#غزل

🖋بقلم فرح ناز راجہ
#غزل
“خود کو دیکھوں تو کوئی تشنہ لبی لگتی ہوں ۔۔۔۔۔۔۔
گو بظاہر میں محبت کی ندی لگتی ہوں ۔۔۔۔۔
خاک کی ہوں ، تو سمجھتی ہوں میں خاکی خود کو ۔۔۔۔
یہ الگ بات کہ میں تجھ کو پری لگتی ہوں۔۔۔۔
مت دِکھا چاند ستاروں کا کوئی خواب مجھے ۔۔۔۔
میں زمیں زاد ، زمیں پر ہی بھلی لگتی ہوں ۔۔۔
یہ ترا حسنِ نظر ہے کہ ہمیشہ تجھ کو ۔۔۔۔
محفلِ حُسن میں دلہن سی سجی لگتی ہوں ۔۔۔۔۔
ایک زندان ہے آباد مرے سینے میں ۔۔۔۔۔
کسی قیدی کے میں ہاتھوں کی کڑی لگتی ہوں ۔۔۔۔
اپنے چہرے سے اجالے کی کہانی ہوں مگر ۔۔۔۔
اپنی آنکھوں سے میں اک شام ڈھلی لگتی ہوں ۔۔۔۔۔
میں سمجھتی ہوں فرح کیسے گزارا جیون ۔۔۔۔۔
دنیا والوں کو محبت میں پلی لگتی ہوں۔۔۔۔۔
بقلم 🖋فرح ناز راجہ
تاریخ :-
7 اکتوبر 2021 بروز جمعرات
مقام :- پاکستان کراچی