نیپال میں ایک بار پھر 4.2 شدت کے زلزلے نے عوام میں خوف و ہراس پیدا کردیا۔
غیر ملکی ذرائع ابلاغ کے مطابق اتوار کو آنے والے زلزلے نے عوام کو مزید خوف میں مبتلا کردیا ہے، زلزلے سے کسی جانی نقصان کی اطلاع فی الحال موصول نہیں ہوئی ہے۔
نیشنل سینٹر فار سیسمولوجی کے ایک بیان میں کہا گیا ہے کہ اتوار کو نیپال میں 4.2 کی شدت کا زلزلہ آیا۔ زلزلہ 10 کلومیٹر کی گہرائی میں آیا، اس سے قبل 6 نومبر کو 3.6 شدت کا ایک اور زلزلہ آیا تھا جس کی گہرائی 10 کلومیٹر تھی۔
نیپال ہمالیہ کے علاقے میں واقع ہے، جو کہ ہندوستانی اور یوریشین ٹیکٹونک پلیٹوں کے مسلسل تصادم کی وجہ سے شدید زلزلہ کی سرگرمیوں کا ایک علاقہ ہے۔
