صوبائی حکومت کی ہدایات کی روشنی میں چیف سیکرٹری خیبر پختونخوا شہاب علی شاہ کی زیرِ صدارت محکموں اور ضلعی انتظامیہ کی کارکردگی پر ہفتہ وار اجلاس جاری ہیں۔ عوامی خدمت، شفافیت اور مؤثر طرزِ حکمرانی ان اجلاسوں کا بنیادی محور ہیں۔
* ناجائز تجاوزات کیخلاف آپریشن میں اب تک 1193 کنال اراضی واگزار کروائی جاچکی ہے جس میں سے گزشتہ ہفتے 170 کنال اراضی واگزار ہوئی۔ بونیر، سوات، پشاور اور دیگر اضلاع میں اس ہفتے ناجائز تجاوزات کیخلاف کاروائیاں کی گئی ہیں۔
* پی ڈی اے کی جانب سے پشاور جی ٹی روڈ، رنگ روڈ اور دیگر علاقوں میں صفائی، بحالی اور بیوٹیفکیشن کے اقدامات تیزی سے جاری ہیں۔
* چیف سیکرٹری نے گندم، آٹے اور چینی دیگر ضروری اشیائے خوردونوش کی دستیابی یقینی بنانے اور ذخیرہ اندوزوں کے خلاف کارروائیاں تیز کرنے کی ہدایت کی۔
* چینی کی قیمتوں کو کنٹرول کرنے کے لیے ڈپٹی کمشنرز اور ڈسٹرکٹ فوڈ کنٹرولرز چینی کی نوٹیفائیڈ قیمتوں پر مارکیٹ میں دستیابی کو یقینی بنائیں گے۔
* محکمہ منصوبہ بندی و ترقی بین الاقوامی ترقیاتی پارٹنرز کے تعاون سے چلنے والے ترقیاتی منصوبوں کو اسٹریم لائن کرکے ان پر عملدرآمد تیز کرے۔ عوامی مفاد کے یہ منصوبے بلا تعطل مکمل کئے جائیں گے۔
* بین الاقوامی ترقیاتی پارٹنرز کے تعاون سے جاری توانائی کے منصوبوں کے لئے واضح ایکشن پلان اور ٹائم لائنز پر سختی سے عملدرآمد یقینی بنایا جائے۔
توانائی کی بڑھتی ہوئی ضروریات پوری کرنے اور سستی بجلی حاصل کرنے میں یہ ہائیڈرو پاور منصوبے مددگار ثابت ہوں گے۔
* خیبرپختونخوا میں پبلک پرائیویٹ پارٹنرشپ فریم ورک میں اصلاحات پر کام جاری ہے جبکہ اس کیساتھ ساتھ پی پی پی منصوبوں پر پیش رفت کو بھی ممکن بنایا جارہا ہے۔
