سی ای او واٹر کارپوریشن جامعہ کراچی میں متاثرہ پانی کی لائن کے مرمتی کام کا معائنہ کر رہے ہیں۔
سی ای او واٹر کارپوریشن کا جامعہ کراچی میں متاثرہ پانی کی لائن کا معائنہ، مرمتی کام مقررہ وقت میں مکمل کرنے کی ہدایت
کراچی( )سی ای او واٹر کارپوریشن احمد علی صدیقی نے جامعہ کراچی کا دورہ کرکے پانی کی متاثرہ لائن کا معائنہ کیا اس موقع پر سی ای او واٹر کارپوریشن کو چیف انجینئر ڈبلیو ٹی ایم ظفر پلیجو نے جاری مرمتی کام کے بارے میں تفصیلی بریفنگ دی ترجمان واٹر کارپوریشن کے مطابق سی ای او واٹر کارپوریشن نے مرمتی کام کی رفتار معیار اور ضروری سہولیات کا جائزہ لیا اور متعلقہ افسران کو ہدایت جاری کی کہ مرمتی کام کو ہر صورت مقررہ وقت میں مکمل کیا جائے تاکہ جامعہ کراچی کی 
لائن سے پانی کی فراہمی بحال کی جا سکے انہوں نے واضح کیا کہ مرمتی کام میں کسی قسم کی تاخیر برداشت نہیں کی جائے گی اور اس عمل کی مسلسل نگرانی کی جائے تاکہ شہریوں کو جلد از جلد پانی کی فراہمی ممکن بنائی جا سکے اس موقع پر چیف انجینئر ڈبلیو ٹی ایم نے نے سی ای او واٹر کارپوریشن کو یقین دلایا کہ مرمتی کام مقررہ وقت میں مکمل کر لیا جائے گا اور پانی کی فراہمی کی بحالی یقینی بنائی جائے گی تجمان کے مطابق واٹر کارپوریشن کی ٹیم جامعہ کراچی میں پانی کی فراہمی کو جلد بحال کرنے کے لیے سرگرمی سے کام کر رہی ہے اور اس ضمن میں تمام دستیاب وسائل بروئے کار لائے جا رہے ہیں۔
============================
کراچی( )سی ای او واٹر کارپوریشن احمد علی صدیقی اور سی او او واٹر کارپوریشن انجینئر اسداللہ خان نے یکم مئی مزدوروں کے عالمی دن کے موقع پر جاری کردہ اپنے مشترکہ پیغام میں پاکستان سمیت دنیا بھر کے تمام محنت کشوں خصوصاً واٹر کارپوریشن میں کام کرنے والے تمام مزدوروں اور محنت کشوں سے نیک خواہشات کا اظہار کرتے ہوئے کہا کہ یکم مئی دنیا بھر میں محنت کشوں کی لازوال قربانیوں جدوجہد اور خدمات کو خراج تحسین پیش کرنے کے لیے منایا جاتا ہے اور یہ دن ہمیں یاد دلاتا ہے کہ کسی بھی ملک شہر یا محکمے کی ترقی و خوشحالی میں محنت کشوں کا کردار بنیادی حیثیت رکھتا ہے انہوں نے کہا دنیا کی حقیقی ترقی کا راز محنت کشوں کی مسلسل محنت اور قربانیوں میں پوشیدہ ہے اور یہی وہ طبقہ ہے جو ہر شعبہ زندگی کی بنیاد فراہم کرتا ہے شکاگو کے عظیم محنت کشوں کو خراجِ عقیدت پیش کرتے ہوئے انہوں نے کہا کہ انہی کی قربانیوں کی بدولت آج دنیا بھر میں مزدوروں کے حقوق کے حوالے سے شعور بیدار ہوا ہے اور یہ جدوجہد اب ایک عالمی تحریک کی شکل اختیار کر چکی ہے ان کا کہنا تھا کہ دینِ اسلام میں مزدور کو ایک خاص مقام حاصل ہے اور اللہ تعالیٰ نے مزدور کو اپنا دوست قرار دیا ہے جبکہ حضرت محمد مصطفیٰ ﷺ نے فرمایا کہ مزدور کو اس کی اُجرت اُس کا پسینہ خشک ہونے سے پہلے ادا کی جائے جو اس طبقے کی معاشی اہمیت اور عظمت کو واضح کرتا ہے انہوں نے کہا ہمیں اپنی افرادی قوت پر فخر ہے کیونکہ یہ افرادی قوت ہی ادارے کے استحکام کارکردگی نیک نامی اور عوامی خدمات کی ضامن ہے جبکہ محنت کش ہمارے معاشرے کا اہم ستون ہیں اور ان کی فلاح و بہبود حقوق کا تحفظ اور معیارِ زندگی کی بہتری ہماری اولین ترجیحات میں شامل ہے انہوں نے اس عزم کا اعادہ کیا کہ واٹر کارپوریشن نہ صرف اپنے ملازمین کو بروقت تنخواہوں کی ادائیگی اور بہتر طبی سہولیات فراہم کر رہا ہے بلکہ ادارہ مستقبل میں بھی مزدور دوست پالیسیوں کو مزید مؤثر بنانے لیبر قوانین کو مضبوط کرنے اور ملازمین کو درپیش مسائل کے فوری حل کے لیے عملی اقدامات جاری رکھے گا اس موقع پر انہوں نے مزید کہا کہ اس یومِ مزدور پر ہمیں عہد کرنا چاہیے کہ ہم اپنے ادارے شہر قائد اور اپنے پیارے ملک پاکستان کی ترقی خوشحالی اور بہتری کے لیے محنت اور عزم کے ساتھ مل کر کام کریں گے ور مزدوروں کی عزت اور احترام کرتے ہوئے ان کے حقوق کا تحفظ یقینی بنائیں گے۔
