سی آئی ڈی سیزن 2 کی نشریات اختتام پذیر ہو گئی ہیں، جس کا آخری ایپی سوڈ سونی ٹی وی اور اسٹریمنگ پلیٹ فارمز جیسے نیٹ فلکس اور سونی لِو پر تقریباً 14 دسمبر 2025 کو نشر ہوا۔ اس کے ساتھ ہی معروف بھارتی کرائم ڈرامے کی دوسری اننگز کا اختتام ہو گیا، جو 2024 کے اواخر میں دوبارہ شروع ہوا تھا۔
اس سیزن میں شِواجی ساتم (اے سی پی پردیومن)، دیانند شیٹی (دایہ) اور آدتیہ سریواستو (ابھیجیت) نے اپنے مشہور کردار ایک بار پھر نبھائے۔ اس کے ساتھ ہی سی آئی ڈی سیزن 3 کے امکانات پر بھی بات چیت شروع ہو چکی ہے، جہاں سازندے شو کو مکمل طور پر او ٹی ٹی پلیٹ فارم پر منتقل کرنے پر غور کر رہے ہیں۔
اس کے باوجود بعض ناظرین کی جانب سے یہ ردِعمل سامنے آیا کہ آخری قسط خاصی عجیب تھی اور اس کا اختتام الجھن کا باعث بنا۔ ناظرین کے مطابق یا تو آخری ایپی سوڈ کو ایک عام کیس کی طرح پیش کیا جانا چاہیے تھا یا پھر سیزن کے اختتام کے لیے کوئی خاص اور مضبوط کہانی بنائی جاتی۔ آخری قسط جس مقام پر ختم ہوئی، وہاں سے کہانی کو مزید آگے بڑھایا جا سکتا تھا اور دیکھتے ہوئے یہ احساس بھی ہوتا رہا کہ شاید آگے کچھ اور ہونے والا ہے، لیکن وہی قسط دراصل آخری ثابت ہوئی۔
بہرحال، سی آئی ڈی سیزن 2 کی تمام اقساط نیٹ فلکس پر دستیاب ہیں، جہاں مداح انہیں دوبارہ بھی انجوائے کر سکتے ہیں۔ اس کے ساتھ ہی اس بات کی امید بھی کی جا سکتی ہے کہ سی آئی ڈی کا سیزن 3 بہت جلد سامنے آئے گا۔ سی آئی ڈی بھارت کی سب سے کامیاب کرائم سیریز میں شمار ہوتی ہے۔
