یہ بات کسی سے چھپی نہیں کہ کوکب خواجہ پاکستانی کھانوں کی دنیا کا ایک روشن ستارہ رہی ہیں

یہ بات کسی سے چھپی نہیں کہ کوکب خواجہ پاکستانی کھانوں کی دنیا کا ایک روشن ستارہ رہی ہیں۔ انہوں نے نہ صرف پی ٹی وی کے ذریعے لاکھوں خواتین کو کھانا پکانے کا شوق دیا بلکہ اُنہیں یہ بھی سکھایا کہ پکوان صرف ذائقے کا نہیں بلکہ محبت، خلوص اور برکت کا بھی نام ہے۔ کوکب خواجہ صاحبہ کی خاص بات یہ تھی کہ وہ ہر ترکیب کے آغاز میں “بسم اللہ” کہتی اور ہر کامیاب ڈش پر “الحمدللّٰہ” ادا کرتیں۔ ان کے اندازِ گفتگو میں نرمی، سلیقہ اور ادب جھلکتا، جو آج کے دور کے ککنگ شوز میں کم ہی دیکھنے کو ملتا ہے۔
کوکب خواجہ نے باورچی خانے کو عورتوں کے لیے ایک مثبت اور باعزت مقام دیا۔ اُن کے پروگرام دیکھ کر کئی گھریلو خواتین نے نہ صرف اپنے خاندان کے لیے مزیدار کھانے بنائے بلکہ اسی ہنر کو اپنا روزگار بھی بنایا۔ ان کے ہاتھ کے پکوانوں میں جو ذائقہ اور سادگی تھی، وہ آج بھی اُن کی یاد دلاتی ہے۔
اگر پاکستانی خواتین اپنے کچن میں ویسے ہی بسم اللہ اور شکر کے ساتھ کام کریں جیسے وہ کوکب خواجہ کے پروگراموں میں دیکھتی تھیں، تو یقیناً ان کے گھروں میں برکت اور خوشبو دونوں بڑھ جائیں۔ کوکب خواجہ صرف ایک شیف نہیں بلکہ ایک عہد ہیں — جنہوں نے ہمیں یہ سبق دیا کہ کھانا صرف پیٹ بھرنے کے لیے نہیں بلکہ دل
جیتنے کے لیے بھی پکایا جاتا ہے۔
خوش رہیں، اور زندگی میں مٹھاس گھول دیں! 🌹
مہروش امیر / little happiness with Mehrosh