عوام پاکستان پارٹی کے مرکزی رہنما چوہدری انعام ظفر نے کہا کہ اڑھائی کروڑ سے زائد بچوں کا تعلیم سے محروم ہونا لمحہ فکریہ ہے

27 جنوری 2025

راولپنڈی

عوام پاکستان پارٹی کے مرکزی رہنما چوہدری انعام ظفر نے کہا کہ اڑھائی کروڑ سے زائد بچوں کا تعلیم سے محروم ہونا لمحہ فکریہ ہے۔بچوں کو مفت اور لازمی تعلیم دینا ریاست کی ذمہ داری ہے۔تعلیم ،صحت اور بنیادی وسائل تک عام شہری کی دسترس ہونا ،عوام پاکستان پارٹی کی اولین ترجیحات میں شامل ہے۔

انھوں نے یہ بات ایک اجلاس کے دوران کہی۔اس موقع پر ان کے ہمراہ عوام پاکستان پارٹی میٹروپولیٹن شعبہ خواتین راولپنڈی کی ارگنائزر ثمینہ شعیب، اسلام آباد کی آرگنائزر زنیرا ملک اور میل ونگ میٹروپولیٹن راولپنڈی کے آرگنائزر نزیر احمد کشمیری ان کے ہمراہ موجود تھے۔عوام پاکستان پارٹی کے مرکزی رہنما چوہدری انعام ظفر نے بچوں کی تعلیم و تربیت پر زور دیتے ہوئےکہا کہ بنیادی و اعلی تعلیم کے بنا پاکستان کی ترقی ممکن نہیں۔اڑھائی کروڑ سے زائد بچوں کا تعلیم سے محروم ہونا ثابت کرتا ہے کہ سابقہ ادوار میں تعلیم کو ترجیحات میں شامل نہیں رکھا گیا۔ان کا مزید کہنا تھا کہ تعلیم و صحت تک عام آدمی کی رسائی آسان بنانا ایک مستحکم معاشرہ کی تکمیل ہے۔عوام پاکستان پارٹی چاہتی ہے کہ وہ تعلیم کو عام کرے،زنیرا ملک اور ثمینہ شعیب نے کہا کہ لڑکوں کے ساتھ لڑکیوں کی تعلیم کو ہرگز نظر انداز نہ کیا جائے۔کیوں کہ آج کی اعلی تعلیم یافتہ لڑکی آنے والی نسلوں کی بہترین تعلیم و تربیت کی ضامن ہوگی،پاکستان کی ترقی خواتین اور نوجوانوں کی شمولیت کے بنا ممکن نہیں۔ چوہدری انعام ظفر اور نزیر احمد کشمیری نے کہا کہ 53 فیصد لڑکیوں کا تعلیم سے محروم ہونا پسماندہ سوچ کی عکاسی کرتا ہے۔لہذا لڑکوں کے ساتھ ساتھ لڑکیوں کی تعلیم کو لازمی قرار دینا ہوگا۔عوام پاکستان پارٹی ہر اس شخص کی جماعت ہے جو پاکستان کا شہری ہونے کے باوجود بنیادی وسائل سے محروم ہے۔ہم عوام کی آواز بنیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔