گلوبل ایجوکیشن اکیڈمی کی گریجوایشن اور سالانہ تقریب تقسیم انعامات کا انعقاد دمام سعودی عرب میں کیا گیا جس کے مہمانان خصوصی ہالیڈے ان کورنچ ادارہ کے خصوصی نمائندے الشیخ ابواحمد الحربی اور فوکل پرسن پاکستان ایمبیسی چیئرمین انٹرنیشنل ہیومن رائٹس اقوام متحدہ سعودی عرب ندیم اختر چوہدری تھے اور دیگر معزز مہمانوں میں پاکستان پیرنٹس گروپ کے صدر سید مزمل حسین شاہ، معروف صحافی عبدالصبور قریشی، افتخار احمد، ڈاکٹر عبدالاسلام، ڈائریکٹر امریکن یونیورسٹی آف بحرین سعودی عرب شاہد خان، ڈاکٹر بلال انجم اور چوہدری فیصل عباس گوندل سمیت پاکستان فارن آفس کے نمائندے راجہ عمران، رانا صغیر احمد، امجد علی، محترمہ ناہید، غلام صابر، نوید احمد، سجاد احمد، ثاقب خان، اعجاز اکبر، راجہ خالد، طلحہٰ یٰسین، محمد علی، ابراہیم ملک و دیگر نے شرکت کی،
اس موقع پر گلوبل ایجوکیشن اکیڈمی کے ہیڈ پروفیسر احسان اللہ بھٹی نے بتایا کہ مختصر عرصہ کے دوران وزٹ ویزہ اقامہ ہولڈرز کے تعلیمی مسائل کو حل کرنے کیلئے اقدامات اٹھائے گئے جن کے بڑے دورس نتائج برآمد ہورہے ہیں طلبہ کی تعلیمی ذہبی نشوونما و سرگرمیوں پر خصوصی توجہ دی گئی، انہوں نے بتایا کہ رواں سال اگست میں نئے تعلیمی سال سے اسکولز سسٹم کا بھی آغاز کیا جارہا ہے جس میں اے لیولز کے حوالے سے بیکن ہاؤس کے ساتھ اشتراک اور مختلف شہروں میں برانچز بنانے کا فیصلہ کیا گیا ہے، تقریب میں نمایاں کارکردگی کا مظاہرہ کرنے والے طلبہ و طالبات میں سرٹیفکیٹس اور میڈلز تقسیم کئے گئے جبکہ تقریری مقابلہ جات سپیلنگ بی ڈرائینگ آرٹ بیڈمنٹن اور کرکٹ کے مقابلہ جات میں نمایاں کارکردگی کا مظاہرہ کرنے والے کھلاڑیوں میں بھی انعامات تقسیم کئے گئے اس کے علاوہ کے جی کے تین طلبہ کو گریٹ ون میں پروموٹ ہونے پر بھی میڈلز اور سرٹیفکیٹس دیئے گئے تقریب کے مہمان خصوصی الشیخ ابواحمد الحربی اور نديم اختر چوہدری نے پروفیسر احسان اللہ بھٹی کی تعلیمی خدمات کو خراج تحسین پیش کیا اور کہا کہ انہوں نے سعودی عرب کے شہروں میں فروغ تعلیم کیلئے جو اپنا انتھک کردار ادا کیا ہے اسے سعودی حکومت اور تعلیمی ادارے عزت کی نگاہ سے دیکھتے ہیں اور اس سلسلہ میں ان سے ہر ممکن تعاون جاری رکھا جائیگا۔
