بھارت کے معروف اداکار دھرمیندرا کے انتقال کی خبروں پر ان کی اہلیہ اور بیٹی نے شدید ردعمل دیا ہے۔
دھرمیندر کی اہلیہ ہیما مالنی نے اپنے ٹوئٹ میں شدید برہمی کا اظہار کرتے ہوئے انتقال کی خبروں کی تردید کی اور کہا کہ جو کچھ ہو رہا ہے وہ ناقابل معافی ہے، ذمہ دار چینلز ایسے شخص کے بارے میں جھوٹی خبریں کیسے پھیلا سکتے ہیں جس کا علاج ہو رہا ہے اور وہ صحت یاب ہو رہے ہیں۔
معروف اداکارہ نے مزید کہا کہ یہ تذلیل اور غیر ذمہ دارانہ عمل ہے، براہ کرم ہماری فیملی کو پرائیویسی دیں۔ دوسری جانب دھرمیندر کی بیٹی ایشا دیول نے اپنے پیغام میں والد کے انتقال کی خبریں شائع کرنے پر برہمی کا اظہار کیا۔
ایشا دیول نے کہا کہ سب سے گزارش ہے کہ ہماری فیملی کی پرائیویسی کو مدنظر رکھیں اور میرے والد کی مکمل صحت یابی کے لیے دعا کریں۔
