پاکستان ٹیلی ویژن کی معروف شخصیت اور سینئر اداکار عزیر عباسی تین دن قبل انتقال کر گئے، جس سے ان کے مداحوں میں غم کی لہر دوڑ گئی۔
عزیر عباسی کا تعلق ایک تخلیقی خاندان سے تھا، ان کے بڑے بھائی زبیر عباسی معروف پروڈیوسر اور ڈائریکٹر تھے، جب کہ ان کے بھتیجے شمعون عباسی ایک معروف ہدایت کار، لکھاری اور ڈائریکٹر ہیں۔
اداکار نے اپنے کیریئر میں کئی مشہور کردار ادا کیے، جن میں جیو ٹی وی کے ہٹ ڈراما سیریل ’انتقام‘ میں رشید بابا کا کردار شامل ہے، اس ڈرامے نے ناظرین میں بے پناہ مقبولیت حاصل کی اور عزیر عباسی کی عمدہ اداکاری کو بے حد سراہا گیا۔
عزیر عباسی کی اردو بولنے کی مہارت اور جذباتی اداکاری نے انہیں پاکستانی ٹیلی ویژن انڈسٹری میں ایک محترم مقام دلوایا۔























