یورپ میں ایک دلچسپ واقعہ سامنے آیا ہے جہاں ایک جوڑے نے اپنی شادی کے اخراجات پورے کرنے کے لیے مہمانوں کو بلا کر مدعو کرنے کی بجائے شادی میں شرکت کے لیے ٹکٹ فروخت کرنا شروع کر دیے۔
میڈیا رپورٹس کے مطابق یہ یورپی جوڑا چاہتا تھا کہ ان کی شادی شاندار اور یادگار ہو، مگر محدود بجٹ کے سبب انہوں نے ایک منفرد (اور کچھ حد تک متنازع) طریقہ اپنایا۔
ہر ٹکٹ کی قیمت میں کھانے، مشروبات اور تقریب کے دوران تفریح شامل تھی۔
آن لائن پلیٹ فارمز کے ذریعے ٹکٹ فروخت کیے گئے اور حیرت انگیز طور پر کئی افراد نے دلچسپی بھی ظاہر کی، یہاں تک کہ کچھ اجنبی افراد نے بھی ٹکٹ خرید لیے۔
یہ آئیڈیا سوشل میڈیا پر کافی مقبول ہوا اور یورپ میں یہ ایک نیا ٹرینڈ بنتا جا رہا ہے۔ بعض لوگوں نے اسے تخلیقی فنڈ ریزنگ قرار دیا ہے، جبکہ کچھ نے اسے شادی کو کاروباری شکل دینے کے طور پر تنقید کا نشانہ بنایا ہے۔
