جنگ عظیم دوم کے دوران تباہ ہونے والا جاپانی بحری جہاز 83 سال بعد بحرالکاہل کی گہرائیوں سے دریافت کر لیا گیا ہے۔
یہ جنگی جہاز، جسے “ٹیروزوکی”
(Teruzuki)
کہا جاتا تھا، 1942ء میں سولومن جزائر کے قریب فوجی ساز و سامان پہنچانے کے مشن پر تھا کہ وہ ڈوب گیا۔
ٹیروزوکی 134 میٹر لمبا تھا اور جاپانی بحریہ کا دوسرا اکیزوکی کلاس کا ڈسٹرائر تھا، جو جدید ایئر سرچ ریڈار سے لیس تھا۔
دسمبر 1942ء میں اسے ایک امریکی ٹارپیڈو کے حملے کا سامنا ہوا، جس کے نتیجے میں جہاز تباہ ہو گیا۔
ٹارپیڈو کے دھماکے سے جہاز کا رڈر اور پروپیلر کی ایک شافٹ خراب ہو گئی، جس کی وجہ سے یہ مکمل طور پر بے کار ہو گیا۔
اس کے بعد جہاز کے ایندھن کے ٹینک میں آگ لگ گئی، جس نے جہاز کے ہتھیاروں کو بھی اپنی لپیٹ میں لے لیا اور ایک زوردار دھماکہ ہوا، جس کے بعد پورا جہاز سمندر کی گہرائیوں میں غرق ہو گیا۔
