عالمی شہرت یافتہ اداکارہ ماہرہ خان سے ملاقات کے وقت مداح جذبات پر قابو نہ رکھتے ہوئے رو پڑا جس کی ویڈیو سوشل میڈیا پر وائرل ہوگئی۔
فیصل آباد میں تقریب کے دوران ماہرہ خان کو دیکھ کر نوجوان مداح خوشی میں جذبات پر قابو نہ رکھ سکا اور زار و قطار اسٹیج پر رو دیا۔
سوشل میڈیا پر وائرل ویڈیو کو دیکھ کر اندازہ لگایا جاسکتا ہے کہ لڑکا اداکارہ کا کتنا بڑا مداح اور ملاقات پر کتنا زیادہ خوش تھا۔
نوجوان کو روتے ہوئے دیکھ کر ماہرہ خان بھی حیران رہ گئیں تاہم اس موقع پر ان کے چہرے پر خوشی سے آثار بھی نمایاں تھے اور انہوں نے مداح کو تسلی بھی دی۔
اس دوران مائیک پر موجود شخص نے آبدیدہ نوجوان کو مشورہ دیا کہ ’شیر بنو شیر‘۔ اس کے بعد اداکارہ نے نوجوان کو بولا کہ میں اور تم ملکر ڈانس کریں گے۔
