یونیورسٹی طالبات پسندیدہ رنگ کی قمیض کیساتھ سفید شلوار پہنیں گی

طالبات پسندیدہ رنگ کی قمیض کیساتھ سفید شلوار پہنیں گی
جامعہ پشاور کے طلباء و طالبات کے لئے ڈریس کوڈ متعارف کیا گیا ہے۔ طالب علموں کو مہذب اور سادہ لباس پہننے کی ہدایت کی گئی ہے۔یونیورسٹی آف پشاور کی انتظامیہ کی جانب سے جاری اعلامیہ کے مطابق طالبات اپنے پسندیدہ رنگ کی قمیض کے ساتھ سفید شلوار پہنیں گی جبکہ ان کے لئے قمیض کے اوپر سفید اورال اور چیسٹ کارڈ پہننا بھی لازمی قراردیا گیا ہے۔ اعلامیہ کے مطابق طلباء بھی سادہ اور مہذب لباس کے ساتھ چیسٹ کارڈ پہنیں گے۔
https://jang.com.pk/news/894080?_ga=2.186050473.1424547502.1615025779-1820928673.1615025779
—————–

جناح سندھ میڈیکل یونیورسٹی کے وائس چانسلر پروفیسر ڈاکٹر طارق رفیع نے جمعہ کو جے ایس ایم یو ڈائگناسٹک لیب کی چھٹی شاخ کا افتتاح کیا۔اس موقع پر انہوں نے بتایا کہ یہ لیبارٹری یونیورسٹی کے منافع کے لیے نہیں بلکہ انسانی خدمت کے لیے کام کرتی ہے اس کا اہم مقصد یہ ہے کہ لوگوں کو آسان اور مناسب قیمت میں اچھی طبی سہولیات میسر ہوں۔لیب کے سربراہ پروفیسر محمود حسن نےکہا کہ مختلف علاقوں میں رہنے والے لوگ اپنے قریبی کلیکشن پوائنٹ میں اپنے نمونے جمع کروا سکتے ہیں۔ ۔اس موقع پر لیبارٹری کے مینیجر حسنین عباس نے اعلان کیا کہ نئی برانچ میں تمام آنے والے افراد کے لیے کسی بھی قسم کے ٹیسٹ پر 30 فیصد ڈسکاؤنٹ دیا جائے گا اور شوگراورکولیسٹرول کا مفت ٹیسٹ کیا جائے گا۔ افتتاحی تقریب میں وائس چانسلر پروفیسر سید محمد طارق رفیع، ڈائیگناسٹک لیب کے سربراہ پروفیسرسید محمود حسن، اپنا انسٹیٹیوٹ کی چیئرپرسن پروفیسر لبنیٰ انصاری بیگ، یونیورسٹی کے رجسٹرار ڈاکٹر اعظم خان، ڈائریکٹر فائنانس عادل رشید ڈائریکٹر ورکس

اینڈ سروسز محمد اعظم عقیلی، پروفیسر در محمد، پروفیسر نائلہ طارق اور لیبارٹری کے مینیجر حسنین عباس نے شرکت کی۔ نئی برانچ خیابان جامی پر مسجد باب العلم کے مقابل واقع ہے۔

https://jang.com.pk/news/894048?_ga=2.106359043.1424547502.1615025779-1820928673.1615025779