ریزیڈنٹ ایڈیٹر (محمد عامر صدیق ۔ آسٹریا) پاک فرینڈز آسٹریا کی اب تک کی کار کردگی کے سلسلہ میں ماہانہ میٹنگ تنظیم کے صدر علامہ غلام مصطفی بلوچ کی زیر صدارت ویانا میں منعقد کی گئی جس میں ایگز یکٹیو باڈی کے ممبر ان عہدیداران اور کو آرڈینیٹرز نے شرکت کی۔میٹنگ کی کارروائی کا آغاز قاری شبیر کی تلاوت قرآن پاک سے کیا گیا۔ نعت رسول مقبول ال السلام کی سعادت شبر شاہ نے حاصل کی۔ میٹنگ کی نظامت کے فرائض سید غالب حسین شاہ نے ادا کیے۔
صدر پاک فرینڈ آسٹریا غلام مصطفی بلوچ،اکرم بٹ، اظہر غلام، سید غالب حسین شاہ ، الطاف جمال، منیر مغل،رانا ریاست،قاری شبیر، محمد اویس صدیقی، محمد طارق،چوہدری ندیم نظیر، ریاض بلوچ اور رانا عاطف نے اپنی اپنی تجاویز عید ملن پارٹی کے انعقاد کے سلسلے میں پیش کیں۔ عید ملن پارٹی کا دن اور تاریخ کا جلد اعلان کیا جائے گا۔
میٹنگ کے اختتام پر علامہ غلام مصطفی بلوچ نے اجتمائی دعائیہ کلمات میں فلسطین و کشمیر کے مسلمانوں اور پاکستان کی ترقی ، خوشحالی ، امن و امان اور پی ایف اے کے بہتر مستقبل کی دعا کی۔
===================
سینیگال، سعودیہ، عمان سمیت 8 ملکوں سے مزید 45 پاکستانی بے دخل
سینیگال سے انسانی اسمگلنگ کے لیے پہنچے 3 نوجوانوں سمیت 8 ملکوں سے مزید 45 پاکستانیوں کو بے دخل کر دیا گیا، جن میں سے 5 کو کراچی میں انسدادِ انسانی اسمگلنگ سرکل کی حراست میں دے دیا گیا۔
امیگریشن ذرائع کے مطابق سینیگال میں مختلف ذرائع سے پہنچے 3 پاکستانی نوجوانوں کو یورپ اسمگل کیے جانا تھا مگر مقامی اتھارٹیز نے انہیں حراست میں لے کر پاکستانی سفارت خانے کے ذریعے واپس بھیج دیا، جنہیں اے ایچ ٹی سی نے حراست میں لے لیا۔
ذرائع کا کہنا ہے کہ سعودی عرب سے بلیک لسٹ 5 اور سزائیں پوری ہونے والے 6 افراد سمیت 14 پاکستانیوں کو ڈی پورٹ کر دیا گیا، جن میں منشیات فروشی کا ایک ملزم بھی شامل ہے۔
سعودیہ سمیت 6 ممالک سے مزید 48 پاکستانی ڈی پورٹ
امیگریشن ذرائع نے کہا ہے کہ رومانیہ و عمان میں زائد المیعاد قیام اور ویزا ختم ہونے سمیت مختلف الزامات پر 12 پاکستانیوں کو بے دخل کر دیا گیا۔
متحدہ عرب امارات میں زائد المیعاد قیام، غیر قانونی انٹری اور دیگر الزامات پر 7 پاکستانیوں کو واپس بھیج دیا گیا۔
امیگریشن ذرائع کا کہنا ہے کہ عراق میں زائد المعیاد قیام پر 1، قطر اور جنوبی افریقا میں پاسپورٹ گم ہونے پر 6 پاکستانیوں کو واپس بھیج دیا گیا۔
