کراچی کی بجلی کمپنی کے الیکٹرک نے ناظم آباد کے علاقے جلال آباد میں کارروائی کرکے زیرِ زمین غیرقانونی نیٹ ورک پکڑلیا۔
کے الیکٹرک کے ترجمان کے مطابق بجلی چوری میں استعمال ہونے والی تین ہزار کلوگرام سے زائد زیرِ زمین کیبلز ضبط کرلی گئی ہیں۔
انہوں نے بتایا کہ بجلی چوری سے سالانہ دو لاکھ یونٹ کا نقصان ہورہا تھا، واجبات دو ارب روپے سے تجاوز کرچُکے تھے، قانون نافذ کرنے والے اداروں کے تعاون سے کارروائی کی گئی۔
