لیاقت پور (وحید رشدی) پاکستان مسلم لیگ (ن) کے رکن صوبائی اسمبلی چوہدری محمود احمد نے کہا ہے کہ لیاقت پور میں 400 بیڈ کے ڈسٹرکٹ ہسپتال اور چنی گوٹھ تا رحیم یارخان ون وے شاہی روڈ کے منصوبے آئندہ مالی سال میں شامل ہوں گے پارٹی صدر میاں نواز شریف اور وزیراعلی پنجاب مریم نواز شریف سے ملاقات کے دوران جو مطالبے ان کے سامنے رکھے تھے وہ منظور کیئے جا چکے ہیں سیم نالہ کی بحالی اور اس پر ٹیوب ویلز لگانے کا کام شروع کر دیا گیا ہے لیاقت پور کو ضلع کا درجہ دینے اور ریلوے انڈر پاس کی تعمیر بارے جلد پیش رفت ہو گی انتخابات میں کامیابی کا ایک سال مکمل ہونے پر سابق ایم پی اے چوہدری مسعود احمد، سابق چیئرمین میونسپل کمیٹی راشد رفیق چوہدری، سابق وائس چیئرمین آصف رشید رحمانی ایڈووکیٹ، چوہدری جواد مسعود اور عمائدین علاقہ کے ہمراہ پریس کانفرنس کرتے ہوئے انہوں نے کہا کہ پارٹی صدر میاں نواز شریف اور وزیر اعلی پنجاب مریم نواز شریف سے حالیہ ملاقات میں انہیں بتایا کہ ضلع رحیم یارخاں کے چولستانیوں کے لیئے زر مستاجری 86 ہزار روپے جبکہ بہاولپور میں 16 ہزار روپے لگایا گیا ہے جس کا میاں نواز شریف نے نوٹس لیتے ہوئے اس کو درست کرنے کی ہدایت کی ہے انہوں نے بتایا کہ لیاقت پور کے 11 بنیادی مراکز صحت کی بحالی و مرمت پر 90 فیصد کام اور سٹاف کی تعیناتی کا پیپر ورک مکمل ہے دو رورل ہیلتھ سنٹرز کی عمارتیں بھی مرمت کی جا چکی ہے جن میں تین شفٹوں میں ڈاکٹرز اور عملہ 24 گھنٹے ڈیوٹی پر موجود ہوگا میڈیسن کے لیئے بجٹ بھی جاری کیا جا چکا ہے تحصیل ہیڈ کوارٹر ہسپتال لیاقت پور کے مسائل حل کرنا ان کی ترجیح ہے انہوں نے بتایا کہ ایک سال میں انہیں 30 کروڑ روپے کے ڈویلپمنٹ فنڈز ملے تھے جن کے منصوبے زیر تکمیل ہیں شوگر سیس کا تین ارب روپے فنڈ دو سال سے جاری نہیں کیا جا رہا تھا وہ بھی انہوں نے ریلیز کروا لیا ہے جس سے حلقہ میں 10 سے زائد سڑکیں بنیں گی وزیراعلی کے خصوصی فنڈ سے چنی گوٹھ تا فیروزہ براستہ چکوک عباسیہ کارپٹ روڈ جلد مکمل ہوگی طلبانی، کوٹلہ خیرے خاں و دیگر علاقوں میں سڑکوں کے منصوبے شروع ہو رہے ہیں لیاقت پور شہر کے لیئے 13 کروڑ روپے کے جمنازیم کی تعمیر اسی ہفتہ میں شروع کر دی جائے گی سوا کروڑ روپے سے مسعود سٹیڈیم کے پرانے پویلین کی بحالی و مرمت کی جا رہی ہے چوہدری محمود احمد نے بتایا کہ شہر کے پارکس، سٹریٹ لائٹس اور کرائم کنٹرول کے لیئے سیف سٹی پروگرام پر کام بھی شروع کیا جا چکا ہے شاہی روڈ تا 14 چک پل رنگ روڈ چنی گوٹھ روڈ سے لنک کر دی جائے گی واٹر سپلائی سسٹم درہم برہم ہے اس میں گندے پانی کی ملاوٹ کے ذمہ دار محکمہ پبلک ہیلتھ اور میونسپل کمیٹی کا عملہ ہے ورلڈ بینک نے 189 تحصیلوں میں واٹر سپلائی، سیوریج سکیمز کی بحالی اور بارش کا پانی جمع کرنے کا منصوبہ شروع کر رہا ہے انہوں نے لیاقت پور کو بھی اس پروگرام میں شامل کروایا ہے جلد شہروں کے ساتھ ساتھ دیہاتی علاقوں میں بھی سیوریج، واٹر سپلائی اور صفائی جیسے معاملات ٹھیک ہو جائیں گے شہر میں گندے پانی کو صاف کرنے کے لیئے ٹریٹمنٹ پلانٹ لگایا جائے گا انہوں نے بتایا کہ شمالی ریلوے کراسنگ پر انڈر پاس کے لیئے ایک ارب روپے سے زائد کا بجٹ منظور ہوا تھا جو اگلے سال کے منصوبوں میں شامل ہوگا اس سلسلے میں سپیکر پنجاب اسمبلی سے بھی بات ہوئی ہے لیاقت پور سے فیصل آباد کے لیئے ٹرینوں کے سٹاپ اور سیٹوں کا کوٹہ بھی منظور کرایا جائے گا اس موقع پر آصف رشید رحمانی ایڈووکیٹ نے بھی خطاب کیا سابق کونسلرز عبدالرشید شاکر، چوہدری خالد علی انجم، طارق شاد، فاروق گل, صادق بھٹی، بابا ثناء اللہ بھٹی، چوہدری انور ندیم کے علاوہ چوہدری کاشف ندیم جٹ، چوہدری افضل ساہی، چوہدری غلام جیلانی، اظہر خان بلوچ، زوہیب لاشاری، عدنان چیمہ، رانا محمد حسین، چوہدری عارف گجر، ڈاکٹر فیاض بھٹی، سجاد حسین ملک، سید رضا ندیم اور چولستان و عباسیہ کے عمائدین بھی موجود تھے،
