پریس ریلیز
امیر جماعت اسلامی کراچی منعم ظفر خان کا لیاقت آباد ٹاؤن کی یونین کمیٹی نمبر 3 0 بندھانی کالونی میں تعمیر ہونے والی سڑک عمران عباس (مرحوم) روڈکا شاندار افتتاح
تقریب میں امیر جماعت اسلامی ضلع گلبرگ وسطی کامران سراج، چیئرمین لیاقت آباد ٹاؤن فراز حسیب و دیگرمعزز مہمان گرامی اور اہلِ محلہ کی بڑی تعداد کی شرکت
یہ منصوبہ صرف ایک سڑک نہیں بلکہ عوامی سہولت اور خدمت کے جذبے کی عملی تعبیر ہے:منعم ظفر خان
عمران عباس(مرحوم) اہلِ علاقہ کے لیے اخلاص اور خدمت کی روشن مثال تھے:کامران سراج
عمران عباس(مرحوم) روڈ کی تعمیر اہلِ محلہ کی دیرینہ خواہش تھی، اور ہمیں فخر ہے کہ ہم نے اس منصوبے کو بہترین معیار کے ساتھ مکمل کیا:فراز حسیب
مورخہ: 07 نومبر 2025
کراچی ( )امیر جماعت اسلامی کراچی منعم ظفر خان نے امیر جماعت اسلامی ضلع گلبرگ وسطی کامران سراج، چیئرمین لیاقت آباد ٹاؤن فراز حسیب کے ہمراہ لیاقت آباد ٹاؤن کی یونین کمیٹی نمبر 3 0 بندھانی کالونی میں تعمیر ہونے والی سڑک عمران عباس (مرحوم) روڈکا شاندار افتتاح کیا۔ تقریب کا آغاز تلاوت کلام پاک سے ہوا، اس موقع پر وائس چیئرمین لیاقت آباد ٹاؤن اسحاق تیموری،یوسی چیئرمینز،وائس چیئرمینز، کونسلرز، کو آرڈینٹر صغیر احمد انصاری،ڈائریکٹر سینی ٹیشن انور جمال، ڈائریکٹر پارکس ریحان ہمدانی،ڈائریکٹر انفامیشن فہیم مصطفی و دیگر افسران اور علاقہ مکینوں کی بڑی تعداد نے شرکت کی۔ امیر جماعت اسلامی کراچی منعم ظفر خان نے میڈیا سے گفتگو کرتے ہوے کہاکہ عمران عباس (مرحوم) نہ صرف اہلِ محلہ کے لیے ایک مخلص، درد دل رکھنے والے اور خدمت گزار انسان تھے بلکہ وہ سماجی بھلائی کے ہر کام میں پیش پیش رہتے تھے۔ ان کی یاد میں تعمیر کی جانے والی یہ سڑک دراصل ایک یادگار ہے جو ان کی محبت، خدمت اور ایثار کی علامت بن کر ہمیشہ قائم رہے گی، جماعت اسلامی ایسے لوگوں کی خدمات کو ہمیشہ عزت و احترام سے یاد رکھتی ہے، میں چیئرمین فراز حسیب اور ان کی پوری ٹیم کو خراجِ تحسین پیش کرتا ہوں جنہوں نے نہایت لگن اور دیانت داری سے اس منصوبے کو اعلیٰ معیار کے ساتھ مکمل کیا۔انہوں نے مزید کہایہ منصوبہ صرف ایک سڑک نہیں بلکہ عوامی سہولت اور خدمت کے جذبے کی عملی تعبیر ہے۔ ہماری کوشش ہے کہ کراچی کا ہر علاقہ صاف، خوبصورت اور ترقی یافتہ ہو، اور عوام کو ان کے حقوق ان کی دہلیز پر ملیں۔امیر جماعت اسلامی گلبرگ ضلع وسطی، کامران سراج نے کہا کہ عمران عباس(مرحوم) اہلِ علاقہ کے لیے اخلاص اور خدمت کی روشن مثال تھے۔ انہوں نے اپنی زندگی میں جو وقت اور توانائی عوامی بھلائی کے لیے صرف کی، وہ رہتی دنیا تک یاد رکھی جائے گی۔ ان کے نام سے منسوب یہ سڑک اس بات کا ثبوت ہے کہ جماعت اسلامی اپنے کارکنان اور عوامی خادموں کی خدمات کو کبھی فراموش نہیں کرتی۔ میں چیئرمین فراز حسیب کی قیادت میں مکمل ہونے والے اس منصوبے کو خراجِ تحسین پیش کرتا ہوں، جو معیار، خوبصورتی اور خدمت کا حسین امتزاج ہے۔چیئرمین لیاقت آباد ٹاؤن فراز حسیب نے کہا کہ ہماری پالیسی یہی ہے کہ ہر محلہ، ہر گلی اور ہر سڑک پر ترقی کا حق یکساں ہو۔ عمران عباس(مرحوم) روڈ کی تعمیر اہلِ محلہ کی دیرینہ خواہش تھی، اور ہمیں فخر ہے کہ ہم نے اس منصوبے کو بہترین معیار کے ساتھ مکمل کیا۔ اس سڑک کی تعمیر میں مضبوط بنیاد، جدید انداز اور عوامی سہولت کو سب سے مقدم رکھا گیا ہے۔ تقریب کے اختتام پر امیر جماعت اسلامی کراچی منعم ظفر خان کی جانب سے(مرحوم) عمران عباس کے صاحبزادگان کو ان کی والد کی خدمات کے اعتراف میں اعزازی شیلڈ پیش کی گئی اور وائس چیئر مین اسحاق تیموری نے(مرحوم) عمران عباس کی مغفرت کے لیے دعاء کرائی۔
جاری کردہ:۔ فہیم مصطفی
ڈائر یکٹرانفارمیشن
لیاقت آباد ٹاؤن
