میرپور خاص
رپورٹ
تحسین احمد خان
سروسز اکیڈمی لاہور کے 47 ویں مینجمنٹ آفیسرز گروپ کا 45 افسران اور فیکلٹی ممبران پر مشتمل ڈائریکٹر مس سعدیہ بشیر کی قیادت میں ایک روزہ دورے پر میرپورخاص پہنچا جہاں ایڈیشنل کمشنر سبھاش چندر، ایڈیشنل ڈپٹی کمشنر ٹو فیصل علی سومرو اور اسٹنٹ کمشنرز نے ان کا استقبال اورخوش آمدید کہا. اس موقع پر مینجمنٹ گروپ کے افسران کو میرپورخاص میں نہری نظام پر تفصیلی بریفنگ دی گئی. اس موقع پر ایریا واٹر بورڈ کے جنرل مینیجر ٹرانزیشن محمد صادق خاصخیلی نے بتایا کہ نارا کئنال مکھی کامپلیکس ، تھر ڈویزن ، جمڑاؤ ڈویزن اور مٹھڑاؤ ڈویزن پر مشتمل ہے اور نارا کئنال 220 مائلز اور 13ہزار کیوسک پانی کی اخراج کرنے کی ڈیزائن پر بنایا گیا ہے جس سے 25 لاکھ ایکڑ زمین آباد ہو رہی ہے جبکہ نارا کئنال میں پانی کی ضرورت 16500 کیوسک ہے. انہوں نے مزید بتایا کہ نارا کئنال 6 سسٹم کے تحت کام کر رہا ہے جس میں اپر نارا، لوور نارا ، جمڑاؤ کئنال، مٹھڑاؤ کئنال ،کھپرو کئنال شامل ہیں اسی طرح نارا کئنال کے تحت ہی 6 مین کئنال، 10 برانچ کینال، 47 ڈسٹریبیوٹریز، 115 مائینرز ، 47 گورنمنٹ لفٹ کئنال اور 185 پرائیویٹ لفٹ کئنال کے ذریعی پانی کی تقسیم کی جا رہی ہے. محمد صادق خاصخیلی نے بتایا کہ نارا کئنال سے 25 لاکھ زرعی زمین آباد ہونے کے علاوہ 33 ٹائون کمیٹیز ،70 دیہی ترقیاتی علاقوں ،پاکستان ریلویز، محکمہ جنگلات، محکمہ صحت، اسکولوں اور کالجوں، کاٹن اینڈ شوگر ملز، کمرشل اینڈ انڈسٹریل علاقوں ، آئل اینڈ گیس کمپنیز ، تھر کے سحرائی علاقوں تک پینے کے پانی کی فراہمی اور تھرکول تک پانی کی فراہمی کی جا رہی ہے اور بتایا کہ روہڑی کئنال سے زرعی کاشت کے علاوہ واٹر سپلائی اسکیموں، کمرشل اور چوٹیاری رزوائیر کے لیے 3383 کیوسک پانی کی مزید ضرورت ہے. محمد صادق نے بتایا کہ نارا کئنال میں مزید توسیع کرکے ایریا واٹر بورڈ تشکیل دی گئی جبکہ نارا کینال ایریا واٹر بورڈ کے 184 فارمرز آرگنائزیشن میں سے 162 فارمرز آرگنائزیشن کو رجسٹرڈ کیا گیا ہے اس موقع پر مینجمنٹ آفیسرز گروپ کے افسران نے نہری نظام میں مزید بہتری لانے، پانی کی تقسیم اور دیگر سوالات کئے. بعد اذاں کرن کمار ہری رام کشوری لال صدر لوہانہ ہندو پنچائت ، جنرل سیکرٹری دھنراج ہوتوانی، پریس سیکرٹری پارومل پریمی نے میرپور خاص کے اقلیتی برادری کے کردار، ہم آہنگی اور حکومت سندھ کی جانب سے اقلیتی برادری کو فراہم کردہ سہولیات کے متعلق تفصیلی آگاہی دی. آخر میں آفیسرز مینجمنٹ گروپ کے افسران کو سندھ کا روایتی تحفہ سندھی اجرک کے تحائف پیش کی گئیں اس موقع پر ڈائریکٹر نارا کینال شان ملاح ، ایگزیکٹو انجنيئر جمڑاو معاذ سلیم آفس سپرنٽنٽ محمد اسلم مہر اور دیگر متعلقہ افسران موجود تھے.
