سعودی عرب کی خلائی تحقیقاتی ایجنسی نے اعلان کیا ہے کہ سعودی طلبہ کے ڈیزائن کردہ 2 مصنوعی سیارے روضة اسکوب اور أفق کامیابی کے ساتھ خلا میں روانہ ہو گئے ہیں۔
یہ سیارے جامعہ أم القرى اور جامعہ الامیر سلطان کے طلبہ نے ’’ساری‘‘ مقابلے کے تحت تیار کیے، جس میں چھوٹے مصنوعی سیارے بنانے اور ڈیزائن کرنے کی صلاحیتیں پرکھنے کا موقع فراہم کیا گیا۔
اس کامیاب اجراء کا تعلق ایک مسابقتی مرحلے سے ہے۔ جس میں 42 سعودی یونیورسٹیوں کے 480 سے زائد طلبہ کی ٹیمیں حصہ لیتی رہی ہیں۔ انہوں نے انجینئرنگ اور سائنسی معیار کے مطابق چھوٹے سیاروں کے ڈیزائن میں مقابلہ کیا۔
اس مقابلے کا مقصد طلبہ کو عملی تجربات فراہم کرنا اور انہیں مصنوعی سیارے ڈیزائن، تعمیر اور آپریشن میں مہارت دینا، نیز سائنس، ٹیکنالوجی، انجینئرنگ اور ریاضی میں ان کی صلاحیتوں کو فروغ دینا تھا۔
جامعہ الامیر سلطان کی ٹیم روضہ اسکوب نے کم توانائی والے انٹرنیٹ آف تھنگز ٹیکنالوجی کا حامل ایک سیارہ تیار کیا۔ جو ماحولیاتی اقدامات اور دور دراز علاقوں میں رابطے کی استحکام میں مدد فراہم کرے گا۔ جبکہ جامعة أم القرى کی ٹیم أفق نے ایک ایسا سیارہ تیار کیا۔ جو خلائی موسم اور شمسی تابکاری کے اثرات پر نظر رکھے گا۔ تاکہ درست وقت اور نیویگیشن کے نظام میں مدد فراہم کی جا سکے۔
یہ دونوں پروجیکٹس خلا میں ٹیکنالوجی کے استعمال کو ترقی اور سائنسی جدت کے فروغ کے لیے مضبوط بناتے ہیں۔
سعودی خلائی تحقیق ایجنسی نے بتایا کہ یہ اجراء قومی جامعات کے ساتھ تعاون اور اسٹریٹجک شراکت کا نتیجہ ہے۔
انہوں نے کہا کہ دونوں فاتح ٹیموں نے تکنیکی اور ماحولیاتی ٹیسٹوں کے سلسلے سے گذارے۔ اور ایجنسی کے ماہرین اور بین الاقوامی شراکت داروں کی نگرانی میں تربیتی ورکشاپس میں حصہ لیا۔ جس سے اکیڈمک آئیڈیاز کو حقیقی قومی فضائی منصوبوں میں تبدیل کیا گیا۔
