پاکستانی ڈراموں میں کچھ عرصے سے ایک کمزور دور چل رہا تھا۔ جولائی اور اگست تک صرف “پرورش” ایسا ڈراما تھا جو نمایاں دکھائی دے رہا تھا، ورنہ تقریباً تمام ڈرامے کمزور ثابت ہو رہے تھے۔ تاہم ستمبر اور اکتوبر میں نئے سیزن کے آغاز کے ساتھ ہی صورتحال بہتر ہوگئی ہے، اور اب اس وقت ایک ہی ساتھ کئی مضبوط اور معیاری ڈرامے آن ایئر ہیں۔
ان میں شامل ہیں:
“جن کی شادی ان کی شادی”، “پامال”، “بریانی”، “کیس نمبر 9″، “جمع تقسیم”، اور “شر پسند”۔
یہ ڈرامے نہ صرف کہانی کے لحاظ سے ایک دوسرے سے بالکل مختلف ہیں بلکہ ان کی رائٹنگ اور ڈائریکشن بھی مضبوط اور پُراثر ہے۔ یہی وجہ ہے کہ ناظرین کو اس وقت ایک ساتھ مختلف طرز کے دلچسپ ڈرامے دیکھنے کا موقع اور انتخاب دونوں مل گئے ہیں۔
دوسری جانب “سنول یار پیا” وہ ڈراما ہے جو خاطر خواہ تاثر چھوڑنے میں ناکام رہا ہے، جبکہ “میں منٹو نہیں ہوں” کو ہر ہفتے ملا جلا ردِعمل مل رہا ہے، اسی لیے یہ دونوں اس فہرست کا حصہ نہیں۔
اب سوال یہ ہے — آپ ان میں سے کون سے ڈرامے دیکھ رہے ہیں؟
