کراچی .30 اپریل۔ صوبائی وزیر برائے صنعت و تجارت جام اکرم اللہ دھاریجو نے کہا ہے کہ سندھ حکومت کورنگی صنعتی علاقے میں سڑکوں ، اسٹریٹ لائٹس ، نکاسی آب کے نظام اور سیکیورٹی سسٹم سمیت انفراسٹرکچر کو بہتر بنانے کے لئے اقدامات کررہی ہے تاکہ بین الاقوامی غیر ملکی سرمایہ کاروں کو سندھ میں سرمایہ کاری کے لئے راغب کیا جاسکے۔ یہ بات آج انہوں نے پاکستان ٹینرز ایسوسی ایشن ساؤتھ زون کے دفتر میں لنچ کے موقع پر بطور مہمان خصوصی خطاب کرتے ہوئے کہی۔ اس موقع پر سکریٹری انڈسٹریز اینڈ کامرس محمد یاسین شر بلوچ ، دانش امان
چیئرمین
پی ٹی اے ( ساؤتھ زون )
یوسف شفیق
وائس چیئرمین ،
حامد ظہور
چیئرمین
پی ٹی اے – وسطی ، عاجز احمد شیخ
سینئر ممبر ، عزیز احمد
سابق چیئرمین انفراسٹرکچر اور دیگر بھی موجود تھے۔ صوبائی وزیر جام اکرام اللہ دھاریجو نے کہا کہ ہم نے دوستانہ صنعتی پالیسی بنائی ہے اور چمڑے کے شعبے کو درپیش مسائل کو ترجیحی بنیادوں پر حل کیا جائے گا۔ اس موقع پر چیئرمین پاکستان ٹینرز ایسوسی ایشن دانش امان نے صوبائی وزیر انڈسٹریز اینڈ کامرس جام اکرم اللہ دھاریجو کو چمڑے کے شعبے میں درپیش مسائل کے بارے میں آگاہ کیا۔
=====================
ٹکرز ۔ پاکستان بنگلہ دیش ٹی ٹوئنٹی سیریز۔
—————————————
لاہور ۔ پاکستان کرکٹ بورڈ نے بنگلہ دیش مینز کرکٹ ٹیم کے خلاف ٹی ٹوئنٹی سیریز کا شیڈول جاری کردیا۔
سیریز میں پانچ ٹی ٹوئنٹی انٹرنیشنل میچز کھیلے جائیں گے۔
پہلے یہ دورہ تین ون ڈے اور تین ٹی ٹوئنٹی میچوں پر مشتمل تھا لیکن آئی سی سی مینز ٹی ٹوئنٹی ورلڈ کپ کی تیاری کے لیے اب ون ڈے انٹرنیشنل کی جگہ دو اضافی ٹی ٹوئنٹی میچ کھیلے جائیں گے۔
دونوں کرکٹ بورڈز باہمی طور پر ون ڈے میچوں کی جگہ دو اضافی ٹی ٹوئنٹی انٹرنیشنل کھیلنے پر متفق۔
پہلے دو میچز25 اور 27 مئی کو فیصل آباد میں اور بقیہ تین میچز 30 مئی ، یکم جون ، اور 3 جون کو لاہور میں کھیلے جائیں گے۔
فیصل آباد 17 سال بعد ایک بار پھر بین الاقوامی کرکٹ کی میزبانی کرے گا۔
پانچوں میچز رات آٹھ بجے شروع ہونگے۔
