سارہ قتل کیس: عدالت نے ثمینہ شاہ کو جوڈیشل ریمانڈ پر جیل بھیج دیا

اسلام آباد کی مقامی عدالت نے سارہ انعام قتل کیس کی ملزمہ ثمینہ شاہ کوجوڈیشل ریمانڈ پرجیل بھیج دیا۔

دوروزہ جسمانی ریمانڈ مکمل ہونے پرسارہ انعام قتل کیس میں اعانت جرم میں گرفتارملزمہ ثمینہ شاہ کو عدالت میں پیش کیا گیا۔

جج عامرعزیزنے کیس کی سماعت کی، اس موقع پر پولیس نے مرکزی ملزم شاہ نواز کی والدہ ملزمہ ثمینہ شاہ کے جوڈیشل ریمانڈ پر جیل بھیجنے کی استدعا کی۔

عدالت نے ملزمہ کو جوڈیشل ریمانڈ پر جیل بھیجنے کے احکامات دے دیے۔

کیس کا پس منظر

ایازامیرکی بہوسارہ کو ان کے بیٹےشاہنوازامیرنے 23 ستمبر کی شب لڑائی جھگڑے کے چک شہزاد کے ایک فارم ہاؤس مین سرپرجم میں استعمال ہونے والے ڈمبل کے وار سے قتل کردیا تھا۔

مقتولہ سارہ کی فیملی کینیڈا میں رہائش پزیرہونے کےسبب قتل کا مقدمہ تھانہ شہزاد ٹاؤن کے ایس ایچ اوسب انسپکٹر نوازش علی خان کی مدعیت میں درج کیا گیا ہے۔

کینیڈا کی شہریت رکھنے والی 37 سالہ مقتولہ سارہ 3 روز قبل ہی دبئی سے پاکستان پہنچی تھیں جہاں وہ ملازمت کرتی تھیں۔شاہنوازاور سارہ کی شادی چند ماہ قبل ہی ہوئی تھی جس سے قبل ان کی سوشل میڈیا کے ذریعے دوستی ہوئی تھی۔
https://www.aaj.tv/news/30303051/
=========================================

اسپین کی پولیس نے پاکستانی جوڑے کواپنی بیٹی کو قتل کرنے پرگرفتار کرلیا ہے۔

غیرملکی خبررساں ادارے کے مطابق پولیس نے بتایا کہ شبہ ہے کہ والدین نے پاکستان میں اپنی ہی بیٹی کو اس لیے قتل کر دیا تھا کیونکہ اس نے رضامندی کے بغیر شادی کرلی تھی۔

اسپین کی پولیس نے بیان میں کہا کہ پاکستانی حکام نے اپریل 2020 میں ہونے والے قتل کے بعد والدین کے خلاف بین الاقوامی وارنٹ گرفتاری جاری کیے تھے۔

بیان میں مزید کہا گیا کہ تفتیش کاروں کا خیال ہے کہ والدین نے اپنی ہی بیٹی کو پاکستان میں اغوا کیا اور پھر قتل کیا۔

پولیس کے ترجمان نے بتایا کہ مقتول خاتون کے شوہر نے پاکستانی حکام کو آگاہ کیا کہ ان کی اہلیہ کے والدین کے وارنٹ گرفتاری جاری کیے جائیں، جو اسپین فرار ہوگئے تھے۔

جس کے بعد والدین اسپین کی قومی عدالت میں پیش ہوئے جہاں انہیں حکم دیا کہ پاکستان ڈی پورٹ ہونے تک جیل میں رکھا جائے۔

واضح رہے کہ قومی ادارہ شماریات کے مطابق تقریباً 10 لاکھ پاکستانی اسپین میں مقیم ہیں
======================================

بالی ووڈ اداکار سلمان خان کو ڈینگی کی تشخیص ہوئی ہے جس کی وجہ سے اب ٹی وی شو بگ باس 16 کی شوٹنگ منسوخ کر دی گئی ہے۔

بھارتی میڈیا کے مطابق ڈینگی ہونے کے بعد ڈاکٹروں نے سلمان کو آرام کا مشورہ دیا ہے۔ جس کی وجہ سے سلمان خان اگلے چند ہفتوں تک بگ باس 16 کی میزبانی نہیں کر سکیں گے۔

سلمان خان نے خود کرن جوہر کو بگ باس 16 کی میزبانی پر آمادہ کیا ہے۔ سلمان خان کے مکمل صحت یاب ہونے تک کرن جوہر بگ باس 16 کی چند اقساط کی میزبانی کریں گے۔

اس حوالے سے بگ باس 16 کو نشر کرنے والے چینل نے کرن جوہر کا ٹیزر بھی جاری کیا ہے۔