چین نے مختصر مدت کے خلائی مشنوں پر ایک پاکستانی خلا باز کو رکھنے کا فیصلہ کر لیا ہے۔
روئٹرز کے مطابق چین نے اعلان کیا ہے کہ وہ اپنے اسپیس اسٹیشن مشنز کے تحت ایک پاکستانی خلاباز کو قلیل مدتی مشن کے لیے بھیجے گا، چینی سرکاری خبر رساں ادارے شہنوا نیوز نے جمعرات کو بتایا کہ پاکستانی خلا باز چینی خلابازوں کے ساتھ تربیت حاصل کرے گا۔
یہ خلائی تعاون چین اور پاکستان کے درمیان ایک تاریخی پیش رفت ہے، پاکستانی خلا باز کو چینی خلا بازوں کے ساتھ تربیت دی جائے گی، اور پاکستانی خلا باز مختصر مدت کے لیے پے لوڈ ایکسپرٹ کے طور پر خلائی مشن میں حصہ لیں گے۔
رپورٹ کے مطابق پاکستانی خلا باز کی شمولیت خلائی اسٹیشن کے درمیان مختصر مشنز کے لیے ہوگی، خلا میں پاکستانی ماہر کی شمولیت دونوں ممالک کے درمیان منصوبے کا حصہ ہے۔
رواں ماہ کے شروع میں پاکستانی حکام نے بتایا تھا کہ دو پاکستانی خلا بازوں کو چین کی مینڈ اسپیس ایجنسی کے تحت مختلف مراحل کی ایک سالہ تربیت دی جائے گی، اس تربیت کے بعد اکتوبر 2026 میں پاکستانی خلاباز چینی خلائی اسٹیشن میں ایک ہفتہ گزاریں گے۔
