لاڑکانہ (بیورورپورٹ) دلوں کو جوڑنے والا امن کا سفر، لاڑکانہ میں تاجروں کی جانب سے ایس ایس پی احمد فیصل چودھری کے اعزاز میں تاریخی تقریب تفصیلات کے مطابق
شہر محبت لاڑکانہ میں ایک دلنشین اور پروقار تقریب کا انعقاد کیا گیا جس میں پینٹ اینڈ ہارڈ ویئر ایسوسی ایشن کے صدر محمد عاشق پٹھان نے بڑھتے جرائم کی مؤثر روک تھام، شہر میں امن کے قیام اور جرأت مندانہ پولیس اقدامات پر ایس ایس پی لاڑکانہ احمد فیصل چودھری کو امن ایوارڈ سے نوازا، تقریب میں ایس ایس پی احمد فیصل چودھری کی روایتی انداز میں دستاربندی کی گئی جبکہ اجرک اور سندھی ٹوپی کے تحائف دے کر سندھی ثقافت اور محبت کا خوبصورت اظہار کیا گیا، ایسوسی ایشن کے نائب صدر محمود علی پٹھان، سینئر نائب صدر وحید قریشی سیکریٹری جنرل محمد حسن رند، سینئر عہدیداران اور درجنوں تاجروں نے ایس ایس پی کو روایتی اجرک پہنا کر امن کی بحالی پر شاندار خراج تحسین پیش کیا، تاجروں کا کہنا تھا کہ تجارت امن کے سائے میں ہی پروان چڑھتی ہے، شہر اور ملک اسی وقت خوشحال ہوتے ہیں جب بھائی چارے اور تحفظ کا ماحول موجود ہو، انہوں نے مزید کہا کہ صرف ایک سال میں ایس ایس پی لاڑکانہ کی قیادت میں پولیس نے 16 خطرناک ڈاکوؤں کو مقابلوں میں ہلاک کیا جو شہر کی تاریخ میں ایک نمایاں سنگ میل ہے، تاجروں نے دہشتگردی اور جرائم کے خلاف پولیس کی جدو جہد میں شہید اہلکاروں کی قربانیوں کو سرخ سلام پیش کیا، صدر ایسوسی ایشن محمد عاشق پٹھان نے کہا پولیس جس جذبے اور دیانتداری سے کام کر رہی ہے وہ قابل داد ہے، ہم دل سے انہیں مبارکباد پیش کرتے ہیں اور امید کرتے ہیں کہ یہ ٹیم اسی لگن سے شہریوں کے تحفظ کے لیے اپنا سفر جاری رکھے گی، اس موقع پر ایس ایس پی احمد فیصل چودھری نے تاجروں کا شکریہ ادا کرتے ہوئے کہا کہ یہ اعزاز صرف ان کا نہیں بلکہ پوری لاڑکانہ پولیس کا ہے، انہوں نے کہا میں ایک فرد ہوں اصل کریڈٹ میری پوری ٹیم کا ہے، کانسٹیبل سے لے کر تمام افسران نے بے پناہ محنت کی ہے اور یہ عزم آئندہ بھی برقرار رہے گا، ایس ایس پی نے شہریوں کو پیغام دیا کہ پولیس پر اعتماد رکھیں، ہم امن و امان برقرار رکھنے کے لیے اپنی تمام توانائیاں بروئے کار لائیں گے اور شہریوں کے تحفظ میں کوئی کمی نہیں آنے دیں گے، تقریب کے اختتام پر ایس ایس پی نے تاجروں کی تجاویز سنیں اور اس مثالی تعاون کو مستقبل میں بھی جاری رکھنے کے عزم کا اظہار کیا،تقریب میں زوار شر، ثاقب شمسی، شہباز قریشی، انیل کمار،راجا گرمانی صابر بھٹو رزا سولنگی رمضان منگی ایاں شیخ لالا عمیر پٹھان نبیل محمود پٹھان، آصف راجپوت ودیگر تاجر موجود تھے تقریب کے اختتام پر پُرتکلف عشائیہ کا اہتمام بھی کیا گیا تھا
