سعودی عرب کے محکمہ موسمیات نے خبردار کیا ہے کہ مملکت کے کئی علاقوں میں آج سے اگلے ہفتے تک ہلکی سے درمیانے درجے تک موسلا دھار بارش کا امکان ہے۔
سعودی خبر رساں ادارے کی رپورٹ کے مطابق جازان، عسیر، الباحہ، مکہ مکرمہ، تبوک اور مدینہ منورہ کے ریجن بارش کی زد میں رہ سکتے ہیں۔
اطلاعات کے مطابق ریاض کے بعض علاقوں میں ہلکی یا معتدل بارش متوقع ہے، جبکہ جازان، عسیر، الباحہ اور مکہ مکرمہ کے پہاڑی علاقوں میں بارش کا شدت اختیار کرنے کا امکان ہے۔
موسمیات کے قومی مرکز نے شہریوں پر زور دیا ہے کہ وہ موسم کی تازہ ترین معلومات کے لیے متعلقہ ویب سائٹس اور میڈیا پلیٹ فارمز کو فالو کریں اور حکام کی ہدایات پر عمل کریں۔
