ننھی بچی کی معصومانہ حرکت نے ڈکیتی ناکام
سی سی ٹی وی فوٹیج کے مطابق ایک شخص دکان میں داخل ہوا اور موقع پا کر کچھ اشیاء چوری کرلیں, اسی دوران دکاندار کی ننھی بیٹی چور کے قریب آئی اور اس کے ہاتھ میں لالی پاپ دے دیا۔
بچی کی اس غیر متوقع اور معصومانہ پیشکش نے چور کو رکنے پر مجبور کر دیا، چند لمحے بعد چور نے تمام چوری شدہ اشیاء واپس رکھ دیں اور دکان سے خاموشی سے نکل گیا، واقعے کی ویڈیو تیزی سے وائرل ہوئی اور شہریوں نے اسے انسانیت کی خوبصورت مثال قرار دیا۔
شہریوں نے ویڈیو وائرل ہونے کے بعد اس واقعے پر حیرت اور خوشگوار حیرانی کا اظہار کیا ہے، سوشل میڈیا صارفین کا کہنا ہے کہ یہ واقعہ ثابت کرتا ہے کہ انسانیت ابھی زندہ ہے جبکہ کچھ نے کہا کہ بچوں کی معصومیت بڑے سے بڑے دل کو بدلنے کی طاقت رکھتی ہے۔
سیکیورٹی ماہرین کے مطابق ایسے واقعات نایاب ہوتے ہیں، لیکن یہ انسانیت کی ایک خوبصورت مثال پیش کرتے ہیں، انہوں نے والدین کو مشورہ دیا کہ بچوں کو ہمیشہ محفوظ جگہوں پر رکھیں، تاہم یہ بھی تسلیم کیا کہ اس بچی کی ہمت اور سادگی نے صورتحال کو ایک حیران کن سمت میں موڑ دیا
courtesy hum news urdu
==========
