ایک عظیم الجثہ بیس بال نے دنیا بھر میں کھیلوں کی یادگار اشیاء میں سب سے زیادہ دستخطوں کا نیا عالمی ریکارڈ قائم کر دیا۔ آٹھ فٹ قطر کی اس دیوہیکل گیند پر مجموعی طور پر 6,750 افراد نے دستخط کیے، جسے گنیز ورلڈ ریکارڈز نے باضابطہ طور پر تسلیم کر لیا ہے۔
یہ غیر معمولی بیس بال 24 جون کو انڈیانا پولس انڈیئنز کے میدان “وکٹری فیلڈ” سے اپنے سفر پر روانہ ہوئی، اور مختلف امریکی شہروں میں واقع 15 بیس بال گراؤنڈز (بال پارکس) کا دورہ کرنے کے بعد بالآخر منگل کے روز نیویارک میں “ایم ایل بی فلیگ شپ اسٹور” پر اختتام پذیر ہوئی۔
گنیز کے نمائندے نے اس گیند کی جانچ کے بعد تصدیق کی کہ اس پر موجود دستخطوں کی تعداد 6,750 ہے، جس کی بنا پر اسے کھیلوں کی تاریخ کی سب سے زیادہ دستخط شدہ یادگار قرار دیا گیا۔
اس سے قبل یہ ریکارڈ برطانیہ کے کیمبرج یونائیٹڈ فٹبال کلب کے پاس تھا، جس نے ایک بڑی ربڑ کی جرسی پر 2,146 دستخطوں کے ساتھ گزشتہ برس یہ اعزاز حاصل کیا تھا۔
نئے ریکارڈ نے کھیلوں کے شائقین کو ایک منفرد انداز میں تاریخ کا حصہ بننے کا موقع دیا اور اس کامیابی کو شاندار انداز میں منایا گیا۔
