جنرل ہاؤس پر چھاپہ بھارت کا اہم سہولت کار آخر کار پکڑا گیا! | گوہر بٹ

جنرل ہاؤس پر چھاپہ بھارت کا اہم سہولت کار آخر کار پکڑا گیا! | گوہر بٹ

جنرل ہاؤس پر چھاپہ بھارت کا اہم سہولت کار آخر کار پکڑا گیا! | گوہر بٹ
Raid on the General’s House | India’s Key Facilitator Finally Caught! | Gohar Butt
===========================

TTP پاکستانی ہے تو ہمارے حوالے کریں، یہ کیسے مہمان جو مسلح ہوکر آتے اور دہشت گردی کرتے ہیں، پاک فوج

TTP پاکستانی ہے تو ہمارے حوالے کریں، یہ کیسے مہمان جو مسلح ہوکر آتے اور دہشت گردی کرتے ہیں، پاک فوج
راولپنڈی (نیوز ایجنسیاں) پاک فوج کے شعبہ تعلقات عامہ (آئی ایس پی آر) کے ڈائریکٹر جنرل لیفٹیننٹ جنرل احمد شریف چوہدری نے کہا ہے کہ طالبان رجیم کا یہ دعویٰ کہ کالعدم TTP کے لوگ پاکستان سے ہجرت کرکے آئے ہیں، اگر وہ پاکستانی ہیں تو انہیں ہمارے حوالے کریں، یہ کیسے مہمان ہیں جو مسلح ہو کر پاکستان آتے ہیں اور دہشت گردی کرتے ہیں، سرحدی علاقوں میں انتہائی مضبوط پولیٹیکل ٹیرر کرائم گٹھ جوڑ، افغان حکومت نہ صرف پاکستان بلکہ پورے خطے اور دنیا کیلئے خطرہ بن چکی، افغانستان میں دہشتگردی کے مراکز اور دہشت گرد قیادت موجود، طالبان سہولت کاری بند کریں،نان کسٹم پیڈ گاڑیاں خودکش حملوں میں استعمال ہوتی ہیں، صوبوں میں گھوم رہی ہوں تو انہیں روکنا کس کی ذمہ داری ہے،پاک افغان تجارت کی بندش کا مسئلہ ہماری سیکورٹی اور عوام کے جان و مال کے تحفظ سے جڑا ہے، خونریزی اور تجارت اکٹھے نہیں چل سکتے، بھارتی آرمی چیف کا آپریشن سندور کو ٹریلر کہنا خود فریبی ہے، 7 جہازوں کی تباہی، اسلحہ ڈپو، دفاعی نظام ایس 400 کا خاتمہ ان کیلئے ہارر مووی بن چکا ہے۔ پاک فوج کے شعبہ تعلقات عامہ آئی ایس پی آر کے مطابق ڈی جی آئی ایس پی آر کی سینئر صحافیوں سے ملکی سلامتی کے امور پر مزید تفصیلات سامنے آئی ہے جسکے مطابق ڈی جی آئی ایس پی آر نے کہا کہ 4 نومبر 2025 سے اب تک دہشت گردی کے خلاف 4 ہزار 910 انٹیلیجنس بیسڈ آپریشنز کیے گئے۔ رواں سال خیبر پختونخوا میں 12 ہزار 857 اور بلوچستان میں 53 ہزار 309 انٹیلی جنس بیسڈ آپریشن کیے گئے۔ ان آپریشنز کے دوران 206 دہشت گردوں کو جہنم واصل کیا گیا۔انہوں نے کہا کہ رواں سال مجموعی طور پر 1873 دہشت گرد جہنم واصل ہوئے، جن میں 136 افغانی بھی شامل ہیں۔ پاک افغان بارڈر انتہائی مشکل اور دشوار گزار راستوں پر مشتمل ہے۔ڈی جی آئی ایس پی آر نے کہا کہ خیبر پختونخوا میں پاک افغان سرحد 1229 کلومیٹر پر محیط ہے، جس میں 20 کراسنگ پوائنٹس ہیں، پاک افعان بارڈر پر پوسٹوں کا فاصلہ 20 سے 25 کلومیٹر تک بھی ہے۔ لیفٹیننٹ جنرل احمد شریف چوہدری نے کہا کہ بارڈر فینس اس وقت تک مؤثر نہیں ہوسکتی اگر وہ آبزرویشن اور فائر سے کور نہ ہو، اگر 2 سے 5 کلومیٹر کے بعد قلعہ بنائیں اور ڈرون سرویلنس کریں تو اس کیلئے کثیر وسائل درکار ہونگے۔ لیفٹیننٹ جنرل احمد شریف چوہدری نے کہا کہ افغانستان میں دہشت گردی کے مراکز اور القاعدہ، داعش اور دہشت گرد تنظیموں کی قیادت موجود ہے، افغانستان سے انہیں اسلحہ اور فنڈنگ بھی ملتی ہے جو پاکستان کیخلاف استعمال ہوتی ہے، ہم نے افغانستان کے سامنے تمام ثبوت رکھے جنہیں وہ نظرانداز نہیں کرسکتے۔انہوںنے کہاکہ پاکستان کا افغان طالبان رجیم سے مطالبہ ہے کہ وہ ایک قابلِ تصدیق میکانزم کے تحت معاہدہ کریں، اگر قابلِ تصدیق میکنزم تھرڈ پارٹی نے رکھنا ہے تو پاکستان کو اس پر اعتراض نہیں ہوگا، پاکستان کے اس مو قف کی مکمل آگاہی ثالث ممالک کو بھی ہے۔
=======================

مریم نواز جدید پنجاب کی بانی کہلائیں گی، سینئر صوبائی وزیر
صوبہ علم اور انسانی ترقی کی مثال بن رہا ہے، وزیراعلی کی قیادت میں اگلے چار سال میں پنجاب مثالی ماڈل بنے گا؛ مریم اورنگزیب کا تعلیمی کانفرنس سے خطاب

مریم نواز جدید پنجاب کی بانی کہلائیں گی، سینئر صوبائی وزیر

لاہور – پنجاب کی سینیئر صوبائی وزیر مریم اورنگزیب کا کہنا ہے کہ صوبہ علم اور انسانی ترقی کی مثال بن کر ابھر رہا ہے، مریم نواز جدید پنجاب کی بانی کہلائیں گی۔ تعلیمی کانفرنس سے خطاب کرتے ہوئے انہوں نے کہا کہ وزیراعلی مریم نواز شریف کی قیادت میں اگلے چار سال میں پنجاب ٹیکنالوجی اور انسانی ترقی کا مثالی ماڈل بنے گا، وزیراعظم پاکستان محمد شہباز شریف نے پہلی آئی ٹی پالیسی لانچ کی ہے، وہ آئی ٹی، سکل ڈویلپمنٹ اوریوتھ کو جدید ٹیکنالوجی سے ہم آہنگ کررہے ہیں، وزیراعلی پنجاب نواز شریف آئی ٹی سٹی، پنجاب کی پہلی اے آئی یونیورسٹی بنارہی ہیں جس میں گلوبل انسٹیٹیوشنز اور یونیورسٹیوں کو اپنے دفاتر بنانے کی دعوت دی گٸی ہے، وزیراعلیٰ کی قیادت میں پنجاب علم اور انسانی ترقی کی مثال بن کر ابھر رہا ہے، مریم نواز جدید پنجاب کی بانی کہلائیں گی۔

مریم اورنگزیب کا کہنا ہے کہ پنجاب کی تاریخ کا سب سے بڑا تعلیمی بجٹ اسی وژن کا ثبوت ہے، روایتی تعلیم اور جدید ٹیکنالوجی دونوں کے ملاپ سے پنجاب میں تعلیمی انقلاب کا آغاز ہوا ہے، وزیراعلیٰ مریم نواز شریف نے پنجاب کے ہر بچے کو تعلیم اور ٹیکنالوجی کی فراہمی کے ماضی کے سیاسی نعرے کو ایک مشن اور عملی تعبیر بنا دیا ہے، تعلیمی نصاب، سکول، کلاس روم کی بہتری کے ساتھ ٹیکنالوجی و لیبارٹریوں کی جدید سہولیات کی دستیابی جدید پنجاب کا تعارف ہے، وزیراعلی مریم نواز شریف ہر سکول میں اے آئی، روبوٹکس، انجینئرنگ سمیت تمام جدید علوم لائی ہیں، کھانے کی فراہمی بھی شروع کی۔
انہوں نے کہا کہ انگریزی زبان سکھانے کے لئے بیکن ہاؤس کے اشتراک سے پروگرام شروع کیا گیا، شمسی توانائی سے چلنے والی لائبریریاں بنائی گئی ہیں، پنجاب کے سکول میں بچے سمارٹ بورڈز، ٹیبلٹس سے تعلیم حاصل کر رہے ہیں، بچوں کی ابتدائی تعلیم کا جدید نظام شروع کیا گیا، پہلی بار حکومت، نجی شعبہ، مخیر حضرات اور ادارے مل کر پنجاب میں تعلیمی انقلاب لا رہے ہیں، وزیراعلی مریم نواز شریف کے لئے ایک ایک سکول اور ایک ایک بچے کی تعلیمی بہتری اہم ہے، پچاس ہزار سے زائد نوجوانوں کو انفارمیشن اینڈ کمیونیکشن ٹیکنالوجی، ہیلتھ سائنسز، فیشن ڈیزائن اور زرعی شعبے میں تربیت دی جا رہی ہے، تعلیم کو روزگار سے منسلک کرنے کا یہ تاریخ میں پہلا قدم ہے۔
پنجاب کی سینئر صوبائی وزیر نے کہا کہ وزیراعلی مریم نواز شریف کا مشن ہے کہ پنجاب کا ہر بچہ اور بچی تعلیم یافتہ ہو، جدید ٹیکنالوجی کا ماہر بنے، تخلیق اور نئی نئی ایجادات کی مثال بنے، ساتھ ہی اچھا انسان بھی بنے، پنجاب کی تاریخ میں پہلی بار وزیر اعلی مریم نواز کی پہلی ترجیح بچوں اور بچیوں کی تعلیم ہے، جس طرح بے گھروں کے لئے اپنے گھر بن رہے ہیں ایسے ہی پنجاب میں سکول، کلاس روم اور جدید تعلیمی نظام بھی تعمیر ہو رہا ہے۔