ڈرامہ ‘‘دل ڈھونڈتا ہے پھر وہی ‘‘کے لیے خصوصی بلاگر میٹ اپ : محبت، جدائی اور دیرپا اثرات کی داستان
ایکسپریس انٹرٹینمنٹ نے اپنے شاہکار ڈرامہ ” دل ڈھونڈتا ہے پھر وہی” کی لانچنگ کیلئے خصوصی بلاگر میٹ اپ کا انعقاد کیا۔ ایونٹ میں پاکستان کی ڈیجیٹل کمیونتی کے نمایاں اراکین نے چینل کے بدلتے ہوئے پروگرامنگ وژن پر تبادلہ خیال اور نئی، جذباتی طور پر موثر پروڈکشن کی جھلک دیکھنے کیلئے شرکت کی۔
ایکسرپس انٹرٹینمنٹ جو تسلسل کے ساتھ جدید موضوعات اور بامعنی اور موثر کہانیوں کی وجہ سے جانا جاتا ہے، پاکستان میں ٹیلی ویژن پر دکھائے جانے والے مواد کا معیار مسلسل بلند کررہا ہے۔تخلیق، تنوع اور معیاری کہانیوں کے ساتھ چینل اپنے پروگراموں کی ترتیب سے ناظرین کے لیے ایسے منفرد اور دل سے تراشے گئی کہانیاں پیش کرنے کا عہد کرتا ہے جو سچائی اور خلوص پر مبنی ہیں۔
اسی وژن کو آگے بڑھاتے ہوئے ڈرامہ ”دل ڈھونڈتا ہے پھر وہی ” ایک دلکش نیا عنوان ہے جو پرخلوص کہانی کو سنیما کے انداز میں خوبصورت طریقے سے پیش کرتا ہے۔ الفا پروڈکشنز کے بینر تلے بننے والا ڈرامہ اسد صدیقی کی تخلیق سے وابستہ جوش اور جذبہ کو پیش کرتا ہے جس نے کرداروں کے احساسات اور کہانی کے جذبات کو خوبصورتی سے سمویا ہے۔
ڈرامہ کے خوبصورت خیال کو ردا بلال نے تحریر کیا جن کی تحریریں سماجی حقیقتوں کی عکاسی کرتی ہیں اور جذبات کو نرمی سے چھوتی ہیں۔ ڈرامہ دو پیار کرنے والے علی اور رمشا کی زندگی کے گرد گھومتی ہے جو محبت اور المیے کی زنجیروں میں جکڑے ہوتے ہیں۔ علی کو ڈیمنشیا ہوجاتا ہے جس کی وجہ سے دونوں کے تعلقات میں شدید مشکلات درپیش آتی ہیں۔ کہانی اس وقت زیادہ دلچسپ موڑ لیتی ہے جب رمشا اپنی محبت کو بچانے کے لیے جدوجہد کرتی ہے، حالانکہ علی کی یادیں دھیرے دھیرے مٹنے لگتی ہیں۔یہ ایک ایسی داستان ہے جو محبت، حوصلے اور یادداشت کی سرحدوں کو پرکھتی ہے اور یہ سوال اٹھاتی ہے کہ کیا محبت اس وقت بھی زندہ رہ سکتی ہے جب ایک دل بھول جائے؟
عدنان سرور کی ہدایت کاری میں بننے والا ڈرامہ ”دل ڈھونڈتا ہے پھر وہی” سینما کی طرح کمال نفاست اور جذباتی کہانی پیش کرتا ہے۔ڈرامہ میں زارا نور عباس اور زاہد احمد اپنی شاندار اداکاری کے ساتھ جلوگر ہیں جبکہ روبینہ اشرف، فیضان شیخ، محمد احمد اور نورین گلوانی سمیت معاون اداکار بھی اپنے فن کا بہترین مظاہرے کررہے ہیں ۔ ہر اداکار نے کہانی میں سچائی اور جذبات کی گرمی پیدا کی ہے جو انسانی تعلقات کی نازکی کو نہایت خوبصورتی سے اجاگر کرتی ہے۔
مومن خان مومن کا لازوال کلام ”وہ جو ہم میں تم میں قرار تھا”ذیشان علی کی دلکش آواز میں پیش کیا گیا ہے۔جس نے کہانی کے جذباتی رنگ کو مزید نکھارتے ہوئے ہر لمحے کو محبت اور تڑپ کے احساس میں ڈھال دیا ہے۔
ایکسپریس انٹرٹینمنٹ ٹیلی ویژن کے جدید منظرنامے کی تشکیل میں پاکستان کے ڈیجیٹل تخلیق کاروں کے کردار کو تسلیم کرتا ہے۔ ان کی شمولیت اور رائے نہ صرف بامعنی مواد کی اہمیت کو اجاگر کرتی ہے بلکہ نیٹ ورک کو ایسی پروڈکشن کیلئے رہنمائی ملتی ہے جو آج کے ناظرین کی سوچ اور پسند سے ہم آہنگ ہو۔
بلاگر میٹ اپ کے ذریعے ایکسپریس انٹرٹینمنٹ تخلیقی ڈائیلاگ کے فروغ کیلئے اپنے عزم کا اعادہ کرتا ہے۔
”دل ڈھونڈتا ہے پھر وہی” کے ساتھ چینل اپنی کہانی سنانے کے انداز کو نئی جہت دینے کے سفر کو جاری رکھے ہوئے ہے جو ایک ایسی کہانی جو دلوں میں بس جائے۔
