صدارتی ایوارڈ یافتہ شہنائی نواز استاد عبداللہ طویل علالت کے باعث 72 سال کی عمر میں انتقال کر گئے۔
خاندانی ذرائع کے مطابق استاد عبداللہ طویل عرصے سے پھیپھڑوں اور دمے کے عارضے میں مبتلا تھے، ان کی نمازِ جنازہ آج کوٹری میں ادا کی جائے گی۔
خاندانی ذرائع نے بتایا کہ مرحوم استاد عبداللہ کی تدفین آبائی قبرستان سید بڈھل شاہ میں کی جائے گی۔
پاکستان،بھارت اور بنگلہ دیش میں استاد عبداللہ کی شہنائی کو غیرمعمولی پذیرائی ملی، انہوں نے کئی قومی و عالمی ثقافتی میلوں میں بھی فن کا مظاہرہ کیا۔
سندھی موسیقی کو نیا رنگ دینے میں بھی استاد عبداللہ کا اہم کردار رہا، ان کی فنی صلاحیتوں پر انہیں صدارتی ایوارڈ سے بھی نوازا گیا۔
