بالی وڈ کی معروف اداکارہ کاجول نے اپنے ٹاک شو کے دوران ایک ایسا واقعہ بیان کیا جو ان کی زندگی پر گہرا اثر ڈال گیا۔
حالیہ دنوں میں کاجول اور ٹوئنکل کھنہ نے پروگرام “ٹو مچ” کا ایک نیا ایپی سوڈ پیش کیا، جس میں مہمان کے طور پر عالیہ بھٹ اور ورون دھون شریک ہوئے۔
گفتگو کے دوران جب عالیہ بھٹ نے کاجول سے بچوں کی تربیت سے متعلق کوئی اہم مشورہ مانگا تو انہوں نے نہایت سادہ مگر معنی خیز جواب دیا: “بس ان کی بات سنو… صرف سنو۔”
کاجول نے وضاحت کی کہ والدین اکثر یہ سمجھتے ہیں کہ بچے کم علم رکھتے ہیں، اس لیے ان کی باتوں کو زیادہ اہمیت نہیں دی جاتی، حالانکہ ان کی چھوٹی چھوٹی باتیں بھی بڑے سبق سکھا دیتی ہیں۔
انہوں نے اپنے بیٹے یوگ سے جڑا ایک واقعہ یاد کرتے ہوئے بتایا کہ جب وہ صرف آٹھ سال کا تھا تو اس نے اچانک سوال کیا: “مما، آپ خود سے کتنا پیار کرتی ہیں؟”
کاجول کے مطابق انہوں نے جواب دیا کہ وہ تقریباً 60 سے 70 فیصد خود سے محبت کرتی ہیں۔ اس پر یوگ نے فوراً کہا: “نہیں مما، آپ کو ہمیشہ سو فیصد خود سے محبت کرنی چاہیے۔”
کاجول نے کہا کہ بیٹے کی یہ بات ان کے دل کو چھو گئی اور وہ آج تک اس نصیحت کو اپنی زندگی کا حصہ بنائے ہوئے ہیں۔
