اگر کوئی بہت مشکل سوال ہے تو ہم وفاقی آئینی عدالت بھجوا دیتے ہیں: جسٹس منصور علی شاہ
محکمہ لائیو اسٹاک پنجاب سے منسلک ڈاکٹر اعظم علی کی ترقی سے متعلق کیس کی سماعت جسٹس منصور علی شاہ اور جسٹس عقیل عباسی پر مشتمل 2 رکنی بینچ نے کی۔
دوران سماعت درخواست گزار کے وکیل نے کہا کہ میرے موکل کو نظرانداز کر کے جونیئر افسران کو ترقی دی گئی۔
27 ویں ترمیم: ججز کے تبادلے کی ترمیم میں تبدیلی پر غور
جس پر جسٹس منصور علی شاہ نے کہا کہ ہمیں دستاویزات سے دکھادیں جونیئرز کو ترقی دی گئی اور آپ کے موکل کو نظر انداز کیا گیا، اگر کوئی بہت مشکل سوال ہے تو ہم وفاقی آئینی عدالت بھجوا دیتے ہیں، ہم تو ویسے بھی بیچارے ایسے ہی ہیں یہاں۔
جسٹس منصور علی شاہ کے ریمارکس پر کمرۂ عدالت میں قہقہے لگ گئے۔
جس کے بعد سپریم کورٹ نے درخواست مسترد کر دی
