بھارتی گلوکار دلجیت دوسانجھ نے شہرت کے معاملے میں شاہ رخ خان اور الو ارجن جیسے نامور اداکاروں کو پیچھے چھوڑ دیا ہے۔
برطانوی میڈیا کی جانب سے جاری ہونے والی ایشیا کی 50 مشہور شخصیات کی فہرست میں دلجیت دوسانجھ سال 2024 میں شاہ رخ خان اور الو ارجن سے زیادہ شہرت حاصل کرنے والی شخصیت قرار پائے۔
فہرست میں شاہ رخ خان، پشپا اسٹار الوارجن، امیتابھ بچن، پریانکا چوپڑا اور اریجیت سنگھ بھی شامل ہیں۔
اس فہرست میں شامل دیگر ہندوستانی مشہور شخصیات میں پربھاس 14 ویں نمبر پر ہیں اور راج کمار راؤ پندرہویں، اسی طرح کارتک آریان (25 ویں)، امیتابھ بچن (26 ویں)، عالیہ بھٹ (30 ویں)، شاہ رخ خان (32 ویں)، اور ہریتک روشن (47 ویں) پر رہے۔
ایشیا کی مشہور شخصیات کی فہرست میں شامل ہونے پر دلجیت دوسانجھ نے اس کا سہرا اپنے مداحوں کو دیا اور اُن کے ساتھ یہ خوش خبری بھی شیئر کی۔
