بھارت میں ٹائیگر نے سڑک کے بیچ میں بیٹھ کر ٹریفک روک دیا جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق ریاست مہاراشٹر کے ضلع چندر پور میں تاڈوبا کے قریب چندر پور موہرلی روڈ پر شیر نے سڑک پر بیٹھ کر گھنٹوں ٹریفک جام کردیا۔
واقعہ تاڈوبہ ٹائیگر ریزرو کے بفر زون میں پیش آیا، ایک ایسا علاقہ جہاں گھنے جنگل کے احاطہ اور پورے خطے میں جانوروں کی قدرتی نقل و حرکت کی وجہ سے جنگلی حیات اکثر نظر آتی ہے۔
ویڈیو کو ایک مقامی رہائشی آکاش عالم نے ریکارڈ کیا جس نے راستے میں سفر کرتے ہوئے یہ منظر دیکھا۔
کلپ میں سیاحوں اور دیہاتی دونوں کو صبر سے اپنی گاڑیوں کے اندر انتظار کررہے ہیں اور انہیں امید ہے کہ شیر آخر کار حرکت کرے گا اور انہیں اپنا سفر جاری رکھنے کی اجازت دے گا۔
مقامی لوگوں کا کہنا ہے کہ اس سڑک پر جنگلی حیات کا نمودار ہونا تقریباً معمول بن گیا ہے خاص طور پر صبح سویرے اور شام کے اوقات میں۔
اس راستے پر اکثر شیروں کی نقل و حرکت ریکارڈ ہونے کی وجہ سے سڑک خاص طور پر دو پہیہ گاڑیوں کے سواروں کے لیے خطرناک ہو گئی ہے۔
