انسداد پولیو مہم جاری ۔ کمشنر کراچی سید حسن نقو ی کی زیر صدارت جائزہ اجلاس منعقد
۔آٹھ لاکھ 64 ہزار بچوں کی ویکسی نیشن مکمل انکار ی گیارہ ہزاربچوں کی ویکسی نیشن بھی مکمل، اجلاس
ڈپٹی کمشنرز خود بھی فیلڈ میں رہیں نگرانی کریں یقینی بنائیں کہ سو فیصد کوریج کا ہدف پورا ہو کمشنر کراچی سید حسن نقوی
جو بچے رہ جائیں گے انھیں بعد ازاں خصوصی کیچ اپ پروگرام کے تحت قطرے پلائے جائیں گے اجلاس فیصلہ
بلدیاتی اداروں کے متعین افسران ایریا انچارجز کے ساتھ مل کر کام کریں یقینی بنائیں کہ ان کا کردار فعال ثابت ہو کمشنر کراچی
انکار کرنے والے اور رہ جانے والے بچوں کی ویکسی نیشن مکمل کرنے کے لئے منتخب ارکان سے بھی مدد لی جائے گی اجلاس
بخار یا کسی بیماری کے باعث رہ جانے والے بچوں کو ڈاکٹرز کی مشاورت سے مہم کے بعد قطرے پلاے جائیں گے اجلاس
کراچی ( )
کمشنر کراچی سید حسن نقوی کی زیرصدارت ان کے دفتر میں انسداد پولیو کی جاری مہم کا جائزہ اجلاس منعقد ہوااجلاس میں گزشتہ دو روز کی کارکردگی کا جائزہ لیا گیا تمام ڈپٹی کمشنرز اور تمام ڈسٹرکٹ ہیلتھ افسران ایڈیشنل کمشنر ون غلام مہدی شاہ اسسٹنٹ کمشنر ہیڈ کوارٹرز رابعہ سید کراچی پولیو ٹاسک فورس کے کو آرڈی نیٹر سعود یعقوب نے شرکت کی اور کمشنر کراچی کو انسدادپولیو مہم کی کارکردگی کا جائزہ پیش کیا
کمشنر کو بتایا گیا کہ گزشتہ دو روز میں اآٹھ لاکھ 64 ہزار پانچ سال کے بچوں کو پولیو کے قطرے پلاے گئے ہین۔جبکہ 34 ہزار انکاری بچوں مین سے گیارہ ہزار بچوں کی ویکسی نشین مکمل کی گئی۔ اس طرح انکاری بچوں میں اب تک تیس فیصد بچوں کی ویکسی نیشن مکمل کر لی ہے۔ کمشنر نے ڈپٹی کمشنر کو ہدایت کی کہ وہ یقینی بنائیں کہ جاری مہم کے اختتام سے قبل ویکسی نیشن کا ہدف حاصل ہو۔ فیصلہ کیا گیا کہ جو بچے رہ جائین گے انھیں مہم کے بعد خصوصی کیچ اپ پروگرام کے ذریعے ان کی ویکسی نیشن کی جاے گی۔ اجلاس میں سپورٹ ٹیموں کے کردار کو موثربنانے اور ان کے کردار کو فعال بنانے کیلئے فیصلہ کیا گیا کہ جن اداروں کے اہلکاروں کی تعیناتی کی گئی ہے وہ مہم میں پوری توجہ سے کام کریں گے اور ویکسی نشین کے مقررہ اوقات میں کام کریں گے۔ کمشنر نے تمام بلدیاتی اداروں اور ویکسی نیشن پر مامور ڈاکٹرز کو ہدایت کی کہ وہ ایریا انچارجز کی ہدایات کے مطابق خدمات انجام دیں قومی ذمہ داری سمجھ کر کام کریں تاکہ پولیو ٹیموں کی مدد ہو۔
اجلاس میں جاری مہم میں رہ جانے والے بچوں کی تفصیلات بھی بتائی گئیں۔فیصلہ کیا گیا کہ ڈپٹی کمشنرزر کمیونٹی رہنماوں اور منتخب ارکان سے مدد لیں گے ان بچوں کو جاری مہم میں مکمل کرنے کے لئے اقدامات کریں گے ۔ اجلاس میں فیصلہ کیا گیا کہ بخار یا کسی بیماری کے باعث رہ جانے والے بچوں کو ڈاکٹرز کی مشاورت سے مہم کے بعد قطرے پلاے جائیں گے
