت کی جانب 25 لاکھ روپے کا چیک مل گیا

============

اداکارہ جاناں ملک شدید علیل، اسپتال منتقل ہو گئیں

پاکستانی معروف سابقہ اداکارہ جاناں ملک اسپتال منتقل ہو گئی ہیں۔

اداکارہ نے سوشل میڈیا ایپلیکشن انسٹاگرام پر ویڈیوز کے ذریعے مداحوں و فالوورز کو اپنی صحت سے متعلق آگاہ کیا ہے۔

جاناں ملک نے اپنی پہلی ویڈیو کے کیپشن میں لکھا ہے کہ ’جب اِن سے پوچھا گیا: ہم زندگی میں سب سے بڑی غلطی کیا کرتے ہیں؟ تو مہاتما بدھ نے جواب دیا، سب سے بڑی غلطی یہ ہے کہ آپ کو لگتا ہے کہ آپ کے پاس وقت ہے۔‘

اداکارہ کا مزید لکھنا ہے کہ ’وقت مفت ہے لیکن یہ انمول ہے، آپ وقت کے مالک نہیں بن سکتے لیکن آپ اسے استعمال کر سکتے ہیں، آپ اسے اپنے پاس رکھ نہیں سکتے لیکن آپ اسے خرچ کر سکتے ہیں۔‘

اداکارہ نے معنی خیز طویل نوٹ میں مزید لکھا کہ ’وقت کو سمجھداری سے خرچ کریں، ان لوگوں پر جن سے آپ محبت کرتے ہیں، ایسی مہم جوئی پر جو آپ کی روح کو خوش کرتی ہیں، اپنی ذات کے لیے میں نے تھوڑی سی لاپرواہی کی۔‘

ماضی کی معروف اداکارہ جاناں ملک آج کل کیا کر رہی ہیں؟

اداکارہ کا کہنا ہے کہ ’اُن کی بیماری ایک نئے ملک میں اُن کے لیے ایک خوفناک تجربہ ہو سکتی تھی لیکن عزیز ترین دوستوں نے اُن کے اس سفر کو بہت آسان بنا دیا ہے، وہ بہت خوش قسمت ہیں کہ اُن کی زندگی میں ایسے سچے اور قیمتی لوگ موجود ہیں۔‘

جاناں ملک نے اب سے کچھ گھنٹے قبل اپنی دوسری ویڈیو شیئر کی ہے جس میں اُنہوں نے اپنے خیر خواہوں اور نیک تمناؤں کا اظہار کرنے والوں کا شکریہ ادا کیا ہے۔

اداکارہ کا بتانا ہے کہ اُن کی سرجری کامیاب ہو گئی ہے اور اب وہ پہلے سے بہتر ہیں۔

اداکارہ نے اپنی دونوں ویڈیوز میں سرجری یا بیماری سے متعلق کوئی معلومات شیئر نہیں کی ہیں۔

اداکارہ نے اس پوسٹ میں اپنے فالوورز کی جانب سے پوچھے گئے سوالوں پر لکھا ہے کہ مکمل صحت یاب ہو جانے پر وہ ایک طویل ویڈیو بنائیں گی جس میں سب کے سوالوں کے جواب دیں گی۔

اداکارہ کے مطابق فی الحال اُن میں اتنی طاقت نہیں ہے کہ اپنے فالوورز کو کمنٹ باکس میں فرداً فرداً جواب دے سکیں۔
==================

پاکستانی معروف خوبرو اداکارہ ہانیہ عامر نے بھی اس سال رمضان کے بابرکت مہینے میں عمرے کی سعادت حاصل کی ہے۔

اداکارہ نے اپنے سوشل میڈیا اکاؤنٹ انسٹاگرام پر کچھ روز قبل مدینہ منورہ اور مکہ مکرمہ سے تصویریں شیئر کی تھیں۔

گزشتہ روز ہانیہ عامر کی پاکستان واپسی ہوئی ہے جہاں اُنہوں نے ایئر پورٹ پر روایتی انداز میں گلے میں پھولوں کے ہار اور ہاتھوں میں گلدستہ لیے تصویر شیئر کی ہے۔

ہانیہ عامر کو اس تصویر میں انگلیوں سے جیت کا نشان بناتے ہوئے بھی دیکھا جا سکتا ہے۔

اداکارہ کی وطن واپسی ڈھیلے ڈھالے مغربی لباس میں سر پر کیپ پہنے اور ماسک لگائے ہوئی ہے۔

ہانیہ عامر کو اُن کی اس پوسٹ پر ہر معروف شخصیت و عام صارف کی جانب عمرے کی مبارکباد دی جا رہی ہے۔

ایسے میں کچھ صارفین ہانیہ عامر کے عمرے کے مختصر دورانیے، مغربی لباس میں واپسی پر تنقید بھی کر رہے ہیں۔