دادو( نامہ نگار )بھان سید آباد:خسرہ بچائو کی ویکسی نیشن ٹیم پر حملہ،ایکخاتون شدیدزخمی،متاثرہ ویکسی نیٹر کے مطابقملزم نے نہ صرف خاتون ورکر پر سنگین تشدد کیا بلکہ ویکسین کیئر، انجیکشنز اور سیفٹی باکس بھی ضائع کر دیئے۔تفصیلات کے مطابق وزیر اعلی سندھ سید مراد علی شاہ کے آبائی حلقے تحصیل سیہون کے شہر بھان سیدآباد کے قریب گاؤں پیرل پنہور میں خسرہ سے بچاؤ کی ویکسینیشن ٹیم پر مبینہ طور پر نياز پنہور نامی شخص نے حملہ کر دیا، جس کے نتیجے میں خاتون ورکر پری گمبھیر شدید زخمی ہو گئیں۔ حملہ اس وقت کیا گیا جب ٹیم گھر گھر جاکر بچوں کو خسرہ کے حفاظتی ٹیکے لگا رہی تھی۔خاتون کے مطابق اس واقعے کےدوران ملزم نے نہ صرف خاتون ورکر پر سنگین تشدد کیا بلکہ ویکسین کیئر، انجیکشنز اور سیفٹی باکس بھی ضائع کر دیئے۔ زخمی خاتون ورکر نے بتایا کہ وہ معصوم بچوں کو قطرے پلانے اور حفاظتی ٹیکے لگانے پہنچی تھیں کہ ان پر اچانک حملہ کر دیا گیا۔
=========================
گیمبلنگ ایپ اسکینڈل: ڈکی بھائی رہائی کے بعد سوشل میڈیا پر واپس آئیں گے؟ اہلیہ نے بتا دیا
گیمبلنگ ایپ کی تشہیر میں ملوث، حال ہی میں ضمانت پر رہا ہونے والے معروف یوٹیوبر سعد الرحمٰن المعروف ڈکی بھائی کی اہلیہ عروب جتوئی نے ان کی یوٹیوب سرگرمیوں سے متعلق اہم وضاحت جاری کر دی ہے۔
ڈکی بھائی کے ضمانت پر رہائی کے بعد عروب جتوئی نے سوشل میڈیا پلیٹ فارم انسٹاگرام پر پوسٹ جاری کی جس میں انہوں نے اپنے اور ڈکی بھائی کے ہاتھوں کی تصویر شیئر کی۔
بعدازاں انہوں نے ایک وضاحتی پیغام میں بتایا کہ مذکورہ تصویر نئی نہیں ہے بلکہ پرانی ہے۔ اس کے ساتھ ہی انہوں نے مزید لکھا کہ سعد اس وقت سوشل میڈیا سے وقفہ لے رہے ہیں۔
انہوں نے انسٹا اسٹوری میں لکھا کہ فی الحال جو بھی ویڈیو یا تصویر آن لائن نظر آ رہی ہیں، وہ پرانی ہیں، رہائی کے بعد انہوں نے کوئی نئی ریکارڈنگ یا تصویر نہیں بنوائی ہے۔
24 سالہ عروب جتوئی نے مداحوں سے اپیل کی کہ وہ سوشل میڈیا پر زیر گردش افواہوں یا جھوٹی معلومات پر یقین کرکے غلط فہمی کا شکار نہ ہوں۔
انہوں نے یہ بھی لکھا کہ وہ واپس آئیں گے اور پہلے سے بھی زیادہ مضبوط ہو کر آئیں گے۔
واضح رہے کہ ڈکی بھائی کو اگست میں لاہور ایئرپورٹ سے نیشنل سائبر کرائم انویسٹی گیشن ایجنسی (NCCIA) نے جوئے کی ایپ کی مبینہ تشہیر کے الزام میں گرفتار کیا تھا۔
انہیں پیر کے روز ہائی کورٹ نے 10 لاکھ روپے کے ضمانتی مچلکوں کے عوض ضمانت پر رہا کرنے کا حکم دیا تھا۔
