بالی وڈ کے مشہور ستارے شاہ رخ خان، سلمان خان اور ہریتھک روشن پہلی بار ایک ہی فلم میں ایک ساتھ نظر آنے والے ہیں۔
رپورٹس کے مطابق، یش راج فلمز اپنے مشہور سپائی یونیورس کو مزید وسعت دینے کے لیے ایک بڑے پروجیکٹ پر کام کر رہی ہے، جس میں پٹھان، ٹائیگر اور وار جیسی سپر ہٹ فلموں کو ملا کر ایک مشترکہ کہانی پیش کی جائے گی۔ ان فلموں میں شاہ رخ، سلمان اور ہریتھک اپنے مشہور کرداروں کے ساتھ شائقین کے سامنے آئیں گے۔
بھارتی میڈیا کے مطابق، ہدایتکار ادتیہ چوپڑا اپنی نئی ایکشن فلم الفا ایکس میں شاہ رخ خان کو ایک خاص کیمیو کردار میں شامل کرنا چاہتے ہیں۔ تاہم، شاہ رخ اس وقت اپنی آنے والی فلم کِنگ کی شوٹنگ میں مصروف ہیں، جس کی وجہ سے ان کا شیڈول محدود ہے۔ ٹیم اب ان کے دستیاب دنوں کے مطابق الفا ایکس کے اہم سین کی شوٹنگ کی تاریخیں طے کرنے کی کوشش کر رہی ہے۔
اگر منصوبہ کے مطابق سب کچھ ہوا تو الفا ایکس میں شاہ رخ خان کا کردار پٹھان کے کردار کو ایک نئی جہت دے گا، جو ان کے مداحوں کے لیے ایک بڑی خوشخبری ثابت ہو سکتی ہے۔ شائقین ایک بار پھر انہیں ایکشن اور جاسوسی کی دنیا میں اپنے منفرد انداز میں دیکھ سکیں گے۔
