پنجاب حکومت کا آج سے کرشنگ شروع نہ کرنے والی شوگر ملز کیخلاف ایکشن پلان تیار کرلیا گیا۔
کین کمشنرپنجاب کا کہنا ہےکہ کرشنگ شروع نہ کرنےوالی ملزکو دس لاکھ روپےیومیہ جرمانہ ہوگا،شوگر ملز میں بروقت کرشنگ شروع نہ ہونے کےباعث مارکیٹ میں غیر یقینی کی صورت حال کے پیش نظر چینی قیمت پر اثر پڑ رہا ہے،مارکیٹ میں چینی سرکاری ریٹ کی بجائے دو سو روپے کلو میں فروخت ہونے لگی۔
کمشنر پنجاب نےکہا کہ کرشنگ سیزن میں مانیٹرنگ کیلئےٹیمیں تشکیل دیدی ہیں،کہتے ہیں کہ پنجاب کی ستائیس شوگر ملوں نے کرشنگ شروع کردی ہے باقی چودہ ملوں کو آج چیک کرکے کارروائی شروع کریں گے،کسانوں کو بروقت گنے کی ادائیگی بھی یقینی بنائیں گے بازار میں نئی چینی سپلائی آنے سے قیمت یقینا کم ہوگی۔
دوسری جانب لاہور کےمختلف بازاروں اور پرچون کی دکانوں پر چینی کی ایک سو اناسی روپے فی کلو کے حساب سے دستیاب نہیں،اس وقت کھلی مارکیٹ میں چینی دو سو روپے فی کلو میں فروخت کی جارہی ہے۔
