پولیو کا موذی وائرس آزاد کشمیر پہنچ گیا ہے۔

ملک بھر کے سیوریج میں پولیو وائرس کی موجودگی کی تصدیق
فروری 9, 2025
آزادکشمیر اور چاروں صوبوں کی سیوریج پولیو وائرس سے آلودہ نکلی، پولیو کا موذی وائرس آزاد کشمیر پہنچ گیا ہے۔

ذرائع این آئی ایچ کے مطابق آزاد کشمیر کی سیوریج میں پولیو وائرس کی تصدیق ہوئی ہے، 2025 میں دوسری بار ماحولیاتی نمونوں میں پولیو وائرس پایا گیا ہے۔

ذرائع کے مطابق ملک کے 21 اضلاع کے ماحولیاتی نمونوں میں پولیو وائرس پایا گیا ہے جس کے بعد رواں سال کے پولیو پازیٹو سیوریج سیمپلز کی تعداد 47 تک پہنچ گئی، سیوریج لائنز کے سیمپلز میں وائلڈ پولیو وائرس ون پایا گیا ہے۔

ذرائع کا کہنا ہے کہ پولیو ٹیسٹ کیلئے سیوریج لائنز سے سیمپلز 8 تا 23 جنوری لئے گئے تھے، بلوچستان کے 8 اضلاع کے سیوریج سیمپلز پولیو پازیٹیو نکلے ہیں، خیبرپختونخوا کے 4، پنجاب کے 6 اضلاع کی سیوریج پولیو پازیٹو ہے۔

اس کے علاوہ اسلام آباد کے ماحولیاتی نمونے پولیو سے آلودہ نکلے ہیں، سندھ، آزادکشمیر کے ایک، ایک ضلع کی سیوریج پولیو پازیٹو ہے، ڈیرہ بگٹی، حب، خضدار، نوشکی کے ماحولیاتی نمونے پولیو پازیٹو ہیں۔

نصیر آباد، اوستہ محمد، ژوب، لسبیلہ کی سیوریج پولیو پازیٹو ہے، لاہور، بہاولپور، ڈی جی خان، جھنگ، ملتان، رحیم یار خان، پشاور، چارسدہ، صوابی، ٹانک کی سیوریج پولیو پازیٹو ہے۔

ذرائع نے بتایا کہ آزاد کشمیر کے دارالحکومت مظفرآباد کی سیوریج میں پولیو پایا گیا ہے، کراچی ایسٹ کی سیوریج پولیو وائرس سے آلودہ نکلی ہے۔

واضح رہے کہ گزشتہ سال میرپور آزاد کشمیر کی سیوریج پولیو پازیٹو نکلی تھیاس کے علاوہ رواں سال ملک میں ایک پولیو وائرس کیس رپورٹ ہو چکا ہے گزشتہ سال 73 پولیو کیس اور 493 سیوریج سیمپلز پازیٹو نکلے تھے۔

واضح رہے کہ گزشتہ 20 سالوں میں آزاد کشمیر سے پولیو کیس رپورٹ نہیں ہوا۔

جہانگیر خان
========================

کراچی: پولیو کے قطرے پلانے سے انکار پر جھگڑا، 4 افراد گرفتار
گلشن اقبال میں بچوں کو پولیو کے قطرے نہ پلانے پر مبینہ ٹاؤن تھانے میں 4 افراد کے خلاف مقدمہ درج کرلیا گیا/ فائل فوٹو
کراچی: بچوں کو پولیو کے قطرے نہ پلانے پر 4 افراد کو گرفتار کرلیا گیا۔

پولیس کے مطابق گلشن اقبال میں بچوں کو پولیو کے قطرے نہ پلانے پر مبینہ ٹاؤن تھانے میں 4 افراد کے خلاف مقدمہ درج کرلیا گیا۔

پولیس کا کہنا ہےکہ مقدمے کے اندراج کے بعد 4 افراد کو گرفتار کیا گیا جن میں 3 بھائی بھی شامل ہیں۔

پولیس کے مطابق سرکار کی مدعیت میں درج مقدمے میں دہشتگردی سمیت دیگر دفعات شامل کی گئی ہیں۔

واضح رہے کہ گزشتہ روز گلشن اقبال میں پولیو سے بچاؤ کے قطرے پلانے سے انکارپر جھگڑا ہوا تھا اور اس دوران پولیس کانسٹیبل کی یونیفارم پھٹ گئی تھی۔
========================

گوادر7فروری:ـایڈیشنل ڈپٹی کمشنر (جنرل) ڈاکٹر عبدالشکور کی زیر صدارت انسداد پولیو مہم کے دوسرے اور آخری کیچ اپ ڈے کا جائزہ اجلاس منعقد ہوا۔ اجلاس میں ڈسٹرکٹ ہیلتھ آفیسر ڈاکٹر عبداللطیف دشتی، عالمی ادارہ صحت (WHO) کے نمائندے ڈاکٹر ظفر اقبال سمیت دیگر متعلقہ اسٹیک ہولڈرز نے شرکت کی۔اجلاس کے دوران ڈسٹرکٹ ہیلتھ آفیسر نے بریفنگ دیتے ہوئے بتایا کہ ضلع میں مجموعی طور پر 133 بچے پولیو ویکسین سے محروم رہ گئے، جو کہ ضلع سے باہر ہونے کے باعث ویکسین نہ لگوا سکے۔ جبکہ محض 9 والدین نے اپنے بچوں کو ویکسین پلوانے سے انکار کیا ہے۔ایڈیشنل ڈپٹی کمشنر ڈاکٹر عبدالشکور نے ہدایت دی کہ تمام غیر دستیاب اور انکاری کیسز کا ہر صورت احاطہ یقینی بنایا جائے۔ اس مقصد کے لیے ایک خصوصی ٹیم تشکیل دی گئی،جن میں ای پی آئی سنٹر کو خصوصی طور پر ٹاسک دیا گیا جو جلد از جلد ان بچوں تک پہنچ کر انہیں پولیو سے محفوظ بنانے کے لیے ویکسین فراہم کرے گی۔انہوں نے والدین سے بھی اپیل کی کہ پولیو کے مکمل خاتمے کے لیے تعاون کریں تاکہ بچوں کا محفوظ مستقبل یقینی بنایا جا سکے۔

چمن 7فروری ۔ڈی سی چمن حبیب احمد بنگلزئی نے اج انسداد پولیو مہم کے دوران یو سی سرکی تلری اور دیگر علاقوں میں جاکر پولیو ٹیموں کی کارکردگی اور سیکیورٹی کا جائزہ لیا انہوں نے بچوں کے فنگر پرنٹس چیک کیں انہوں نے دروازوں پر پولیو مارکنگ کو بھی دیکھ لیا انہوں نے پولیو ٹیموں کو سختی سے پابند کرتے ہوئے کہا کہ پانچ سال تک کی بچوں کو عمر بھر کی معذوری سے بچانے کے لیے پولیو کے دو قطرے ہر حال میں پلائیں انہوں نے پولیو افسران و اہلکاروں کو خبردار کرتے ہوئے کہا کہ اگر ایک بھی بچہ پولیو قطرے سے محروم رہا تو پھر ذمہواروں کیخلاف سخت ایکشن لیا جائے گا انہوں نے پولیو ٹیموں کی سیکورٹی پر مامور لیویز فورس کو ہدایات جاری کرتے ہوئے کہا کہ وہ آخر وقت تک پولیو ممبران کے ساتھ موجود رہیں اور سستی اور غفلت کا مظاہرہ کرنے سے اجتناب کریں ڈیوٹی کے دوران الرٹ اور چوکنا رہیں اور ڈسپلن کا خاص خیال رکھیں اس دوران ڈی سی چمن نے وہاں پر موجود والدین کو پولیو ویکسین کی افادیت اور اہمیت کے حوالےسے آگاہ کیا انہوں نے کہا کہ آج کے بچے کل قوم کے معمار ہوں گے اور ہم اپنے آئندہ نسل کو عمر کی معذوری کا شکار ہوتے ہوئے نہیں دیکھ سکتے۔
==============
خبر نامہ نمبر938/2025
موسیٰ خیل 06فروری:۔ڈپٹی کمشنر کیپٹن (ر) جمعداد مندوخیل کی زیر صدارت پولیو مہم کے چوتھے روز کی کارکردگی کا جائزہ لینے کے حوالے سے پولیو ایوننگ ریویو اجلاس منعقد ہوا اجلاس میں اسسٹنٹ کمشنر موسیٰ خیل، اسسٹنٹ کمشنر، درگ، ڈی ایس ایم پی پی ایچ آئی، یونیسف کے نمائندے، یو سی ایم اوز و دیگر ذمہ داران نے شرکت کی۔ اجلاس میں دن بھر کی کارکردگی کا جائزہ لیا گیا ڈپٹی کمشنر تمام یو سی ایم اوز کو جاری مہم کو کامیاب بنانے کے حوالے سے ہر ممکن اقدامات اٹھانے کی ہدایات کی تا کہ کوئی بھی بچہ پولیو سے بچاؤ کے حفاظتی قطروں سے محروم نا رہے۔

کراچی کے علاقے شیر شاہ میں پولیو کے قطرے پلانے سے انکار پر پولیو ٹیم سے تلخ کلامی پر 3 افراد کو گرفتار کرلیا گیا۔

ڈان نیوز کے مطابق شیرشاہ میں محمدی روڈگلی نمبر 14 میں ملک بھر میں جاری پولیو مہم کے تحت ویکسین پلانے کے لیے پولیو ٹیم نے دورہ کیا۔

تاہم وہاں موجود 3 مشتعل افراد نے پولیو ٹیم سے تلخ کلامی کی جو اس حد تک بڑھ گئی کہ پولیس کو مداخلت کرنا پڑی، مشتعل افراد پولیو پلانے سے مسلسل انکار کر رہے تھے۔

اطلاع ملنے پر پولیس اورخاتون اسسٹنٹ کمشنراپنے عملے کے ہمراہ موقع پرپہنچیں تو مشتعل افراد نے اسسٹنٹ کمشنر کے عملے کے ساتھ بھی تلاخ کلامی کی, جس پر پولیس نے تینوں افراد کو گرفتار کرکے تھانے منتقل کر دیا اور ان کے خلاف مقدمہ بھی درج کر دیا گیا ہے۔

ملزمان کے خلاف کارسرکارمیں مداخلت اور پولیو ورکرز سے جھگڑا کرنے کی دفعہ سمیت دیگر دفعات کے تحت مقدمہ درج کیا گیا۔
=====================

چیف سیکریٹری سندھ آصف حیدرشاہ نےکراچی کے علاقے گلزار ہجری میں پولیو ٹیم پرحملے کانوٹس لیتےہوئےآئی جی سندھ کوملزمان کے خلاف سخت کارروائی کی ہدایت کردیں۔

چیف سیکرٹری سندھ آصف حیدر شاہ نے گلزارہجری میں پولیو ٹیم پرحملے کانوٹس لیتے ہوئے آئی جی سندھ سےرابطہ کیا ہے اورسخت کارروائی کی ہدایت کردی۔

چیف سیکرٹری سندھ کی ہدایت پر سچل تھانے میں مقدمہ درج کرلیا گیا، مقدمے میں کارِسرکارمیں مداخلت اور دہشت گردی کی دفعات شامل ہیں۔ حملےمیں ملوث12ملزمان گرفتار، مزید گرفتاریوں کیلئےچھاپے جاری ہیں۔

آصف حیدر شاہ نے کہا کہ پولیو ٹیم پرحملے میں ملوث تمام ملزمان کو کیفر کردارتک پہنچایا جائے، انھوں نے صوبے میں پولیو ٹیموں کی سیکیورٹی مزیدسخت کرنےکی ہدایت کردی اورمزید کہا کہ پولیو ورکرز کے ساتھ کسی بھی قسم کی زیادتی برداشت نہیں کی جائےگی.

دوسری جانب شیرشاہ میں مشتعل افراد نے انسدادپولیو ٹیم سے تلخ کلامی کی جس پرشیرشاہ پولیس نے ایکشن لیتے ہوئے 2مشتعل افراد کوحراست میں لے لیا۔

ملک بھر میں سات روزہ پولیومہم

ملک سے پولیو کے خاتمے کے لئے سات روزہ انسداد پولیو مہم جاری ہے، مہم کے دوران پانچ سال سے کم عمر کروڑوں بچوں کو انسداد پولیو کے قطرے پلائے جا رہے ہیں۔

ملک کو پولیوسے پاک کرنے کیلئےسات روزہ پولیو مہم آج چوتھے روز بھی جاری ہے، مہم کے دوران چار کروڑ سے سےزائد بچوں کو پولیو سے بچاؤ کے قطرے پلائے جائیں گے۔

گزشتہ سال ملک میں پولیو کے تقریباً 77 کیسز سامنے آئے، رواں سال پولیو کا صرف ایک کیس سامنے آیا ہے۔

وزارت صحت نے والدین سے اپیل ہے کہ ویکسین کی اہمیت کو سمجھیں اوراپنے بچوں کو اس مہم میں پولیو سے بچاؤ کے قطرے لازمی پلوائیں، کیونکہ فیصلہ آج کرنا ہے، اگرکل بچّے کو چلنا ہے۔

نیشنل ای او سی کے مطابق فوکل پرسن برائے انسدادِ پولیونے پولیو کنٹرول روم کا دورہ کیا، عائشہ رضافاروق کوپولیوکنٹرول روم میں بریفنگ دی گئی۔

ای او سی کا کہنا ہے کہ پہلے3 دنوں میں 3 کروڑ70 لاکھ بچوں کو قطرے پلائے جا چکےہیں، پنجاب میں86 فیصد، سندھ میں71 فیصد ویکسی نیشن مکمل ہوچکی، کے پی میں 79 فیصد اوربلوچستان میں 78 فیصد ویکسی نیشن مکمل ہوئی۔

Karachi Police

Polio Virus

05 فروری:- وزیر اعلیٰ پنجاب مریم نواز شریف ، چیف سیکرٹری پنجاچب اور کمشنر لاہور کی خصوصی ہدایت پر ضلع شیخوپورہ میں جاری پانچ روزہ پولیو مہم کی کامیابی کے لیے ڈپٹی کمشنر شاہد عمران مارتھ ، ایڈیشنل ڈپٹی کمشنرز ، اسسٹنٹ کمشنرز سمیت دیگر ضلعی افسران فیلڈ میں متحرک ۔ ضلعی افسران نے پولیو مہم کا جائزہ لینے کے لیے مختلف علاقوں میں قائم کیے گئے ٹرانزٹ پوائنٹس کا اچانک دورہ کیا اور پولیو ٹیموں کی کارکردگی کا جائزہ لیا ۔ ضلعی افسران نے بچوں کی انگلی پر لگائے گئے نشانات چیک کیے اور والدین سے پولیو ٹیموں کی کارکردگی سے متعلق دریافت کیا ۔ ڈپٹی کمشنر شاہد عمران مارتھ نے ضلع بھر میں جاری پولیو مہم کے حوالے سے گفتگو کرتے ہوئے کہا کہ ضلع بھر میں جاری پولیو مہم کو کامیاب بنانے کے لیے تمام ممکنہ وسائل کو بروئے کار لایا جارہا ہے ، پولیو مہم کی کامیابی صحت مند پاکستان کی ضمانت ہے،ہر شہری کو اس مہم میں اپنا اہم کردار ادا کرنا ہوگا. ڈپٹی کمشنر شیخوپورہ نے کہا کہ پولیو ورکرز نہ صرف اپنی ڈیوٹی سر انجام دے رہے ہیں بلکہ خدمت خلق کررہے ہیں ، پولیو کا خاتمہ ہم سب کی مشترکہ ذمہ داری ہے. ڈپٹی کمشنر شاہد عمران مارتھ نے کہا کہ پانچ روزہ پولیو مہم کے دوران 7 لاکھ 58 ہزار 490 بچوں کو پولیو کے قطرے پلاۓ جائیں گے ، پولیو مہم کے دوران اپنی ڈیوٹی انجام دینے والے پولیو ورکرز اپنی ڈیوٹی قومی فریضہ سمجھ کر ادا کریں ۔

۔۔۔۔۔۔۔۔

زندگی بھر کے پولیو مرض سے نجات۔بچوں کی نہیں والدین کی اولین ذمہ داری ہے۔کمشنرلاہور

5 سال تک کی عمر کے بچوں کو پولیو قطرے پلوانا والدین کا قومی و انسانی فرض ہے۔کمشنر لاہور

قومی انسداد پولیو مہم/تیسراروز۔ کمشنر لاہور زید بن مقصود شہر کے مختلف علاقوں جائزہ دورے

کمشنرلاہور نے داتا گنج بخش ٹاون یو سی 94 شادمان میں مصروف کار پولیو فیلڈ ٹیموں کا جائزہ لیا

سی ای او ہیلتھ لاہور اور متعلقہ پولیو انچارجز نے پولیو مہم۔ریکارڈ اور اپ ڈیٹ ڈیٹا پر بریفنگ دی

جاری پولیو مہم میں لاہور میں5 سال کی عمر تک کے 22لاکھ 30ہزار134 بچوں کو پولیو قطرے پلانے کا ہدف ہے۔کمشنرلاہور

5825 موبائیل پولیو ٹیمز۔371فکسڈ ٹیمز متحرک ہیں۔214ٹرانزٹ پوائنٹس کو بھی ٹارگٹ کیا جارہا ہے۔کمشنر لاہور زید بن مقصود

کمشنر لاہورزید بن مقصود نے پولیو ٹیموں سے ایپ کے ذریعے ڈیٹا اپلوڈنگ کو خصوصی طور پر چیک کیا

کمشنر لاہور نے ریکارڈ رجسٹر و انسداد پولیو مائکروپلان کےمطابق ابتک کی انٹریز کو چیک کیا۔

انسداد پولیو قومی فریضہ ہے۔پولیو ٹیمیں جانفشانی سے کام کریں۔۔کمشنرلاہور زید بن مقصود

فیلڈ ٹمیں جانفشانی سے ہر دروازے پر دستک دے رہی ہیں۔شہری اور والدین مکمل تعاون کریں۔کمشنر لاہور

پولیو زندگی بھر کی معزوری ہے۔اپنے بچوں کا تحفظ ہماری اولین ترجیح ہے۔۔کمشنر لاہور

انسداد پولیو مہم کا آج تیسرا دن ہے۔ریلوے بس اسٹیشنز پر ٹیمیں تعینات ہیں۔کمشنر لاہور زید بن مقصود

=================

ہینڈ آؤٹ نمبر 102
پاکستان کا پہلا سرکاری نوازشریف کینسر ہسپتال لاہور میں زیر تکمیل ہے، ہر مریض کا مفت علاج ہوگا:مریم نوازشریف
کینسر سے بچاؤ کیلئے ہر سطح پر ہر فرد کو اپنا کردارادا کرنا ہوگا، عام آدمی کیلئے کینسر کا مہنگے علاج کے اخراجات ادا کرنا مشکل ہے، ریاست اپنا کردار نبھائے گی
کینسر کے باعث اپنی ماں کو کھونے کاغم کبھی نہیں بھول سکتی، چاہتی ہوں عوام کو ہر ضلع میں کینسر کے مفت علاج کی سہولت میسر ہوں
کینسر کی تشخیص اور علاج کے بارے میں عوامی شعور و آگاہی اشد ضروری ہے، وزیراعلیٰ مریم نوازکاکینسر سے بچاؤکے عالمی دن پر پیغام
لاہور04 -جنوری:…… وزیراعلیٰ پنجاب مریم نوازشریف نے کہا ہے کہ کینسر کے علاج کے لئے پاکستان کا پہلا سرکاری ہسپتال لاہور میں زیر تکمیل ہے۔ نوازشریف کینسر ہسپتال میں ہر سٹیج کے ہر مریض کو مفت علاج کی سہولت فراہم کریں گے۔ وزیراعلیٰ مریم نوازشریف نے کینسر سے بچاؤکے عالمی دن پر اپنے پیغام میں کہا کہ کینسر کی تشخیص اور علاج کے بارے میں عوامی شعور و آگاہی اشد ضروری ہے۔پاکستان میں کینسر کے باعث ہونے والی شرح اموات تشویشناک ہے۔ کینسر قابل علاج مرض ہے اور مناسب احتیاط سے بچاؤ بھی ممکن ہے۔ وزیراعلیٰ مریم نوازشریف نے کہا کہ کینسر سے بچاؤ کے لئے ہر سطح پر ہر فرد کو اپنا کردارادا کرنا ہوگا۔ کینسر کے باعث اپنی ماں کو کھونے کاغم کبھی نہیں بھول سکتی۔ عام آدمی کے لئے کینسر کا مہنگے علاج کے اخراجات ادا کرنا مشکل ہے، ریاست اپنا کردار نبھائے گی۔ وزیراعلیٰ مریم نوازشریف نے کہا کہ منشیات اور سگریٹ سے پرہیز کرکے کینسر سے بچاؤ ممکن ہے۔وزیراعلیٰ مریم نوازشریف نے کہا کہ چاہتی ہوں عوام کو ہر ضلع میں کینسر کے مفت علاج کی سہولت میسر ہوں۔فضائی اور آبی آلودگی بھی کینسر کا سبب بن سکتی ہے،عوامی شعور بیدار کرنا ہوگا۔
٭٭٭٭
==================

وزیراعلیٰ پنجاب مریم نوازشریف کا کینسر سے بچاؤکے عالمی دن پر پیغام
کینسر کی تشخیص اور علاج کے بارے میں عوامی شعور و آگاہی اشد ضروری ہے۔ مریم نوازشریف
پاکستان میں کینسر کے باعث ہونے والی شرح اموات تشویشناک ہے۔ مریم نوازشریف
کینسر قابل علاج مرض ہے اور مناسب احتیاط سے بچاؤ بھی ممکن ہے۔ مریم نوازشریف
کینسر سے بچاؤ کے لئے ہر سطح پر ہر فرد کو اپنا کردارادا کرنا ہوگا۔ مریم نوازشریف
کینسر کے باعث اپنی ماں کو کھونے کاغم کبھی نہیں بھول سکتی۔ مریم نوازشریف
کینسر کے علاج کے لئے پاکستان کاپہلا سرکاری ہسپتال لاہور میں زیر تکمیل ہے۔ مریم نوازشریف
نوازشریف کینسر ہسپتال میں ہرسٹیج کے ہر مریض کو مفت علاج کی سہولت فراہم کریں گے۔ مریم نوازشریف
عام آدمی کے لئے کینسر کا مہنگے علاج کے اخراجات ادا کرنا مشکل ہے، ریاست اپنا کردار نبھائے گی۔ مریم نوازشریف
منشیات اور سگریٹ سے پرہیز کرکے کینسر سے بچاؤ ممکن ہے۔ مریم نوازشریف
چاہتی ہوں عوام کو ہر ضلع میں کینسر کے مفت علاج کی سہولت میسر ہوں۔ مریم نوازشریف
فضائی اور آبی آلودگی بھی کینسر کا سبب بن سکتی ہے،عوامی شعور بیدار کرنا ہوگا۔ مریم نوازشریف
قصور
محکمہ تعلقات عامہ حکومت پنجاب
٭٭٭٭٭
ڈپٹی کمشنر کیپٹن (ر) اورنگزیب حیدر خان نے بچوں کو قطرے پلا کر پانچ روزہ انسداد قومی پولیو مہم کا افتتاح کر دیا
والدین بچوں کو عمر بھر کی معذوری سے بچانے کیلئے پولیو کے دو قطرے لازمی پلوائیں اور ٹیموں کیساتھ تعاون کریں‘ڈپٹی کمشنر
قصور(03فروری 2025ء)ڈپٹی کمشنر قصورکیپٹن (ر) اورنگزیب حیدر خان نے بابا بلھے شاہ ڈسٹرکٹ ہسپتال میں بچوں کو قطرے پلا کر پانچ روزہ انسداد قومی پولیو مہم کا افتتاح کر دیا۔ اس موقع پر چیف ایگزیکٹو آفیسر ہیلتھ اتھارٹی غلام مصطفی سحر، ڈی ایچ او ڈاکٹر ولید بریار، ایم ایس بابا بلھے شاہ ہسپتال ڈاکٹر راجہ زبیر عباس، اے ایم ایس ڈاکٹر فیاض احمد اور محکمہ ہیلتھ کے دیگر افسران بھی موجود تھے۔ ڈپٹی کمشنر کیپٹن (ر) اورنگزیب حیدر خان نے اس موقع پر بتایا کہ ضلع میں قومی انسداد پولیو مہم 3تا 7فروری 2025تک جاری رہے گی۔مہم کے دوران ضلع بھر میں پانچ سال سے کم عمر 7لاکھ 66ہزار393بچوں کو پولیو کے قطرے پلائے جائینگے۔ ضلع میں مجموعی طور پر 2990ٹیمیں تشکیل دی گئی ہیں جن میں 2785موبائل ٹیمیز،131فیکسڈ ٹیمیں اور 74ٹرانزٹ ٹیمیں بچوں کو پولیو کے قطرے پلا رہی ہیں۔مہم کی کامیابی کیلئے126یو سی ایم اوز‘577ایریا انچارجز تعینات کئے گئے ہیں۔ڈپٹی کمشنر کیپٹن (ر) اورنگزیب حیدر خان کا مزید کہنا تھا کہ والدین اپنے بچوں کو عمر بھر کی معذوری سے بچانے کیلئے پولیو کے دو قطرے لازمی پلوائیں اور ٹیموں کیساتھ تعاون کریں۔ پولیو کے خاتمے کے لیے معاشرے کے تمام طبقات کو اپنا کردار ادا کرنا ہوگا۔ مہم کے 100 فیصد نتائج حاصل کرنے کیلئے تمام موجودہ وسائل کو بروئے کار لایا جائیگا۔ بعدازاں ڈپٹی کمشنر نے بابا بلھے شاہ ہسپتال کی ایمرجنسی وارڈ کا دورہ کر کے مریضوں کو دی جانیوالی طبی سہولیات، صفائی ستھرائی اور ڈاکٹرز و پیرا میڈیکل سٹاف کی حاضری کو چیک کیا۔ ڈپٹی کمشنر نے مریضوں کی عیادت کی اور فراہم کردہ طبی سہولیات بارے دریافت کیا۔ علاوہ ازیں اسسٹنٹ کمشنرز چونیاں، پتوکی اور کوٹ رادھاکشن نے بھی اپنی اپنی تحصیلوں میں بچوں کو قطرے پلاکر پولیو مہم کا افتتاح کیا۔
٭٭٭٭٭

ہینڈ آوٹ نمبر64

ننکانہ صاحب:( )03 فروری 2025۔۔۔۔۔۔ضلع ننکانہ صاحب میں پولیو کا مہم کا باقاعدہ طور پر آغاز کر دیا گیا ہے۔ڈپٹی کمشنر محمد تسلیم اختر راو نے ڈسٹرکٹ ہیڈ کوارٹر ہسپتال میں بچوں کو پولیو کے قطرے پلا کر پولیو مہم کا آغاز کیا۔اس موقع پر سی او ہیلتھ ڈاکٹر محمد طلحہ شیروانی، ڈسٹرکٹ ہیلتھ آفیسر ڈاکٹر کامران واجد سمیت دیگر افسران نے بھی بچوں کو پولیو اور وٹامن اے کے قطرے پلائے۔پولیو مہم کی افتتاحی تقریب کے موقع پر ڈپٹی کمشنر ننکانہ صاحب محمد تسلیم اختر راو نے میڈیا نمائندگان سے گفتگو کرتے ہوئے کہا کہ خصوصی انسداد پولیو مہم 3 فروری تا 7 فروری جاری رہے گی ، پانچ روزہ پولیو مہم میں پانچ سال سے کم عمر کے بچوں کو پولیو کے قطرے پلائے جا رہے ہیں۔ڈی سی ننکانہ نے بتایا کہ پولیو مہم کے دوران 02 لاکھ 88 ہزار سے زائد بچوں کو پولیو کے قطرے پلائے جانے کا ہدف ہے ، انتظامی افسران پولیو ورکرز کی فیلڈ میں سخت مانیٹرنگ جاری رکھے ہوئے ہیں تاکہ کوئی بچہ پولیو کے قطرے پیئے بغیر نہ رہے۔انہوں نے کہا کہ مانیٹرنگ کا مقصد ننکانہ کو پولیو سے پاک کرنا ہے۔پولیو ٹیمیں قومی فریضہ سمجھتے ہوئے اپنی ڈیوٹی احسن انداز میں نبھائیں اور والدین بھی پولیو ٹیموں کے ساتھ تعاون کریں اور اپنے پانچ سال سے کم عمر کے بچوں کو پولیو کے قطرے لازمی پلائیں۔ڈی سی ننکانہ نے کہا کہ پولیو کے دو قطرے آپ کے بچوں کی صحت کے ضامن ہیں۔بعد ازاں ڈپٹی کمشنر ننکانہ صاحب محمد تسلیم اختر راو نے سی او ہیلتھ و دیگر افسران کے ہمراہ ضلع کے مختلف ٹرانزٹ پوائنٹس کا دورہ کیا۔انہوں نے پولیو ورکرز کی کارکردگی کا جائزہ لینے کے لیے ڈور ٹو ڈور جا کر بچوں کے ہاتھوں پر نشانات اور گھرانہ نمبرز کو بھی چیک کیا۔

ہینڈ آؤٹ نمبر: 10646

شیخوپوره: 03 فروری 2025

ضلع بھر میں انسداد پولیو مہم کا افتتاح کر دیا گیا۔

ڈپٹی کمشنر شاہد عمران مارتھ نے مدر اینڈ چلڈرن کمپلیکس میں بچوں کو پولیو کے قطرے پلا کر مہم کا افتتاح کیا۔

پولیو مہم کے افتتاح کے بعد پولیو ویکسی نیشن کی اہمیت کو اجاگر کرنے کے لیے واک کا بھی اہتمام کیا گیا۔

اے ڈی سی فنانس میاں نذیر احمد ، سی ای او ہیلتھ اتھارٹی ڈاکٹر صدیق بلوچ ، ایم ایس ڈی ایچ کیو ہسپتال سمیت دیگر ضلعی افسران اس موقع پر موجود ۔

ضلع بھر میں انسداد پولیو مہم 3 تا 7 فروری تک جاری رہے گی۔ ڈپٹی کمشنر شاہد عمران مارتھ

پولیو کے خاتمے کے لیے مخلصانہ کاوشیں کرنا ہماری ترجیح ہے۔ ڈپٹی کمشنر

والدین ، اساتذہ اور علمائے کرام پولیو کے خاتمے کے لیے حکومتی کوششوں کا حصہ بنیں۔ ڈپٹی کمشنر شاہد عمران مارتھ

انسداد پولیو مہم کے دوران 5 سال کی عمر کے بچوں کو پولیو ٹیمیں گھر گھر جا کر قطرے پلائیں گی ۔ ڈپٹی کمشنر شیخوپوره

پولیو مہم کے دوران 7 لاکھ 58 ہزار 490 بچوں کو پولیو کے قطرے پلاۓ جائیں گے۔ ڈپٹی کمشنر شیخوپوره

پولیو مہم کے دوران فیلڈ میں گھر گھر قطرے پلانے کے لیے 2 ہزار 929 موبائل ٹیمز فرائض سر انجام دیں گی۔ ڈی سی شاہد عمران مارتھ

بس اسٹینڈز ، ریلوے اسٹیشنز، مین بازاروں اور بچوں کی زیادہ آمد و رفت کے مختلف پوائنٹس پر پولیو ویکسینیشن کے لیے 55 ٹرانزٹ کیمپس قائم کیے گے ہیں ۔ ڈپٹی کمشنر

ضلع بھر میں قائم 115 مراکز صحت پر بھی پولیو ویکسی نیشن کی سہولت میسر ہو گی۔ ڈپٹی کمشنر

پولیو مہم کے دوران قطرے پلانے کیلے مجموعی طور پر 3 ہزار 99 ٹیمز فرائض کو سر انجام دیں گی۔ ڈپٹی کمشنر

والدین سے اپیل ہے کہ انسداد پولیو مہم کے دوران انتظامیہ کے ساتھ تعاون کریں۔ ڈپٹی کمشنر شاہد عمران مارتھ

۔۔۔۔۔۔۔۔۔۔۔۔۔۔۔

خبرنامہ نمبر899/2025
کوئٹہ 05 فروری۔ضلعی انتظامیہ کی زیر نگرانی کوئٹہ کے مختلف علاقوں میں پولیو کمپین کے دوران ان والدین جو اپنے بچوں کو پولیو کے قطرے پلانے سے انکاری ہے (رفیوزل)کے کوائف جمع کئے جارہے ہے۔ اس وقت تک کوئٹہ کے تمام سب ڈویژن میں ٹوٹل 90 رفیوزلز پائے گئے ہیں۔ ضلعی انتظامیہ کی مختلف ٹیموں نے پولیو کمپین کے تیسرے روز جاری مہم کے دوران تمام سب دویژن میں ٹوٹل 58 رفیوزلز کی نشاندہی کی۔ بعد ازاں تمام سب ڈویژن کے اسسٹنٹ کمشنرز اور مجسٹریٹس نے پولیو کی ٹیموں کے ہمراہ رفیوزلز کے گھروں میں جاکر انہیں آمادہ کر کے بچوں کو پولیو کے قطرے پلا ئے۔اس سلسلے میں اسسٹنٹ کمشنر سریاب ماریہ شمعون نے سب ڈویژن سریاب میں 18 رفیوزلز، اسسٹنٹ کمشنر(سٹی) کیپٹن(ر) عبداللہ بن عارف نے سب ڈویژن سٹی میں 7 رفیوزلز کے بچوں کو قطرے پلائے جبکہ اس دوران 3 افراد کو گرفتار کرکے جیل بجھوا دیا گیا۔اسپیشل مجسٹریٹ حسیب سردار نے سب ڈویژن صدر میں 21 رفیوزلز بچوں کو قطرے پلائے جبکہاسپیشل مجسٹریٹ سٹی احسام الدین کاکڑ نے 14 رفیوزل بچوں کو کور کرکے 2 افراد کو گرفتار کرلیا۔ڈپٹی کمشنر کوئٹہ نے تمام ٹیموں کو سختی سے ہدایات جاری کیں کہ روزانہ کی بنیاد پر تمام رفیوزلز کو کور کر کے رپورٹ پیش کریں۔ضلعی انتظامیہ کی تمام ٹیمیں 7 روزہ قومی انسداد پولیو کمپین کے دوران پولیو ٹیموں کے ہمراہ رفیوزل بچوں کی کوریج کریگی۔ تمام رفیوزل بچوں کے والدین سے بات چیت کرکے پولیو کے قطرے پلانے پر قائل کریں گی جبکہ سخت انکار کرنے پر ان افراد کو گرفتار کرئیگی۔

خبرنامہ نمبر894/2025
اوستامحمد5 فروری:ڈپٹی کمشنر استامحمد ارشد حسین جمالی نے آج پولیو مہم کے تیسرے روز مختلف ایریاز میں کام کرنے والی ٹیموں کا جائزہ لیا انہوں نے پولیو کے قطرے پلانے کے متعلق تفصیلی معلومات حاصل کی اور ان کے ریکارڈ کا باریک بینی کے ساتھ مشاہدہ کیا پولیو ورکرز کو ہدایت دیتے ہوئے ڈپٹی کمشنر نے کہاکہ آپ پر لوگوں کے بچوں کو پولیو سے محفوظ رکھنے کیلئے بھاری ذمہ داری عائد کی گئی ہے۔ آپ ان ذمہ داری کو یقینی بنانے کیلئے اپنی کاوشیں بروئے کار لائیں تاکہ ہم پولیو سے پاک معاشرہ قائم کرنے میں کامیاب ہو سکیں آپ کی تھوڑی سی لاپرواہی کی وجہ سے ہم سب کی نئی نسل پولیو جیسی خطرناک موزی مرض سے متاثر ہو سکتی ہے اس لئے آپ اپنے فرائض کی ادائیگی میں کسی بھی قسم کی کوتاہی ہرگز نہ کریں بلکہ خلوص دل سے اپنے فرائض منصبی سرانجام دیں اس موقع پر انہوں نے والدین پر بھی زور دیا کہ وہ گھر گھر آنے والی پولیو ٹیموں سے اپنے تعاون کو یقینی بنائیں کیونکہ وہ آپ ہی کے بچوں کو عمر بھر کی معذوری سے بچانے کیلئے آپ کے گھر آتی ہیں آپ سنجیدگی کا مظاہرہ کرتے ہوئے اپنے بچوں کو پولیو کے قطرے پلا کر ایک محب وطن شہری ہونے کا ثبوت دیں۔

خبرنامہ نمبر886/2025
صحبت پور05 فروری:ڈپٹی کمشنر صحبت پور میڈم فریدہ ترین نے کہا کہ پولیو کے خلاف جہاد کے طور پر کام کرنے کی اشد ضرورت ہے کیونکہ ضلع صحبت پور کی سرحدیں سندھ اور پنجاب کی سرحدوں سے ملتی ہیں اس لیے یہاں پہ خصوصی توجہ کی ضرورت ہے تمام مانیٹرنگ کرنے والے افسران کو چاہیے وہ ٹیموں کی کارگردگی پر گہری نظر رکھیں اور پولیو مہم کے دوران کام کرنے والی ٹیموں پر خصوصی توجہ مبذول کریں اور تشکیل کردہ ٹیموں کو چاہیے کہ اپنے فرائض منصبی خوش اصلوبی کے ساتھ ادا کریں تاکہ ہم پولیو کے خلاف شروع کی گئی مہم کو کامیابی سے ہمکنار کر سکیں ان خیالات کا اظہار انہوں نے پولیو مہم کے دوران مختلف ایریاز میں دورے کے موقع پر پولیو ورکرز سے بات چیت کرتے ہوئے کیا ڈپٹی کمشنر فریدہ ترین نے کہا کے پولیو وباء کے خاتمے کے لیے پولیو ورکرز اہم کردار ادا کرتے ہیں اس لیے انہیں چاہیے اپنے فرائض منصبی کی انجام دہی میں سستی کا مظاہرہ ہرگز نہ کریں بلکہ خلوص دل سے اپنے فرائض کی ادائیگی کریں تاکہ ہم اس وباء کو اپنے ضلع اور صوبے سے ختم کرنے میں کامیاب ہو سکے۔

خبرنامہ نمبر875/2025
کوئٹہ 05 فروری۔ڈپٹی کمشنر کوئٹہ لیفٹیننٹ(ر) سعد بن اسد کی زیر صدارت ضلع کوئٹہ میں جاری انسداد پولیو مہم کا ایوننگ پولیو (ریویو)اجلاس منعقد ہوا۔اجلاس میں اسسٹنٹ کمشنر(صدر) کیپٹن(ر) حمزہ انجم، ڈی ایچ او کوئٹہ ڈاکٹر ایمل مندوخیل، ایریا کوآرڈینیٹر ڈبلیو ایچ او ڈاکٹر صفدر، نمائندہ یونیسف سمیت لائن ڈیپارٹمنٹس کر مانیٹرنگ آفیسران اور یوسی ایم اوز نے شرکت۔ اجلاس میں دوسرے دن کی کارکردگی،کوریج,ریفیوزل اور سیکیورٹی کے حوالے سے تفصیلی جائزہ لیا گیا۔ ڈپٹی کمشنر نے ہدایات دیتے ہوئے کہا کہ پولیو مائیکرو پلان کے تمام انڈیکیٹرز پر عمل درآمد یقینی بنائیں مس چلڈرن اور ریفوزل کو بروقت کور کریں اجلاس میں کوئٹہ کے تمام یونین کونسلز کے کوریج کا بارے میں تفصیلی بریفنگ دی گئی۔ ڈپٹی کمشنر کوئٹہ نے کوئٹہ کے مختلف علاقوں میں پولیو سے سخت انکاری لوگوں کے خلاف کاروائیاں کرنے کے احکامات جاری کردیے۔ڈپٹی کمشنر کوئٹہ نے کہا کہ جو بھی انکاری ہوگا اسکو گرفتار کرکے جیل بھیج دیں۔اجلاس میں سکیورٹی پلان کے حوالے سے اطمینان کا اظہار کیا گیا۔ کوئٹہ میں کوئی سکیورٹی مسلہ نہیں پایا گیا۔ ڈپٹی کمشنر نے بہترین ڈیوٹی سرانجام دینے پر سکیورٹی اہلکاروں کو سراہا۔اجلاس کے آخر میں ڈپٹی کمشنر نے عوام سے اپیل کرتے ہوئے کہا کہ انسداد پولیو مہم کے دوران اپنے بچوں کو پولیو سے بچاو کے قطرے ضرور پلائیں تاکہ آپ کے بچے عمر بھر کی معذوری سے بچ سکیں۔

خبرنامہ نمبر862/2025
لسبیلہ، 05 فروری:ڈپٹی کمشنر لسبیلہ حمیرا بلوچ نے اپنی بیٹی زر ماہ بلوچ کو پولیو سے بچاؤ کے قطرے پلا کر عوام کو واضح پیغام دیا ہے کہ پولیو کے خلاف جنگ میں والدین کو اپنا کردار ادا کرنا ہوگا ضلع لسبیلہ میں پولیو مہم کا افتتاح کرتے ہوئے ڈپٹی کمشنر لسبیلہ نے کہا کہ پولیو ایک خطرناک مرض ہے، جو ہمارے بچوں کے مستقبل کو معذوری کے اندھیروں میں دھکیل سکتا ہے۔ اس سے بچنے کا واحد اور مؤثر طریقہ پولیو ویکسین کے دو قطرے ہیں۔ میں نے اپنی بیٹی زر ماہ بلوچ کو یہ قطرے پلا کر ایک ماں کی حیثیت سے اپنا فرض ادا کیا ہے اور میں تمام والدین سے اپیل کرتی ہوں کہ وہ بھی اس مہم میں بڑھ چڑھ کر حصہ لیں ہمارا قومی فرض ہے کہ ہم اپنے بچوں کو صحت مند مستقبل دیں اور پولیو جیسے موذی مرض کا ہمیشہ کے لیے خاتمہ کریں پولیو این آئی ڈی مہم 5 فروری تک جاری رہے گی، اور والدین کو چاہیے کہ وہ اپنے بچوں کو یہ قطرے لازمی پلوائیں تاکہ ہمارا معاشرہ ایک صحت مند نسل کی بنیاد رکھ سکے۔

لسبیلہ، 05 فروری
ڈپٹی کمشنر لسبیلہ حمیرا بلوچ نے اپنی بیٹی زر ماہ بلوچ کو پولیو سے بچاؤ کے قطرے پلا کر عوام کو واضح پیغام دیا ہے کہ پولیو کے خلاف جنگ میں والدین کو اپنا کردار ادا کرنا ہوگا ضلع لسبیلہ میں پولیو مہم کا افتتاح کرتے ہوئے ڈپٹی کمشنر لسبیلہ نے کہا کہ پولیو ایک خطرناک مرض ہے، جو ہمارے بچوں کے مستقبل کو معذوری کے اندھیروں میں دھکیل سکتا ہے۔ اس سے بچنے کا واحد اور مؤثر طریقہ پولیو ویکسین کے دو قطرے ہیں۔ میں نے اپنی بیٹی زر ماہ بلوچ کو یہ قطرے پلا کر ایک ماں کی حیثیت سے اپنا فرض ادا کیا ہے اور میں تمام والدین سے اپیل کرتی ہوں کہ وہ بھی اس مہم میں بڑھ چڑھ کر حصہ لیں ہمارا قومی فرض ہے کہ ہم اپنے بچوں کو صحت مند مستقبل دیں اور پولیو جیسے موذی مرض کا ہمیشہ کے لیے خاتمہ کریں پولیو این آئی ڈی مہم 5 فروری تک جاری رہے گی، اور والدین کو چاہیے کہ وہ اپنے4 بچوں کو یہ قطرے لازمی پلوائیں تاکہ ہمارا معاشرہ ایک صحت مند نسل کی بنیاد رکھ سکے۔

صوبائی وزیر صحت خواجہ سلمان رفیق نے گورنمنٹ مزنگ ٹیچنگ ہسپتال لاہور میں 2025 کی پہلی سات روزہ قومی انسدادِ پولیو مہم کا افتتاح کیا۔اس موقع پر وزیر اعلیٰ پنجاب کی فوکل پرسن برائے انسدادِ پولیو عظمی کاردار، سیکرٹری محکمہ پرائمری اینڈ سیکنڈری ہیلتھ کیئر نادیہ ثاقب، ایم ایس مزنگ ٹیچنگ ہسپتال ڈاکٹر مصباح لیاقت اور پولیو ورکرز نے شرکت کی۔صوبائی وزیر صحت خواجہ سلمان رفیق، عظمی کاردار اور سیکرٹری صحت نادیہ ثاقب نے معصوم بچوں کو پولیو کے حفاظتی قطرے پلائے۔
صوبائی وزیر صحت خواجہ سلمان رفیق نے انسدادِ پولیو مہم کی منعقدہ تقریب کے شرکاءسے اپنے خطاب میں کہاکہ انسداد پولیو مہم کے دوران ٹیمیں گھر گھر قطرے پلانے جائیں گی۔ پولیو ٹیموں کو ہر گھر پر دستک دینے کی تلقین کی گئی ہے۔ مہمان، نومولود بیمار بچوں کو بھی پولیو سے بچاو کے قطرے پلائے جائیں گے۔خواجہ سلمان رفیق نے کہاکہ مہم میں 2 کروڑ 33 لاکھ بچوں کو قطرے پلائے جائیں گے۔ مہم کے دوران 2 لاکھ سے زیادہ پولیو ورکرز ڈیوٹی انجام دیں گے۔ مہم کے دوران ترجیحی آبادیوں پر خصوصی توجہ دی جائے گی۔ وزیرصحت پنجاب نے کہاکہ مہم کا انعقاد پنجاب کے تمام اضلاع میں کیا جا رہا ہے۔ انسداد پولیو مہم کے دوران گزرگاہوں پر بھی قطرے پلائے جائیں گے۔ مہم وائرس کے پھیلاو ¿ کو روکنے میں مدد گار ثابت ہو گی۔ خواجہ سلمان رفیق نے کہاکہ پولیو کا خاتمہ حکومت اور محکمہ صحت کی اولین ترجیح ہے۔
صوبائی سیکرٹری محکمہ پرائمری اینڈ سیکنڈری ہیلتھ کیئر نادیہ ثاقب نے کہاکہ انسدادِ پولیو مہم کے دوران تمام بچوں کو کور کرنے کی کوشش کریں گے۔ عظمیٰ کاردار نے کہاکہ پولیو مہم کی مانیٹرنگ کے لئے ٹیمیں تشکیل دی گئی ہیں۔والدین پولیو ٹیموں سے بھرپور تعاون کریں۔

ضلع خیبر میں دہشتگردوں نے انسداد پولیو مہم میں حصہ لینے والی ٹیم پر فائرنگ کی جس کے نتیجے میں ایک پولیس اہلکار عبدالخالق شہید ہو گئے۔

ڈسٹرکٹ پولیس آفیسر رائے مظہر اقبال کے مطابق آج سے ضلع بھر میں 7 روزہ انسداد پولیو مہم کا آغاز کر دیا گیا ہے۔

ڈی پی او کے مطابق تھانہ حدود جمرود کے علاقے بکر آباد میں گھات لگائے دہشتگردوں نے انسداد پولیو مہم میں حصہ لینے والے ٹیم پر غوندی کے قریب اچانک فائرنگ کھول دی جس کے نتیجے میں پولیو ٹیم کو سیکورٹی فراہم کرنے والے پولیس اہلکار عبدالخالق موقع پر شہید ہوگئے۔

پولیس حکام کے مطابق فائرنگ کے باعث انسداد پولیو ٹیم میں حصہ لینے والا دیگر عملہ معجزانہ طور پر محفوظ رہا جبکہ موٹر سائیکل سوار حملہ آور فرار ہو گئے، جائے وقوعہ سے 30 بور کے دو خول ملے ہیں۔

ڈی پی او کے مطابق واقعے کی اطلاع ملتے ہی پولیس کی بھاری نفری جائے وقوعہ پہنچ گئی اور دہشتگردوں کی گرفتاری کے لیے مختلف مقامات پر ناکہ بندیاں کر دیں۔

محکمہ صحت کام نے نام ظاہر نہ کرنے کی شرط پر بتایا کہ علاقے بکر آباد سے انسداد پولیو ٹیم کو واپس بلاکر انسداد پولیو مہم کو مؤخر کر دیا ہے۔

واضح رہے کہ ملک بھر کی طرح ضلع خیبر میں بھی آج سے 7 روزہ انسداد پولیو مہم کا آغاز کر دیا گیا ہے جس میں پولیو کے 945 ٹیمیں حصہ لے رہی ہے جو کہ 2 لاکھ 8 ہزار بچوں کو قطرے پلانے کا ہدف مقرر کیا گیا ہے۔
https://urdu.geo.tv/latest/394810-
====================================

خبرنامہ نمبر 801/2025
چمن 3فروری: ڈی سی چمن حبیب احمد بنگلزئی کی زیر صدارت ساتھ روزہ انسداد پولیو مہم کے پہلے روز پولیو افسران کے ساتھ ایوننگ ریویو اجلاس کا انعقاد کیا گیا۔اس دوران پولیو افسران نے انسداد پولیو مہم کے پہلے روز کے حوالے سے ڈی سی چمن کو تفصیلی معلومات فراہم کیے اجلاس میں ضلع چمن کے تقریباً تمام پولیو ٹیموں کے متعلقہ افسران و نمائندوں اور انتظامیہ کے افسران شریک تھے۔ڈی سی چمن نے اجلاس سے خطاب کرتے ہوئے

کہا کہ 5 سال تک کے تمام بچوں کو پولیو ویکسین ہر حال میں پلائی جائیں انہوں نے کہا کہ حالیہ ساتھ روزہ انسداد پولیو مہم کے دوران چمن کے تمام علاقوں میں چپے چپے تک پولیو ویکسین پانچ سال کی بچوں کو عمر بھر کی معذوری سے بچانے کے لیے ضرور پلائی جائیں اور اس حوالے سے غفلت لاپرواہی اور سستی کا مظاہرہ کرنے والوں افسران اور اہلکاروں کیخلاف سخت کارروائی عمل میں لائی جائے گی کیونکہ ہم اپنے آئندہ نسل کو لاچارگی کسمپرسی اور معذوری کا شکار ہوتے

ہوئے نہیں دیکھ سکتے انہوں نے کہا کہ ساتھ روزہ انسداد پولیو مہم کے دوران تمام مکتبہ فکر، علماء کرام اور اساتذہ پولیو ٹیموں کے ساتھ تعاون کریں اور پانچ سال تک کی بچوں کو پولیو ویکسین پلائیں۔

خبرنامہ نمبر 802/2025
چمن 3فروری:ڈی سی چمن حبیب احمد بنگلزئی کی زیر صدارت انکی آفس میں اے ڈی سی چمن فدا بلوچ، ڈی ایچ او، ایم ایس چمن ہسپتال، میڈیکل اسپیشلسٹ اور نادرا ٹیکنیکل ممبر کے کمیٹی میں ایم بی بی ایس اور بی ڈی ایس کے ٹیسٹ پاس کرنے والے سٹوڈنٹس سے انٹرویو لیا گیا اور انکی اسناد اور دیگر تمام ضروری کاغذات چیک کی گئیں اجلاس میں تمام ٹیسٹ پاس کرنے والے سٹوڈنٹس کی تمام کاغذات اور دیگر ضروری کوائف کا ایک ایک کرکے تفصیلی جائزہ لیا گیا۔ڈی سی چمن نے کہا کہ رپورٹ کی مکمل تیاری کے بعد کمیٹی متعلقہ ڈیپارٹمنٹ کو رپورٹ ارسال کری گی۔

خبرنامہ نمبر 803/2025
چمن 3فروری:ڈی سی چمن حبیب احمد بنگلزئی نے ساتھ روزہ انسداد پولیو مہم کا باقاعدہ آغاز ڈی ایچ کیو ہسپتال میں بچے کو پولیو قطرے کے پلانے سے کیا۔اس دوران ڈپٹی ڈی ایچ او ڈاکٹر رشید خان اچکزئی، ڈاکثر اسدصافی، ڈاکٹر محمد اختر اور کمیونیکشن آفیسر اشرف خان بھی موجود تھے۔ڈی سی چمن نے ساتھ روزہ انسداد پولیو مہم کا آغاز بچوں کو پولیو سے بچاؤ کے حفاظتی قطرے پلاکر کیا۔اس موقع پر ڈی سی چمن نے پولیو ٹیموں کو ہدایات جاری کرتے ہوئے کہا کہ چمن سے پولیو کا مکمل خاتمہ تب ممکن ہے جب پولیو ٹیموں کے تمام سٹاف مہم کے دوران پانچ سال تک کی بچوں کو ہر حال میں پولیو کے قطرے پلائیں انہوں نے کہا کہ اس حوالیسے اگر پولیو ٹیموں کی کسی ممبر نے غفلت اور لاپرواہی کا مظاہرہ کیا تو اس کیخلاف سخت کارروائی عمل میں لائی جائے گی ڈی سی چمن نے قبائلی عمائدین علماء کرام مشران پڑھے لکھے اور تمام ذیشعور لوگوں سے درخواست کرتے ہوئے کہا کہ وہ پولیو مہم کے دوران پولیو ٹیموں کے ساتھ مکمل تعاون کریں اور پولیو وائرس کی خاتمے میں اپنا بھرپور کردار ادا کریں مزید برآں ایڈی سی چمن فدا بلوچ اور اے سی چمن امتیاز علی بلوچ نے انسداد پولیو مہم کے دوران مختلف علاقوں میں پولیو ٹیموں کی سیکورٹی اور کارکردگی کا تفصیلی جائزہ لیا اس دوران اے ڈی سی چمن اور اے سی چمن نے مختلف علاقوں میں علیحدہ علیحدہ بچوں کے فنگر پرنٹس چیک کیں اور گھروں پر پولیو مارکنگ کو بھی دیکھ لیا انہوں نے وہاں پر موجود لوگوں کو پولیو ویکسین کی افادیت اور فائدوں کے حوالے سے تفصیلی معلومات فراہم کیں انہوں نے لیویز افسران و اہلکاروں کو ہدایات دیتے ہوئے کہا کہ پولیو ٹیموں کے ساتھ آخر وقت تک موجود رہیں اور انھیں اکیلا نہ چھوڑا جائے اور ڈیوٹی کے دوران الرٹ اور چوکنا رہیں۔

خیبرپختونخوا کے ضلع لکی مروت میں مروت قومی جرگہ نے اداروں کی غیرسنجیدگی کے باعث ضلع بھر میں پولیو مہم کے بائیکاٹ کا اعلان کر دیا ہے۔

جرگہ کا کہنا ہے کہ 9 جنوری سے پاکستان اٹامک انرجی کمیشن کے 10 ملازمین یرغمال ہیں، لیکن 26 دن گزرنے کے باوجود وفاقی اور صوبائی حکومتیں خاموش ہیں۔

حکام کے مطابق پولیو مہم کے بائیکاٹ کی وجہ سے دو لاکھ سے زائد بچوں کے ویکسین سے محروم رہنے کا خدشہ ہے۔

مروت قومی جرگہ کے مطابق، آج کے بائیکاٹ کو مؤثر بنانے کے لیے مختلف کمیٹیاں فعال کر دی گئی ہیں تاکہ مہم مکمل طور پر روکی جا سکے۔

Lakki Marwat

polio campaign

Polio Campaign Boycott

KPK Polio

کوئٹہ: بچوں کو پولیو کے قطرے پلوانے سے انکارکرنے والے 5 والدین کو گرفتار کرلیا گیا، اےسی نے پولیو ٹیم کے ہمراہ دورہ بھی کیا۔

تفصیلات کے مطابق ضلعی انتظامیہ نے بتایا کہ کوئٹہ شہر میں حالیہ انسداد پولیو مہم کے دوران اپنے 5 سال سے کم عمر بچوں کو پولیو کے ڈراپس پلانے سے انکار کرنے والے متعدد والدین کو حراست میں لے لیا گیا ہے۔

سندھ میں پولیو ویکسین پلوانے سے انکار کے 98 فی صد کیسز کراچی سے کیوں؟
انسداد پولیو مہم کے سلسلے میں اےسی ماریہ شمعون نے 2 دن پہلے پولیو ٹیم کے ہمراہ سریاب کےعلاقوں کا دورہ بھی کیا۔

ضلعی انتطامیہ نے بتایا کہ انکاری والدین سے بات کرکے 15 بچوں کو پولیو کی ویکسین پلائی گئی، متعدد بار سمجھانے کے باوجود بھی انکار پر 5 والدین کو گرفتار کرلیا ہے۔

=========================

وزیراعظم نے رواں سال کی پہلی انسداد پولیو مہم کا آغاز کر دیا
February 2, 2025

وزیراعظم شہبازشریف نے بچوں کو قطرے پلا کر رواں سال کی پہلی انسداد پولیو مہم کا آغاز کر دیا ہے۔

تقریب سے خطاب کرتے ہوئے انہوں نے کہا کہ اس مہم میں کروڑوں بچوں کو انسداد پولیو کے قطرے پلائے جائیں گے ،پچھلے سال پاکستان میں پولیو کے 77کیسز سامنے آئے،رواں سال ایک کیس سامنے آ چکا ہے۔

محکمہ ریلویز کو پچھلے مالی سال 88 ارب روپے کی آمدن

ہمیں ہر قیمت پر پاکستان سے پولیو کا خاتمہ کرنا ہے ،افغانستان میں بھی باہمی سپورٹ سے پولیو کا خاتمہ ہو گا،انسداد پولیوکیلئے تعاون پر ڈبلیو ایچ او اور یونیسف سمیت تمام شراکت داروں کے مشکور ہیں۔

مشترکہ کوششوں کی بدولت ہی پولیو کا خاتمہ ممکن ہے،انسداد پولیو کیلئے بل گیٹس فاونڈیشن اور سعودی عرب کی حمایت پر شکرگزار ہیں،انہوں نے والدین سے اپیل کی کہ بچوں کو انسداد پولیو کے قطرے پلا کر اس مرض سے محفوظ رکھیں۔

قبل ازیں وزیراعظم کی فوکل پرسن برائے انسداد پولیوعائشہ رضا فاروق نے خطاب کرتے ہوئے کہا کہ وزیراعظم کی نگرانی میں پولیو کے خاتمے کیلئے کام کر رہےہیں۔

سہ ماہی ایڈجسٹمنٹ:بجلی کی فی یونٹ قیمت میں 2 روپے کمی متوقع

انسداد پولیو کیلئے قومی سطح پر مربوط حکمت عملی کے تحت کام کر رہےہیں ،بچوں کو پولیو سے محفوظ رکھنے کیلئے حکومت پرعزم ہے ۔

وزیراعظم کے معاون خصوصی برائے صحت ڈاکٹرمختار بھرتھ کا اپنے خطاب میں کہنا تھا کہ پاکستان میں گزشتہ سال مختلف حصوں سے پولیو کے کیسز سامنے آئے ،رواں سال پولیو کا ایک کیس سامنے آیا ہے۔

چیمپئنز ٹرافی 2025 کے فزیکل ٹکٹس کی فروخت کا کل سے آغاز

پولیو کیسز میں کمی حکومت کے پولیو فری پاکستان کے عزم کا عکاس ہے ،حکومت ملک سے پولیو کے مکمل خاتمے کیلئے پرعزم ہے۔
===============

ین ای او سی نے کہا کہ متاثرہ بچے میں21دسمبرکوپولیو کی علامات ظاہر ہوئی تھیں۔ سال 2024میں کراچی ایسٹ سے2 پولیو کیس رپورٹ اور سندھ بھر سے 20 پولیو کیس رپورٹ ہوچکے ہیں۔

این ای او سی کے مطابق سال 2024 میں بلوچستان 27، کے پی 21 پولیو کیس رپورٹ ہوئے ہیں۔

خیال رہے گلوبل پولیو ایریڈیکیشن انیشیٹو کی رپورٹ میں بتایا گیا کہ پولیو کیخلاف جنگ میں افغانستان پاکستان سے آگے نکل گیا، جہاں کیسز میں نمایاں کمی دیکھی گئی ہے۔

عالمی رپورٹ کے مطابق دنیا میں صرف افغانستان اور پاکستان میں پولیو کیسز سامنے آرہے ہیں، گزشتہ سال افغانستان میں صرف 25 اور پاکستان میں 68 کیسز رپورٹ ہوئے۔

پاکستان میں کیسز کے تشویشناک حد تک اضافے پر وزیراعظم شہبازشریف نے نوٹس لیا ہے، اور پولیو کے خاتمے کیلئے نئی ٹیم تشکیل دی ہے، تاکہ پولیو وائرس کی روک تھام کی جاسکے۔
===================

وزیراعلیٰ سندھ نے قومی انسداد پولیو مہم کا افتتاح کردیا
1 کروڑ 6 لاکھ بچوں کو پولیو سے بچاؤ کے قطرے پلانے کا ہدف
82ہزار فرنٹ لائن پولیو ورکرز اور 21 ہزار سے زائد سیکیورٹی اہلکار تعینات
گذشتہ سال 73 پولیو کیسز سامنے آئے، 22 سندھ میں رپورٹ ہوئے، وزیراعلیٰ
اس سال کا پہلا کیس ڈی آئی خان میں رپورٹ ہوچکا جو خطرے کی نشانی ہے، مراد علی شاہ
پولیو مہم میں رکاوٹ برداشت نہیں، سخت کارروائی کی جائےگی، وزیراعلیٰ کی وارننگ

کراچی (3 فروری): وزیراعلیٰ سندھ سید مراد علی شاہ نے فروری 2025 کے لیے قومی انسداد پولیو مہم کا آغاز کردیا اور وزیراعلیٰ ہاؤس میں بچوں کو پولیو کے قطرے پلا کر مہم کا باقاعدہ افتتاح کیا۔ اس موقع پر انہوں نے پولیو کے خاتمے اور صوبے بھر میں بچوں کے لیے صحت مند مستقبل کے لیے حکومت کے مضبوط عزم کا اعادہ کیا۔
افتتاحی تقریب پیر کے روز وزیراعلیٰ ہاؤس میں منعقد ہوئی جس میں سیکرٹری صحت ریحان بلوچ، آئی جی پولیس غلام نبی میمن، کمشنر کراچی حسن نقوی، ای او سی کے کوآرڈینیٹر ارشد سوڈھڑ، روٹری کے عزیز میمن اور دیگر افراد نے شرکت کی۔
وزیراعلیٰ سندھ نے زور دیا کہ پولیو کے خاتمے کی مہم صرف صحت کا معاملہ نہیں بلکہ سندھ کے بچوں کی فلاح کے لیے ایک اہم لڑائی ہے۔ انہوں نے کہا کہ ہمارا پختہ عزم ہے کہ سندھ میں کوئی بھی بچہ اس موذی بیماری کا شکار نہ ہو۔ سندھ حکومت اس مشن میں مکمل طور پر سرگرم ہے اور وہ ذاتی طور پر مہم کی نگرانی کریں گے۔
ویکسی نیشن مہم 3 فروری سے 9 فروری تک جاری رہے گی اور اس کا مقصد سندھ بھر میں پانچ سال سے کم عمر کے ایک کروڑ 6 لاکھ سے زائد بچوں کو پولیو سے بچاؤ کے قطرے پلانا ہے۔ وزیراعلیٰ مراد علی شاہ نے ہر بچے کو ویکسین لگانے کی ضرورت پر زور دیا اور کہا کہ پاکستان دنیا کے ان آخری دو ممالک میں شامل ہے جہاں پولیو اب بھی موجود ہے۔
مراد علی شاہ نے کہا کہ سال 2024 میں پاکستان کے 73 پولیو کیسز میں سے 22 سندھ میں رپورٹ ہوئے۔ 2025 کا پہلا کیس خیبر پختونخوا کے ڈیرہ اسماعیل خان میں سامنے آ چکا ہے جو اس بات کی یاد دہانی ہے کہ پولیو وائرس اب بھی ایک سنگین خطرہ ہے۔ ماحولیاتی نگرانی کے دوران سندھ کے کئی علاقوں میں بھی پولیو وائرس کی موجودگی کی تصدیق ہوئی ہے جو مسلسل چوکنا رہنے کی ضرورت کو مزید اجاگر کرتی ہے۔
وزیراعلیٰ نے سندھ کے 82 ہزار فرنٹ لائن پولیو ورکرز کی لگن کو سراہا جو مشکل حالات کے باوجود گھر گھر جا کر بچوں کو اس موذی بیماری سے بچا رہے ہیں۔ انہوں نے کہا کہ یہ ورکرز اس مہم کے حقیقی ہیروز ہیں۔ ان کی حفاظت کو یقینی بنانے کے لیے 21,844 سیکیورٹی اہلکار تعینات کیے گئے ہیں۔ انہوں نے سندھ پولیس کی صحت عامہ کی ٹیموں کو محفوظ بنانے کی کاوشوں پر گہری تعریف کا اظہار بھی کیا۔
پولیو ویکسینیشن مہم میں کسی بھی مزاحمت کے خلاف سخت پیغام دیتے ہوئے مراد علی شاہ نے کہا کہ ہماری پولیو ٹیموں کے خلاف کسی بھی قسم کی دھمکی یا رکاوٹ کو ہرگز برداشت نہیں کیا جائے گا۔ جو بھی اس مہم میں رکاوٹ ڈالنے کی کوشش کرے گا اس کے خلاف سخت قانونی کارروائی کی جائے گی۔ ان کا کہنا تھا کہ یہ ورکرز محض طبی عملہ نہیں بلکہ ہمارے بچوں کے مستقبل کے محافظ ہیں اور وہ ہمارے مکمل احترام اور حمایت کے مستحق ہیں۔
وزیراعلیٰ مراد علی شاہ نے چیف سیکریٹری آصف حیدر شاہ کی جانب سے تیار کردہ نیا کارکردگی اسکور کارڈ بھی متعارف کرایا جو ضلعی سطح پر مہم کی کارکردگی کا جائزہ لینے کے لیے استعمال کیا جائے گا۔ بہترین کارکردگی دکھانے والے اضلاع کو سراہا جائے گا جبکہ ناقص کارکردگی والے علاقوں کی جوابدہی کی جائےگی۔
وزیر اعلیٰ نے مذہبی رہنماؤں، اساتذہ، کمیونٹی کے بزرگوں اور بااثر شخصیات سے بھی اپیل کی کہ وہ اس مہم میں بھرپور شرکت کی ترغیب دیں۔ انہوں نے کہا کہ ہم سب مل کر اپنی اجتماعی کوششوں سے سندھ اور پاکستان کو پولیو سے پاک بنائیں گے۔ یہ تاریخ کا حصہ بننے کا ہمارا موقع ہے اور ہم شہید محترمہ بینظیر بھٹو کے وژن کو پورا کریں گے۔
عبدالرشید چنا
میڈیا کنسلٹنٹ، وزیراعلیٰ سندھ

پاکستان میں گزشتہ 10 برسوں میں کتنے پولیو کیس رپورٹ ہوئے؟
پاکستان میں پہلی بار 21 فٹ لمبے ’مگرمچھوں‘ کی فارمنگ کا آغاز، ویڈیو دیکھیں

دولہے کی انوکھی حرکت پر دلہن والوں نے شادی منسوخ کر دی

غباروں کے درمیان ہزاروں فٹ بلندی پر چہل قدمی کا عالمی ریکارڈ، سسنی خیز ویڈیو

مرغا اور مرغی کی انوکھی شاہانہ شادی، دولہا دلہن کو پارلر سے تیار کرایا!
پولیو کیس
اسلام آباد: وزارت صحت کے ذرائع کا کہنا ہے کہ گزشتہ دس برسوں کے دوران ملک میں 411 پولیو کیس رپورٹ ہوئے ہیں، جس سے ظاہر ہوتا ہے کہ ملک میں چلائی گئی انسدادِ پولیو مہمات کے نتائج خاطر خواہ برآمد نہیں ہوئے۔

ذرائع کا کہنا ہے کہ دس برسوں کے دوران نصف پولیو کیس خیبرپختونخوا سے سامنے آئے ہیں، کے پی سے 207، سندھ سے 92 پولیو کیس، بلوچستان سے 80، پنجاب سے 30، گلگت بلتستان اور اسلام آباد سے ایک ایک پولیو کیس رپورٹ ہوا، جب کہ آزاد کشمیر سے کوئی پولیو کیس رپورٹ نہیں ہوا۔

دس برسوں میں 50.4 فی صد پولیو کیس کے پی، 22.1 سندھ سے رپورٹ ہوئے، 19.7 فی صد پولیو کیس بلوچستان، 4۔7 فی صد پنجاب، گلگت بلتستان اور اسلام آباد سے 0.2 فی صد پولیو کیس رپورٹ ہوئے، دس برسوں میں اسلام آباد سے واحد پولیو کیس رواں برس سامنے آیا ہے۔

ذرائع کے مطابق 2015 میں 54، 2016 میں 20 پولیو کیس رپورٹ ہوئے تھے، 2017 میں 8، 2018 میں 12، 2019 میں 147، 2020 میں 84 پولیو کیس، 2021 میں ایک، 2022 کے دوران 20، اور 2023 کے دوران 6، جب کہ رواں سال 59 پولیو کیس رپورٹ ہو چکے ہیں۔

1994 سے پاکستان میں پولیو کے خاتمے کا پروگرام ملک سے پولیو کے مکمل خاتمے کے لئے مصروفِ عمل ہے۔ اس وقت ملک بھر میں 400,000 پولیو ورکرز پولیو کے خاتمے کے ان اقدامات میں ہراول دستے کا کردار ادا کر رہے ہیں۔ اس پروگرام کو دنیا کے سب سے بڑے نگرانی کے نظام کی خدمات حاصل ہیں۔ اس کے علاوہ اس پروگرام کو معلومات کے حصول اور تجزیے کا معیاری نیٹ ورک، جدید ترین لیبارٹریز، وبائی امراض کے بہترین ماہرین اور پاکستان کے علاوہ دنیا بھر میں پبلک ہیلتھ کے نمایاں ماہرین کی خدمات بھی حاصل ہیں، لیکن اس کے باوجود پاکستان سے تاحال اس کا خاتمہ نہیں کیا جا سکا ہے۔
========================

ملک کے مزید 26 اضلاع میں پولیو وائرس کی تصدیق
ماحولیاتی نمونے 6 سے 15 جنوری کے دوران حاصل کیے گئے
ملک کے مزید 26 اضلاع میں پولیو وائرس کی تصدیق
pakistan polio 2024
تازہ ترین خبروں اور تبصروں کیلئے ہمارا وٹس ایپ چینل جوائن کریں

ملک بھر کے مزید 26 اضلاع کے ماحولیاتی نمونوں میں پولیو وائرس کی تصدیق ہوگئی۔

قومی ادارہ صحت کی رپورٹ کے مطابق 26 اضلاع کے ماحولیاتی نمونوں میں پولیو وائرس پایا گیا ہے اور یہ نمونے 6 جنوری سے 15 جنوری کے دوران حاصل کیے گئے تھے۔

کراچی کے مختلف اضلاع بشمول سینٹرل، ایسٹ، کورنگی، ملیر، ساؤتھ، ویسٹ اور کیماڑی میں پولیو وائرس کی موجودگی کی تصدیق ہوئی ہے جبکہ سندھ کے دیگر اضلاع بدین، گھوٹکی، حیدرآباد، جیکب آباد، قمبر، میرپورخاص، سجاول اور سکھر کے سیوریج میں بھی وائرس پایا گیا۔

خیبرپختونخوا میں ایبٹ آباد، باجوڑ، ڈیرہ اسماعیل خان، لکی مروت اور پشاور کے ماحولیاتی نمونوں میں بھی پولیو وائرس کی تصدیق ہوئی ہے۔

بلوچستان کے اضلاع چمن، لورالائی اور کوئٹہ جبکہ پنجاب کے اضلاع لاہور، ملتان اور راولپنڈی میں بھی پولیو ٹیسٹ مثبت آیا ہے۔

Polio
Health