آرٹس کونسل آف پاکستان کراچی میں جاری ورلڈ کلچر فیسٹیول کے اکتیسویں روز سنگا پور کی مایا ڈانس کمپنی کے ڈاون سنڈروم ڈانسرز نےمیلہ لوٹ لیا ۔۔
31ویں روز فلم ”نایاب “ کی اسکریننگ، ڈانس ،تھیٹر ورکشاپ، دو تھیٹر ، ڈانس نائٹ 3.0 اور میوزیکل کانسرٹ کا انعقاد کیاگیا
کراچی ()آرٹس کونسل آف پاکستان کراچی کے زیر اہتمام 39روزہ ”ورلڈ کلچر فیسٹیول 2025“ کے 31ویں روز فلم ”نایاب “ کی اسکریننگ، ڈانس ،تھیٹر ورکشاپ، دو تھیٹر ، میوزیکل کانسرٹ جبکہ سنگا پور کی مایا ڈانس کمپنی کے ڈاو¿ن سنڈروم ڈانسرز نے آرٹس کونسل آف پاکستان کراچی میں جاری ورلڈ کلچر فیسٹیول کے اکتیسویں روزمیلہ لوٹ لیا ۔ فیسٹیول کے 31ویں روز کا آغاز لیبون کے تھیٹر اداکار ثانی عبدالباقی کی جانب سے تھیٹر ورکشاپ سے کیاگیا جہاں انہوں نے آرٹس کونسل تھیٹر اکیڈمی کے بچوں کو اداکاری کے گر سکھائے۔ ”فلم اسکریننگ“ میں فلم ”نایاب“ پیش کئی گئی۔۔ فلمی نشست میں فلم ”نایاب“ کے معروف اداکار فواد خان نے کہاکہ مجھے اس فلم میں کام کرکے بہت مزہ آیا، 2011ءمیں ٹی وی کی طرف چلا گیا جہاں ٹی وی پر اداکاری کی اہمیت بھی سمجھ آگئی۔ مالی کے فنکار Lassina Konwکی جانب سے ڈانس پرفارمنس کا انعقاد کیاگیا جس میں انہوں نے ڈرمز کے ساتھ زبردست ڈانس پرفارمنس کے ذریعے دیکھنے والوں کو اپنا گرویدہ بنا لیا۔
اس موقع پر صدر آرٹس کونسل محمد احمد شاہ نے Lassina Konwکا شکریہ ادا کرتے ہوئے کہاکہ آپ ایک شاندار فنکار ہیں، ہمیں آپ کی پرفارمنس بہت اچھی لگی، ہماری خواہش ہے کہ آپ دوبارہ آرٹس کونسل آئیں۔فیسٹیولکے اکتیسویں روز دو تھیٹر پلے ”سالگرہ“ اور Creditors پیش کیے گئے۔ تھیٹر پلے ”سالگرہ“ کے ہدایت کار فرحان عالم تھے۔ تھیٹر میں ایک شادی شدہ جوڑا، سمیر اور سونالی اپنے ازدواجی رشتے کے ٹوٹنے اور بکھرنے کا جائزہ لیتے نظر آئے۔ تھیٹر میں عمران فرمان ، کومل ویر جی نے بہترین اداکاری کا مظاہرہ کیا جبکہ بھارت کے معروف لکھاری مصنف جاوید کا لکھا ہوا تھیٹر پلے Creditors کو عازیب خان نے اپنی ہدایت کاری کے ذریعے بہت خوبصورتی کے ساتھ پیش کیا، تھیٹر میں ہیرا پھیری، طاقت اور جذبات کی ایسی کہانی کو پیش کیاگیا جو شناخت اور یادداشت کو تہہ در تہہ کھولتی ہے، تھیٹر اعتماد، بگڑی ہوئی حقیقتوں اور انسانی توثیق کی بھوک جیسے موضوعات کو کھوجتا ہے۔ ڈانس نائٹ 3.0 میں بین الاقوامی فنکاروں نے شاندار پرفارمنس سے دھوم مچا دی۔سنگا پور کی مایا ڈانس تھیٹر کمپنی سے آئے ڈاون سنڈروم بچوں کی زبردست ڈانس اور تھیٹر پرفارمنس نے شائقین کے دل جیت لیے۔ مایا ڈانس کمپنی کے ڈاون سنڈروم بچوں نے اپنی پرفارمنس کے ذریعے انہیں زندگی میں درپیش مسائل کو خوبصورت انداز کے ساتھ پیش کیا، ڈانس نائٹ میں ناروے کے Navid Rezvani نے Hip Hop کے ذریعے ایران کی ان تمام خواتین کو خراج تحسین پیش کیا جو زندگی کو کھل کر جینا چاہتی ہیں۔۔ پاکستان سے The Jacket گروپ کی بہترین ڈانس پرفارمنس نے چار چاند لگا دیے۔۔ فیسٹیول کے 31ویں روز کا اختتام میوزیکل کانسرٹ “The Mystic Carvan” پر کیاگیا جس میں معروف گلوکار وہاب بگٹی، سندھ کی معروف گلوکارہ مائی ڈھائی، گلوکار احسن باری اور فضل جٹ نے اپنی آواز کا جادو جگایا۔۔
